BAIC-ek ekitaldi bat antolatu du, non bertatik bertara aurkeztuko baitira adimen artifiziala aplikatu duten industri arloko bost kasu erreal

Basque Artificial Intelligence Center-ek (BAIC), hots, Adimen Artifizialaren Euskal Zentroak -zeina 2001ean sortu baitzen teknologia berri horren erabilera azkartzeko industrian- ekitaldi bat antolatu du maiatzaren 18an adimen artifiziala darabilten industri arloko bost kasu erreal aurkezteko.

Ekitaldia I. Dataton Euskadi izeneko ekimenaren barruan egingo da, eta  Dataton Euskadi, berriz, Espainiako IndesIA elkartearen laguntzarekin antolatzen da. Espainiako bederatzi enpresa handik osatzen dute industriarako adimen artifizialaren elkarte hori: Repsol, Gestamp, Navantia, Técnicas Reunidas, Telefónica, Microsoft, Airbus, Ferrovial eta Inditex. Euskadiko I. Dataton ekitaldiak aukera emango du Euskadiko enpresa garrantzitsuen adimen artifizialaren munduan murgiltzeko. Enpresa horiek, adimen artifizialeko konponbideetan adituak diren hornitzaile teknologikoekin batera, arazo errealentzako konponbideak garatuko dituzte, datuen zientzia eta domeinuaren ezagutza aditua uztartzen dituzten ereduak eta algoritmoak garatuta.

Maiatzaren 18an, amaiera-ekitaldian, hizpide hartuko dira ETEek eta tokiko enpresek eskainitako industri arloko bost erronka erreal horiek. Hornitzaile teknologikoek hiru egunetan ebatziko dituzte erronkak –erronka bana– adimen artifizialaren bidez.   Diziplina anitzeko taldeek oso modu dinamikoan azalduko dute garatu duten konponbidea eta nolako inpaktua izan dezakeen euren negozioan.

Zehazki, erronkak dira: produkzio-lerroaren kontsumo energetikoaren predikzioa, hortz-egituren segmentazioa 3D irudietan, material medikoen eskaeraren predikzioa, motor industrialetako anomalien detekzioa eta ingeniaritzako proiektu bateko zereginen optimizazioa.

Ekitaldia, beraz, aukera bat da adimen artifizialarekin hasi gabe dauden edo hasiak egon arren aurrera egin nahi duten euskal ekosistemako ETE eta enpresa handientzat, aplikazio errealei buruz ikasiko dutelako eta ezagutzak egingo dituztelako prozesu honetan lagunduko dieten eragileekin.

Lotutako albisteak

2 ekaina, 2023 Digitalizazioa

Jarri konponbidea zure enpresaren Interneterako konexio-arazoei. Eskura ezazu Banda Zabala Euskadiko enpresa guztietara zabaltzeko laguntza, eta mugarik gabeko konektibitatea izango duzu.

Irakurri gehiago

1 ekaina, 2023 Digitalizazioa

GAIA klusterreko 315 enpresek % 7,5 gehiago fakturatu zuten 2022an

Irakurri gehiago

30 maiatza, 2023 Digitalizazioa

Barnetegi Teknologikoa, teknologia aurreratuenetan murgiltzeko ekimena

Irakurri gehiago

29 maiatza, 2023 Digitalizazioa

Flexixek kalitate-jauzia eman du zelula automatiko baten instalazioarekin

Irakurri gehiago

24 maiatza, 2023 Digitalizazioa

BAT Dorreak eraldaketa digitalari eta teknologiari buruzko topaketa bat ostatatuko du

Irakurri gehiago

Joan blog-era