Cybasquek 19 bazkide berri batu ditu urritik, eta zibersegurtasuna euskal ekonomiaren gainerako sektoreetan sartzeko helburua jarraitzen du
Euskal Herriko Zibersegurtasunaren Elkarteak (Cybasque) urteko lehen batzar orokorra egin du gaur goizean online formatuan eta 2020ko urrian eratu zenetik egindako jarduerak errepasatu ditu. Gainera, ekimen berriak eta erakundearen kudeaketa-plana aurkeztu ditu, SPRI taldeko Basque Cybersecurity Centerek (BCSC) eta sektoreko euskal enpresen lidergoak bultzatuta sortu zena.
GAIA taldean integratuta, Cybasquek 59 enpresa biltzen ditu gaur egun, eta helburu nagusia da Euskadi nazioarteko erreferente bihurtzea zibersegurtasunean, honen aplikazioa industrian bultzatuz eta ekonomia digitaleko segurtasun-arriskuei buruz kontzientziatuz.
Ildo horretan, Cybasquek azpimarratu du dagoeneko hasi direla lanean Elektronika edo IOT (Gauzen Interneta) bezalako sektoreekin. Orain, helburua euskal ekonomiaren gainerako sektoreetara iristea da, zibersegurtasuna funtsezko elementu gisa sar dezaten euren jardueran. Horretarako, lehenik eta behin, gainerako klusterrekin batera lan egingo dutela aurreratu dute.
BCSCren Liburu Zuriaren datuen arabera (2020), euskal enpresen %80k aurreikusten du zibersegurtasuneko ekintzak egitea euren aurrekontuetan, eta %85ek uste du zibersegurtasun industrialeko inbertsioa handitu egingo dela datozen urteetan. Xabier Mitxelena Cybasqueko presidentearen ustez, “Funtsezkoa da sortzen den edozein produktu edo zerbitzuk zibersegurtasuna osagaitzat izatea, tokiko eta nazioarteko merkatuetan lehiatu ahal izateko. “Zibersegurtasuna funtsezkoa izango da etorkizuneko lehiakortasunean”, azpimarratu du.
Erakundearen lehen hilabeteen balantzean Mitxelenak azpimarratu duenez, “Sektorea elkartzea eta elkarlanean aritzea lortu dugu. Berrikuntzaren, eskaria sortzearen eta nazioartekotzearen arloan ekimen multzo bat egotea, eta ekimen horietan elkarrekin lan egitea. Ziur nago, talentuaren eta ezagutzaren kudeaketaren ikuspegitik, Euskadi erreferentziazko puntua izango dela nazioarteko zibersegurtasunaren esparruan “.
Bestalde, Basque Cybersecurity Centereko zuzendari den Javier Dieguezek dioen bezala, zibersegurtasuna hazkundean dagoen sektorea da, eta “Euskadiko industria tradizionalaren bertikal askotan eginkizun estrategikoa izango du, batez ere bizi duen digitalizazioagatik”.
Ildo horretan, Dieguezek azpimarratu du digitalizazioa aukera dela, segurtasunez aurre egiten zaion neurrian. “Negozio eredua digitalizatzeko segurtasun estrategia argia behar da. BCSCtik lankidetza publiko-pribatua sustatzen dugu, uste baitugu zibersegurtasunaren eskaintzaren garapena – zerbitzuena zein konponbideena – zibersegurtasuneko zerbitzuak eta teknologia eskaintzen duten enpresek gidatu behar duela. Uste dugu Eusko Jaurlaritzak oso eginkizun garrantzitsua duela enpresek helarazten dituzten estrategia eta lehentasun guztiak bideratu eta bultzatzeko “, gaineratu du.
Etorkizuna duen sektorea
- Zibersegurtasuna, 130 bilioi euroko merkatu potentziala izango da 2022an mundo mailan.
- BCSCren Liburu Zuriaren arabera (2020). 2.000 profesional baino gehiagok zibersegurtasunaren arloan egiten dute lan Euskadi mailan, eta industria-enpresen %18k zibersegurtasun plan formalak dituzte.
- Euskal enpresen %80ak zibersegurtasuneko ekintzak egitea aurreikusten du.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna