Euskal enpresaren blog-a Zure enpresarentzat garrantzitsua den eguneroko informazioa

9 abendua, 2020
Coaser: pandemiak digitalizazioan gorakada eragin du

Aholkularitza enpresa honen eskaria zeharo igo da, telelanaren, merkataritza elektronikoaren eta neurrira egindako aplikazioen garapena dela eta
Coaser
Coaserren taldea

Pandemiak euskal konpainien digitalizazio prozesuak bizkortu ditu, eta Coaser horren erakusgarria da. Aholkularitza-enpresa honek enpresei eraldaketa digitalean laguntza ematen die, batez ere ETEei. Aurten, beste urrats bat eman du haren hazkundean, telelanaren, merkataritza elektronikoaren eta aplikazio propioen garapenaren ondorioz sortutako beharrak ugaritu direlako.

Enpresa Gasteizen sortu zuten 2009an bi bazkidek: Jose Angel Gomezek (orduan 27 urte zituen) eta Juan Carlos Garciak (garai hartan 25 urte zituen). Ordenagailuen salmentan eta mantentze-lanetan aritzen zen enpresa gisa sortu zen. Baina laster hasi zen eboluzionatzen zerbitzu gehiago eskaintzeko, gaur egun dena bihurtu arte, zortzi langile dituen aholkularitza-enpresa bat.

Ireki eta bi urtera, Logic Control enpresarekin aliantza estrategiko bat egin zuten, zerbitzu gehigarri bat eskaintzeko, fakturazio, kontabilitate eta fabrikazioaren kudeaketa programak barne. Gainera, 2014an beste bazkide berri bat sartu zen. Horrek bere bezeroen sarea ekarri zuen Coaserrera eta IT inguruan 25 urte baino gehiagoko esperientziarekin lagundu zuen.

Enpresaren ibilbidean, 2017a inflexio-puntua izan zen, neurrira egindako aplikazioak garatzeko estrategia berri bat aktibatu zen unea izan bait zen. “Merkatuan ez zeuden hainbat kontu ebazteko soluzioak eta bezeroek eskatzen zizkiguten; guk geuk sortzen hasi ginen”, adierazi du Juan Carlos Garcia konpainiako zuzendariak. Alor hori indartu egin da aurten, pandemiaren ondorioz sortu diren aukera berriekin.

Zalantzarik gabe, 2020 honek telelana eta merkataritza elektronikoa bultzatu ditu, Coaserrek gogor lantzen dituen bi esparruak hain zuzen ere. “Arlo horietan hazten ari gara eta hainbat sektoretako enpresek eskatzen dute: Internet bidez saldu behar duten saltoki eta jatetxeek, online prestakuntza behar duten zerbitzuek, ehorztetxeek, etab.”, adierazi du Garciak.

Coaserrek “zerbitzu-sektorean % 50ean eta industrian beste % 50ean” dauden konpainiei ematen die zerbitzua, baina behar desberdinak dituztela azpimarratzen du enpresako arduradunak. “Zerbitzuetan oso murgilduta gaude cloud tresnetan, kostua nabarmen murriztu delako eta enpresek gero eta lehentasunezkoagotzat jotzen dutelako; bezeroak migratzen ari gara”, gaineratu du Juan Carlos Garciak: “Industrian, instalazioko datuen harrapaketa handiago behar da, negozioaren analisia egitea…”. Halaber, tartea zabaltzen ari da prozesuetarako eta finantza, merkataritza eta ekoizpen adierazleetarako tresna digitalen eskaintzan.

Coaserrek 2012 eta 2015 artean Sprilurren jabetzako Azucareraren instalazioak erabili zituen. Orain, Deba eraikinean duen egoitzatik, Araban jarraitzen du lanean, orain arte bezala. Baina, gainera, azken urteotan, bere ekintza-eremua Gipuzkoara eta Bizkaira zabaldu du, eta, orain, baita beste leku batzuetara ere, hala nola Gironara, Madrilera edo Kantabriara, Roboticsekin lankidetzan.

Gasteizko enpresak beste enpresa batzuekin lan egin du beti. Izan ere, Juan Carlos Garcia Arabako Enpresari Gazteen Elkarteko (Ajebask) presidentea da duela urte batzuetatik, eta CEAJE Espainiako Konfederazioko presidenteordea ere bada.

SPRI Taldearen helburuetako bat euskal enpresak digitalizatzea da, big data, machine learning, adimen artifiziala eta marketing digitala bezalako tresnak, zerbitzuekin, laguntzekin eta hemen zehazten diren aktiboekin sustatuz.

IKTak 15 urtarrila, 2021
Euskal adimen artifiziala profesionalak hautatzeko prozesuetan

ieTeam aholkularitza eta Kevo Technologies teknologia enpresak batu dira, adimen artifizialaren...Leer más

IKTak 14 urtarrila, 2021
Txac Planet: pentsamendu konputazionalaren logika haurtzarotik hasita

Programazio-hizkuntzarekin eta pentsamendu konputazionalarekin lotutako ezagutzak izatea gero eta...Leer más

Jonathan López, gerente de Linub
IKTak 7 urtarrila, 2021
Linube: “Gure erronka gero eta enpresa gehiago hodeira eramatea da”

Estatistikako Institutu Nazionalaren txosten baten arabera, 10 langile edo gehiago dituzten...Leer más

IKTak 30 abendua, 2020
ntClick, nazioartekotzearen bila dabilen software-ingeniaritza enpresa

ntClick Soluciones Tecnológicas 2005ean Berrizen sortutako enpresa da, eta maiatzean bulego...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?