Aplikazio berri bat Donostiako Udaltzaingoaren lana errazteko

Ideable euskal enpresak garatu du aplikazio mugikor hori

Donostiako hiri- eta mugikortasun-agenteek aplikazio mugikor berri bat izango dute beren eguneroko lana hobeto eta azkarrago egiteko. Sistema horren bidez agenteek aukera izango dute abisuak eta informazioa jasotzeko dispositibo mugikorrean, hala, konektatuta egongo dira uneoro.

Proiektu hau Bizkaiko Ideable enpresa teknologikoak, Donostiako Udalaren DonostiaTIK zentro informatikoak eta hiriko Udaltzaingoak elkarrekin garatutako lankidetzaren emaitza da. Aplikazio berria sortu da hiri- eta mugikortasun-agenteek errazago eskuratu dezaten beren funtzioak garatzeko behar duten informazioa, IKTek eskaintzen dituzten aukerak aprobetxatu direlarik horretarako.

Aplikazioa Android dispositiboetan erabili ahal izango da, bai euskaraz eta bai gaztelaniaz. Agente bakoitzak erabiltzaile profil bat du eta aukera izango du hainbat funtzionaltasun eta informazio-mota eskuratzeko, betiere karguaren arabera. Gainera, aplikazioak lan-orduetan bakarrik emango die sarbidea agenteei, bakoitzarentzat definitutako ordutegiaren arabera.

Aplikazio berriaren funtzio garrantzitsuenak dira abisuak jaso eta intzidentziak kontrolatzea, eta informazio esanguratsua eskuratzea, besteak beste, pertsonen eta ibilgailu matrikulen identifikazioa dispositibo mugikorrean bertan. Gainera, agenteek posible izango dute intzidentziei buruzko argazkiak sartzea sisteman eta zerbitzu-puntuak geo-kokatzea.

Lotutako albisteak

18 apirila, 2024 Digitalizazioa

Hobycasa, aurrez fabrikatutako egurrezko etxeen arloan liderra den Gasteizko enpresa

Irakurri gehiago

12 apirila, 2024 Digitalizazioa

Lau ekintzailek plataforma bat sortu dute 4.0. Industriako proiektuak online kudeatzeko

Irakurri gehiago

12 apirila, 2024 Digitalizazioa

ScrapAdek hondakinen salerosketa-prozesua errazten die mundu osoko enpresei

Irakurri gehiago

5 apirila, 2024 Digitalizazioa

Zure enpresa industria adimendun bilakatzen laguntzen dizu Smart Industry programak

Irakurri gehiago

5 apirila, 2024 Digitalizazioa

Egin ezazu prestakuntza-plana zure enpresan Gaitasun Digitalen programarekin

Irakurri gehiago

Joan blog-era