Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 22 otsaila, 2024 Digitalizazioa Zutaz mintzo (gara)

ACK enpresak bere zerbitzuak zabaldu nahi ditu aholkularitza informatiko eta softwarea garatzeko ingeniaritza gisa

Bizkaiko enpresak kudeaketa eta aholkularitza zerbitzuak eskaintzen ditu elikadura, banaketa edo metal-sektoreetarako, besteak beste.

ACK Software enpresa ingeniaritza informatiko bat da, enpresak kudeatzeko soluzio eta baliabideak garatzen dituena. Barakaldon (Bizkaia) kokatua, bere bezeroekin batera lan egiten du neurrira egindako soluzio bat garatzeko, bere beharretara egokitzen dena eta oso erabilgarria dena. Gaur egun 10 langile ditu, etorkizun hurbilean langile gehiago izateko asmoarekin. 

Bizkaiko konpainiak erabiltzen duen sistemak Tryton du izena, software librea eta lizentziarik gabe, eta modu lokalean zein onlinean lan egiteko aukera ematen duena.  “Prozesuak optimizatzeko integratzen diren hainbat modulu eskaintzen ditugu. Teknologia berrien integrazioari esker, prozesu horiek eraginkorragoak eta azkarragoak dira, eta erabakiak hartzeko metodoa hobetu egiten da, negozio lehiakorragoa lortzen, gainera aurreztuz”, adierazi du, ACKko CEOk. 

Enpresa estatuan soilik aritzen bada ere, bere soluzioak atzerrira iristen dira bere bezeroen nazioarteko ordezkaritzen bidez. Azken urteotan, ACK elikagaien sektoreari zerbitzua ematen espezializatu da, Nandín kontserba-lantegia, Arrese gozotegia edo Sukalde catering-enpresa bezalako bezeroekin.  

Enpresak Santa Rosalia Gourmet gehitu du bere bezeroen artean, Espainiako Wagyu haragi-hazle eta -ekoizlea. Softwarea garatzeko lana jorratu du konpainiak, bere kudeaketa- eta kalitate-kontroleko sistema kudeatzeko dituen beharrak asetzeko. Gainera, ACK beste sektore batzuetan ere jorratzen du bere lana, hala nola  banaketa-enpresetan edo metalaren industrian, Cikautxo, edo Gestamp Taldeko Edscha enpresa, adibidez. 

Konpainiak enpresa askok modernizatu gabe dituzten prozesuak hobetzera animatzen dute. “Ezinbestekoa da teknologiaren potentzialaz baliatuko diren lan-metodo berrietara aldatzea”. Gainera, SPRI Taldearen laguntza jaso du, bere digitalizazio-programen bidez. Etorkizunari begira, elikagaien sektorean sendotzea du helburu, eta, aldi berean, beste sektore batzuetan hazten joatea. 

SPRI Taldearen helburuetako bat euskal enpresen eraldaketa digitala da. Besteak beste, Smart Industry, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du. 

Lotutako albisteak

23 apirila, 2024 Digitalizazioa
SPRIk Hannover Messe 2024 azokan dauden Euskadiko enpresei lagunduko die
Irakurri gehiago
18 apirila, 2024 Digitalizazioa
Hobycasa, aurrez fabrikatutako egurrezko etxeen arloan liderra den Gasteizko enpresa
Irakurri gehiago
12 apirila, 2024 Digitalizazioa
Lau ekintzailek plataforma bat sortu dute 4.0. Industriako proiektuak online kudeatzeko
Irakurri gehiago
12 apirila, 2024 Digitalizazioa
ScrapAdek hondakinen salerosketa-prozesua errazten die mundu osoko enpresei
Irakurri gehiago
5 apirila, 2024 Digitalizazioa
Zure enpresa industria adimendun bilakatzen laguntzen dizu Smart Industry programak
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak