Euskal enpresaren blog-a Zure enpresarentzat garrantzitsua den eguneroko informazioa

11 apirila, 2018
BiscayApp lehiaketak ideia berritzaileak behar ditu aplikazio mugikorrak egiteko

Lehiaketan parte hartu nahi duenak ekainaren 30era arte eman dezake izena.

 

Lehiaketan parte hartu nahi duenak ekainaren 30era arte eman dezake izena.

BiscayTIK, Beaz eta SEED CAPITAL erakundeek abian dute BiscayApp lehiaketa, zeinaren helburua baita aplikazio mugikor berritzaileen sorkuntza sustatzea. Lehiaketa hori enpresei, lantaldeei eta norbanakoei zuzenduta dago, eta berdin aurkeztu daitezke funtzionatzen duten aplikazioak, garapen fasean dauden proiektuak nahiz fase aurreratu batean dauden ideiak.

 

BiscayApp lehiaketan parte hartzeko, proiektuak lotura izan behar du lehiaketako lau kategorietako batekin. Aurtengo edizioan lau gai garrantzitsu daude: Silver Economy (hau da, pertsona nagusien premia espezifikoak asetzeko produktuak eta zerbitzuak), datuen analisia, energia eta 4.0 Industria. Hona hemen lau kategoria horietara aurkeztu daitezkeen aplikazioak: publiko orokorrari zuzendutakoak, sektoreko enpresentzat pentsatutakoak edo erabiltzaile profil zehatzentzat eginak.

 

Hautagaitzak aurkezteko epea zabalik egongo da ekainaren 30era arte. Epaimahai espezializatu batek bi aplikazio finalista aukeratuko ditu kategoria bakoitzean, hainbat irizpide kontuan hartuta, besteak beste, hauek: usagarritasuna, inpaktu ekonomiko eta soziala, eta ideiaren berrikuntza-maila. Urrian egingo da sari-banaketa ekitaldia, non 2.000 euroko sariak emango baitzaizkie kategoria bakoitzeko irabazleei. Gainera, aplikazio onenak 10.000 euroko sari berezi bat irabaziko du, eta BEAZ eta SEED CAPITAL erakundeek eskainitako hazkuntza-programa bat egin ahal izango du aplikazioa garatzeko.

 

2017ko edizioan ehundik gora proposamen aurkeztu ziren. TTS proiektua izan zen irabazlea; hizketarako ezgaitasuna duten pertsonei zuzendutako aplikazio mugikor bat da, aukera ematen diena erabiltzaileei ahots bihurgailu baten bidez komunikatzeko. Aplikazio hori Aholab ikerketa-taldeak garatu zuen UPV/EHUk Bilbon duen Goi-mailako Ingeniaritza Eskolan.

induistria digitala
Enpresa digitala 18 ekaina, 2020
Industria Digitala programak 279 digitalizazio-proiektu lagundu ditu 2,36 milioi eurorekin

    Telelana ezartzeko proiektuak eta 4.0 industriako teknologia bideratzaileekin...Leer más

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?