475 ETE eta autonomok Eusko Jaurlaritzaren aholkularitza eskatu dute telelana ezartzeko
SPRI Taldeak abiarazitako Inplantalariak programak sekulako arrakasta lortu du duela bi aste premiazko neurri gisa eskaintzen hasi zenetik
Azken bi asteetan, 475 euskal autonomo eta ETEk SPRI Taldearen (Enpresen Garapenerako Euskal Agentziaren) aholkularitza eskatu dute telelana ezartzeko itxialdi egoera honetan. Zehazki, 20 egunetan 320 konponbide ezarri dira Inplantalariak programaren bitartez, zeina Eusko Jaurlaritzako Ekonomi Garapen eta Azpiegitura Sailak abiarazi baitu SPRI Taldearen bidez, langileak eta enpresak babesteko une hauetan.
Telelana ezartzea eta aholkularitza ematea helburu duen zerbitzu honen bidez teknologiaren erabilpenean lagundu nahi zaie autonomo eta ETEei, aukera izan dezaten etxetik bertatik jarraitzeko euren jarduerarekin edo gutxienez jardueraren zati batekin.
Zuzenean ezarri diren telelanerako konponbideez gain, ekimen honen bidez hornitzaileei helarazi zaizkie euskal autonomo eta ETEek planteatutako 10 eskaera.
Eskatzaileetatik, ia% 30 industria-sektoreetatik eta lotutako zerbitzuetatik datoz, hala nola ingeniaritzetatik eta instalatzaileetatik,% 25 autonomoak dira,% 40 ETEak, 1 eta 5 langile artean dituztenak, eta% 18 6 eta 10 langile bitartekoak. % 50 Bizkaitik datoz,% 36 Gipuzkoatik eta% 14 Arabatik.
SPRI Taldearen zerbitzu hau doakoa da eta telematikoki eskaintzen da, autonomo eta enpresentzako aholkularitzan esperientzia zabala duten aholkulari teknologikoz osatutako talde baten eskutik. Eskarmentu horri esker, aholkulariek ongi dakite zer egin behar duten tresna teknologikoak eraginkortasunez ezarri eta erabiltzeko enpresa txikietan, eta horrela, telelana berme guztiekin eta segurtasun osoz ezarri ahal izateko.
Helburu hauek lortu eta eskaintzeko diseinatu da zerbitzua:
- Berehalako ezarpena modu telematikoan hala eskatzen duten Euskadiko autonomoen eta ETEen artean.
- Telelanaren bidez egin daitezkeen enpresa arloak identifikatzea.
- Etengabeko laguntza ematea egiazki ezarri ahal izateko enpresa eskatzaileetan, honelako jardueretan:
- Komunikatzea eta informazioa partekatzea bezeroekin, langileekin, hornitzaileekin, bazkideekin, ea.
- Elkarlanaren bidez enpresako dokumentazioa sortzea, hala nola eskaerak, lanak, ea.
- Enpresarentzat funtsezkoa den informazioa urrutitik atzitzea, kontsultatzea, erregistratzea eta biltegiratzea, hala nola bezeroekiko harremanak, eskaeren fitxak, fakturak, ea.
- Urrutitik kudeatzea lanaren banaketa edo proiektuen / eskaeren egoera.
- Enpresaren kudeaketa eraginkorra ahalbidetuko duen informazioa aztertu eta erabakiak hartzea, kontuan hartuz egoerak, portaerak eta joerak, ohar/abisuen kudeatzaileekin.
- Agendak/hitzorduak/entregak kudeatzea enplegatu, bezero nahiz bazkideekin sinkronizatuta.
- Bulegoko ekipoetara urrutitik sartzea.
- Enpresaren jarduera azkartuko duten ekintzak bizkortu eta geolokalizatzea.
- Urrutiko lanak sekurizatzea, hartara saihesteko enpresak jasan ditzakeen balizko zibererasoen inpaktu handia.
Inplantalariak zerbitzuko aholkulari teknologikoen taldeak badu tresna-katalogo bat, ezaugarri hauekin:
- Berehala ezarri eta erabiltzen hasteko modukoak.
- Autonomo eta ETEetan aplikatu daitezkeenak, aukera ematen dutelako urrutitik egiteko autonomo eta ETE gehienen ohiko zereginak.
- Bideragarritasun handia dutenak gaikuntza teknologikoari dagokionez. Horri esker, prestakuntza gabeko enpresek ere erabil ditzakete, soilik aholkulari teknologikoek emandako laguntzarekin.
- Merkeak eta, askotan, doakoak.
- Beste euskal ETE batzuetan probatutakoak. Hala, telelana erabili behar duen enpresak eskura ditu erreferentziazko kasuak.
Aholkularitza eskaera
Inplantalariak zerbitzua eskatzeko, autonomoak edo ETEak harremanetan jarri behar du SPRIko Bezeroaren Arretarako zerbitzuarekin: Telefonoa: 902.702.142 / Posta elektronikoa: info@spri.eus. Telefono horretatik Inplantalariak zerbitzura bideratuko dute, non aholkularitza jasoko baitu jakiteko bere enpresako zein arlo aldatu dezakeen jarduera telelan-formatuan jarraitu ahal izateko.
Zerbitzu-katalogoa etengabe eguneratzen da
Nola zerbitzu hau etengabe ari den eboluzionatzen autonomo eta ETE eskatzaileen premien arabera, euskal enpresa-sarean telelana ezartzen laguntzeko tresnak, teknologiak edo jarraibideak dituzten zerbitzu teknologikoetako enpresak ere SPRIrekin harremanetan jar daitezke euren zerbitzuak eskaintzeko. SPRIk proposamen guztiak ebaluatuko ditu, irizpidetzat hartuz tresnen potentziala, enpresa-sarearentzat izan dezaketen balioa eta ezartzeko bideragarritasuna. Aukeratutako konponbideak Telelanerako Teknologien Liburu Zurian jasoko dira, eta dokumentu hori autonomo eta ETE guztien eskura jarriko da.
Lotutako albisteak
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko