Euskal enpresaren blog-a Zure enpresarentzat garrantzitsua den eguneroko informazioa
Albisteak 6 maiatza, 2020 Berrikuntza Digitalizazioa Ekintzailetza Berrikuntza soziala Innobideak Start up up euskadi

50 konponbide berritzaile baino gehiago nekazaritza eta elikadura sektorean ekonomia zirkularra inplementatzeko

Europako ORHI proiektuak argitara atera ditu teknologiak eta negozio-ereduak biltzen dituzten bi katalogo

 

Europako ORHI proiektuak argitara atera ditu teknologiak eta negozio-ereduak biltzen dituzten bi katalogo

 

Europar Batasunean urtero alferrik galtzen dira 88 milioi tona elikagai, alegia produkzioaren % 20, eta 15 milioi tona hondakin plastiko sortzen dira elikagaien bilgarriak plastikozkoak direlako. Gauzak horrela, ekonomia zirkularra aukera paregabea da zaborretara botatzen ditugun materialei berriro balioa emateko, posible baita lehengai bihurtzea eta ekonomikoki eta ingurumenari dagokionez sostengarriak diren negozio-ildo berriak sortzea.

 

Europako ORHI proiektuaren xedea da ekonomia zirkularreko konponbide berriak bilatu eta bultzatzea nekazaritza eta elikadura sektorearentzat, hondakin gehien sortzen duenetako bat delako eta, aldi berean, berrikuntzarako potentzial handia duelako. Euskadi, Nafarroa, Errioxa, Pirinio Atlantiko eta Okzitaniako bederatzi bazkidek osatzen dute partzuergo hau, zeinak helburutzat baitu konponbide berritzaileak identifikatzea eta enpresei laguntzea konponbide horiek inplementatzen.

 

ORHIk argitara atera ditu bi katalogo, non konponbide berritzaile ugari biltzen baititu ekonomia zirkularreko proiektuak bultzatzeko, zehazki, dagoeneko merkatuan dauden 37 teknologia eta 20 negozio-eredu zirkular. Proiektu hau batez ere zentratu da hondakin organikoei eta plastikoei balioa emateko konponbideetan, zeintzuk beraizik zuzentzen baitzaizkie nekazaritza eta elikadura sektoreko enpresei eta baita ere industria osagarriei eta teknologi zentroei.

 

Teknologia berritzaileak jasotzen dituen katalogoak bere baitan hartzen ditu, adibidez, materia organikoa berrerabiltzeko konpostaje industrialeko sistema bat, elikagaiak hobeto kontserbatzeko hozte-ekipoak eta hondakin-uren ultrafiltrazioko konponbideak. Bestalde, negozio-eredu berrien katalogoak hainbat kasu aipatzen ditu, zehazki, ekonomia zirkularraren bitartez negozioa dibertsifikatzea, aurreztea eta merkatu-nitxo berriak aurkitzea lortu duten enpresen kasuak.

 

Horietako bat da Gaxure, gaztandegietan sortzen den esne-gazurari balioa emanaz sortu den produktu bat. Leartiker zentroaren teknologiari esker, Euskadiko hiru gaztandegi produktu hori merkaturatzen hasi dira, bai amaierako kontsumitzaileentzat eta baita ere jatetxeentzat. Beste kasu arrakastatsu bat da PeelPioners, zeinak zukuak egitean sortzen diren zitrikoen hondakinak berrerabiltzen baititu beste industria batzuetan, esaterako, animalientzako pentsuak edo produktu kosmetikoak egiteko. Halaber ageri da In-Stock jatetxe-sarea eta catering zerbitzua, zeinak hornidura-kateko elikagai soberakinak erabiltzen baititu bere platerak egiteko.

 

OHRI 2018ko urtarrilean aktibatu zen eta aurtengo abenduan amaituko da. Denbora horretan lurralde mailako eta mugaz gaindiko tailerrak egin dira enpresen arteko sinergiak bultzatzeko, helburua izanik konponbide berritzaileak ezartzea proiektuan parte hartu duten lurraldeetan. Proiektu hau Europar Batasunak finantzatzen du FEDERen bitartez, eta hauek dira parte-hartzaileak: Saiolan, Azaro Fundazioa, Aclima, ADER, ESTIA – Institute of Technology, AIN, CCI Bayonne Pays Basque, Apesa eta Coop de France Occitanie.

 

 

Albisteak 19 iraila, 2022 BDIH
Cikautxo-k hidrogenozko ibilgailuentzako proiektuen esleipenak eskuratu ditu
Irakurri gehiago
Albisteak 15 iraila, 2022 Berrikuntza
Osoak enpresak zirkuituak eta ekipo elektronikoak fabrikatzen ditu desgaitasuna duten pertsonek osatutako lan-taldearekin
Irakurri gehiago
Albisteak 12 iraila, 2022 Berrikuntza
Mondragon Unibertsitateak  enpresa arloko patenteei buruzko espezializazio-ikastaro bat eskainiko du
Irakurri gehiago
Josu Aztiriaren argazkia Elkarrizketak 12 iraila, 2022 Berrikuntza
“Baldintza ezinhobeak ditugu industria adimendun potente bat izateko. Orain apustu estrategiko bat behar dugu eta azkar gainera”
Irakurri gehiago
Albisteak 8 iraila, 2022 Berrikuntza
Euskadik Espainiako enpresa lider garrantzitsuenak  bilduko ditu CEDE Fundazioko Zuzendaritza-karguen XXI. Kongresuan
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak