Euskal enpresaren blog-a Zure enpresarentzat garrantzitsua den eguneroko informazioa
17 maiatza, 2018

Denda hibridoak: teknologia digitalek saltokiak inbaditu dituzte

Emakume bat sakelakoari begira erakusleiho baten parean.

 

Erosketak egiteko modua aldatzen ari da, AA, errealitate birtuala eta datu handiak direla medio

Aldaketa disruptiboak ari dira gertatzen retail sektoreko balio-kate osoan, hasi biltegiko logistikatik eta produktu edo zerbitzuen entregaraino. eCommerce eta denda fisikoen arteko mugak gero eta lausoagoak dira, merkataritza hibridorantz goazelako teknologia digitalen eskutik. Adimen artifizialari esker posible da prozesuak automatizatzea eta portaerak aurreikustea, errealitate birtualak eta areagotuak erosketa esperientzia berriak eskaintzen dituzte, eta zerbitzuak gero eta pertsonalizatuagoak izan daitezke datuen analitikari esker.

 

ESICeko Ekonomia Digitaleko Institutuak txosten batean aztertu ditu merkataritza sektorean aplikatu diren azken berrikuntza teknologikoak. Eraldaketa Digitala Merkataritzan izeneko txostenak bost joera handi identifikatu ditu, ondoko hauekin lotuta daudenak: Fabrika Adimenduna, erosketa prozesuen sinplifikazioa, bezeroa esperientzia guztien erdigunean jartzea, hiper-pertsonalizazioa eta denda tradizionala eraldatzea.

 

Teknologia horiek berrikuntza esanguratsuak dakartzate kate logistiko osora, hasi biltegitik edo inbentarioen kudeaketatik eta entrega eta itzulketa prozesuetaraino. Adibidez, langileek errealitate areagotuko betaurrekoak erabil ditzakete eskaerak kudeatzeko, dronak erabil daitezke inbentarioa kontrolatzeko edo ibilgailu autonomo txikiak sor daitezke azken miliako entregak egiteko. Kontsumitzaileek gero eta gehiago eskatzen dutenez, saltokiak hasiak dira trazagarritasun sistemak aplikatzen; hala, etiketa eskaneatze hutsarekin jakin liteke nondik datorren produktu bakoitza eta nola egin den.

 

Bestalde, errealitate birtual eta areagotuko teknologiak baliagarri izaten ari dira onlineko erosketen oztopo handienetako bat gainditzeko: ezin jakitea benetan nola geldituko den Internetez erositako produktu bat. Altzari marka batzuk hasi dira tresna bereziak garatzen jakiteko beren produktuak nola geldituko liratekeen benetako inguruneetan, eta badaude aplikazio mugikorrak ere, erabiltzaileei arropa birtualki probatzeko aukera ematen dietenak.

 

Retail sektoreko beste joera handi bat da laguntzaile birtualak erabiltzea. Tresna horiek ikaskuntza automatikoa baliatzen dute gomendio hiper-pertsonalizatuak egiteko eta, besteak beste, gai dira erabiltzailearen aldartea ezagutzeko eta erabiltzailea geo-lokalizatzeko. Horrelako teknologiak gero eta gehiago erabiltzen dira aplikazio mugikorren bitartez edo dendetan kokatutako espazio espezifikoetan, non bezeroak aholkularitza pertsonalizatua jasotzen baitu.

 

Bukatzeko, txostenak hiper-pertsonalizazio zerbitzuak ere aztertu ditu, esaterako, modako piezak fabrikatzea eskaeraren arabera oihal-inprimagailuak erabiliz edo ikusizko identifikazioa baliatzea produktuak bilatzeko. Hau da, erabiltzaileak argazki bat egin diezaioke edozein objekturi eta teknologia horrek esango dio non eros dezakeen, online edo denda fisikoetan.

La CE aumenta la financiación de proyectos de innovación e investigación sobre coronavirus a través del Horizon 2020
Berrikuntza 30 martxoa, 2020
Europako Batzordeak koronavirusari buruzko berrikuntza eta ikerketa proiektuen finantzaketa handitu du Horizon 2020ren bidez

Europako Batzordeak Horizon 2020 programa eguneratu du koronabirusarekin lotutako ikerketa eta...Leer más

Berrikuntza 25 martxoa, 2020
Telelana errazteko gakoak eta baliabideak

Laneko osasun aholkuak eta teknologia digital berriak aprobetxatzeko tresnak   Egunotan...Leer más

Aitziber L. Cortajarena, investigadora de Ikerbasque
Berrikuntza 24 martxoa, 2020
Bio-LED belaunaldi berri bat garatzeko asmoarekin nazioarteko proiektu batean hasi da elkarlanean CIC biomaGUNEk

Naturak argia sortzen du. ‘Aequorea victoria’ marmoken kasuan, proteina fluoreszente batek...Leer más

ITP Aero investiga
ITP Aerok etorkizuneko propultsio sistemak ikertzen ari da

Motor hibrido elektrikoetan lan egiten duen statuko enpresa bakarra da eta enpresen eraldaketa...Leer más

Berrikuntza 12 martxoa, 2020
“EATendencias” txostenak elikaduraren etorkizuna markatuko duten indarrak identifikatu ditu

AZTI Tecnalia-k eginiko azterlan hori Europako EIT Food proiektuaren barruan kokatzen...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?