Albisteak 10 urtarrila, 2022

Eusko Jaurlaritzak eta Euskal Autonomia Erkidegoko Justizia Auzitegi Nagusiak protokolo bat sinatu dute konkurtso-egoeran dauden enpresetan inbertsioak egiteko

BasKeep plataformaren bidez, enpresek irekita jarraitzea eta lanpostuei eustea bilatzen da
-

Euskal Autonomia Erkidegoko Justizia Auzitegi Nagusiak eta SPRIk jarduketa-protokolo bat sinatu dute konkurtsoan eta aurrekonkurtsoan dauden enpresetan egin daitezkeen inbertsioak errazteko, eta era horretan enpresa horiek irekita egoten jarraitzeko eta lanpostuei eutsi ahal izateko.

 

Iñaki Subijana Euskal Autonomia Erkidegoko Auzitegi Nagusiko presidenteak eta Arantxa Tapia Ekonomiaren Garapen, Jasangarritasun eta Ingurumeneko sailburuak, SPRI taldeko presidente gisa, gaur goizean sinatu dute “Lankidetza-jarduketarako” protokolo orokorra, eta, horren bidez, aldeek proposatzen dute “ahalik eta ahaleginik handienak egitea, konkurtsoan eta aurrekonkurtsoan dauden enpresei dagokienez egon daitezkeen inbertsio-aukerei publizitatea, gardentasuna eta zabalkundea emateko, industria-sarea eta honi lotutako zerbitzuak babesteko eta Euskal Autonomia Erkidegoan enpleguari eusteko”.

 

BasKeep plataforma

 

Besteak beste, protokolo hori “BasKeep” plataforma birtual, konfidentzial eta seguruan bistaratuko da. Plataforma horretan erregistratu eta iragarri ahal izango dira konkurtso- eta aurrekonkurtso-egoeretan dauden enpresak —konkurtso-administratzaileen aldetik—, eta zailtasunak dituzten industria-enpresak eta hauei lotutako zerbitzu-enpresak —egoera konprometituan daudenak—.

 

Honako enpresa hauek barne hartzen dira bertan: zailtasun ekonomiko-finantzarioak dituzten enpresak, ondorengotza ezagatik desagertzeko arriskua duten enpresak, epe luzerako bideragarritasuna eta etorkizunari begira jarraipena ziurtatzeko kapital berria ekarriko duen bazkide inbertitzaile berri baten beharra duten enpresak, dimentsioa irabazi nahi eta behar duten enpresak, eta konkurtso-prozesu bat hasi aurreko aldietan dauden enpresak.

 

Horrela, zailtasunak dituzten enpresek beren jarduerarekin jarraitzeko eta lanpostuei eusteko inbertsio-proposamenak erakarri eta lor ditzakete. Gune segurua eta konfidentziala da, eta inbertitzaileek bertara jo dezakete eta harremanetan jar daitezke.

 

Inbertitzaileak zailtasunak dituzten enpresekin konektatzea

 

Protokolo honen helburua da, batetik, une bakoitzean konkurtsoan eta aurrekonkurtsoan dauden enpresen zerrenda argitaratzea, eta, bestetik, Euskal Autonomia Erkidegoko merkataritza-arloko epaitegietan izapidetzen diren konkurtsoetako eta aurrekonkurtsoetako ekoizpen-unitateen inbertsio- edo transmisio-aukerak ezagutaraztea.

 

Horrela, SPRIk informazio-iturri berri hori gehitzen dio arlo horretan egin ohi duen lanari, bere eskumen-esparruaren barruan lan-ildo bat bultzatzeko —interesa lortzeko prozesua sistematizatzen eta konkurtso- eta aurrekonkurtso-egoeran dauden enpresei buruzko publizitate handiagoa ematen lagunduko duena—, azken batean, inbertsio-aukerak sortzen eta industria-sarea indartzen lagundu dezakeen tresna gisa.

 

Akordio hori SPRIren lehentasunezko jarduketa-ildoetako bat da, zailtasunak dituzten industria-enpresei eta hauei lotutako zerbitzu-enpresei arreta eta laguntza emateko eta industria-jarduera eta enpresa horiei lotutako enplegua babesteko. Horretarako, SPRIk hainbat ekimen egikaritzen ditu; besteak beste, era guztietako protokolo, akordio eta hitzarmenak sinatu ahal izatea hainbat entitate eta erakunderekin.

 

Kasu honetan, eta helburu zehatz horietarako, lehen aldiz sinatu da protokolo hau Euskal Autonomia Erkidegoko Justizia Auzitegi Nagusiarekin; horri esker, lankidetza-akordioaren esparruan, protokolo horren berri emango zaie Euskal Autonomia Erkidegoko merkataritza-arloko epaileei, jardunbide prozesal egoki gisa, konkurtso-prozesuek, ahal den neurrian, egikaritze kolektiboko prozeduran murgilduta dauden enpresei aurrera jarraitzeko aukera eman diezaieten. Horrela, Euskal Autonomia Erkidegoko Justizia Auzitegi Nagusiak ahalik eta baldintza onenak sortzen ditu interes sozioekonomiko handia duten prozesuetan erabaki judizialak hartzeko.

 

Azkenik, azpimarratu behar da SPRIren eta, beraz, BasKeep plataformaren jarduketa-esparrua zailtasunak dituzten enpresa guztiei zuzenduta dagoela, baina protokoloaren ondorioz konkurtsoan eta aurrekonkurtsoan daudenak barne hartzen direla nabarmenduz.

Lotutako albisteak

Lehendakariak  Joxe  Mari  Korta  2025  saria  eman  dio  José  Antonio  Jainagari

Lehendakariak Joxe Mari Korta 2025 saria eman dio José Antonio Jainagari

Epaimahaiak, Mikel Jauregi Industria, Trantsizio Energetiko eta Jasangarritasuneko sailburua buru delarik, Jainaga saritu nahi izan du, enpresa sustraiekiko konpromisoarengatik, industria bikaintasunarengatik, berrikuntzarekiko apustuarengatik eta kalitatezko enplegua sortzeagatik

1M  €-rainoko  laguntza  ematen  dizugu  zure  enpresa  2025  Nazioarteko  Gauzatu  programarekin  nazioartera  zabaltzeko
11/07/2025 Finantziazioa

1M €-rainoko laguntza ematen dizugu zure enpresa 2025 Nazioarteko Gauzatu programarekin nazioartera zabaltzeko

Nazioarteko Gauzatu programak nazioartekotzeko estrategiak garatzeko aukera ematen die euskal enpresei, eskatutako inbertsioei ekiteko baliabideekin eta finantzaketarekin hornituz. Interesik gabeko kredituak eskaintzen ditu, 1M euro artekoak, atzerrian instalazioak ireki, handitu edo berritzeko. Laguntza hau eskatzeko epea uztailaren 15ean hasteko da eta azaroaren 11an amaituko da.

Indarturen  edizio  berriak  garapena  eta  jarduera  ekonomikoa  bultzatzen  ditu  beharrik  handiena  duten  Euskadiko  eremuetan
09/07/2025 Finantziazioa

Indarturen edizio berriak garapena eta jarduera ekonomikoa bultzatzen ditu beharrik handiena duten Euskadiko eremuetan

Industria, Trantsizio Energetiko eta Jasangarritasunaren Sailak, Spri Taldearen laguntzarekin, Indartu programaren 2025ko deialdia jarri du martxan. Programa honek 20 milioi euroko aurrekontua du enpresen ekoizpen arloko inbertsioari laguntzeko eta, hala, hazteko, enplegua sortzeko eta lehiakortasuna hobetzeko.

Industria  Adimendunerako  trantsizioa  egiten  hasteko  inbertsioak  finantzatzen  laguntzen  die  Renove  Smart  Industry  programak  ETE  industrialei
08/07/2025 Finantziazioa

Industria Adimendunerako trantsizioa egiten hasteko inbertsioak finantzatzen laguntzen die Renove Smart Industry programak ETE industrialei

Datorren ostegunean uztailaren 10ean irekiko da epea Renove Smart Industry laguntza-programara eskaerak aurkezteko. Programa honek, lehen, Renove Industria 4.0 izena zuen. Edizio berri honetan, 7 milioi euroko aurrekontua izango du. 4.0 Industriako proiektuei heltzeko haien ekipoak eta makineria modernizatu> nahi dituzten enpresa industrialek edo industriarekin lotutako zerbitzu-enpresek azaroaren 7ra arte...

Imanol  Pradalesek  “Europaren  berrindustrializazioa  eta  autonomia  estrategikoa  gidatzeko”  euskal  industriak  duen  zeresana  aldarrikatu  du

Imanol Pradalesek “Europaren berrindustrializazioa eta autonomia estrategikoa gidatzeko” euskal industriak duen zeresana aldarrikatu du

Eraldaketa ekonomikoa bultzatzeko, industria defendatzeko eta kalitatezko enplegua bermatzeko, Eusko Jaurlaritzak duen konpromisoa berretsi du Lehendakariak

Eusko  Jaurlaritza  Industria  Plan  berriaren  sozializazio-prozesua  egiten  ari  da,  eta  Ekonomia  eta  Gizarte  Arazoetarako  Batzordean  aurkeztu  du

Eusko Jaurlaritza Industria Plan berriaren sozializazio-prozesua egiten ari da, eta Ekonomia eta Gizarte Arazoetarako Batzordean aurkeztu du

“Industria Plan berria dokumentu bizia da, ekarpenei irekia. Hori dela eta, sozializazio-prozesua abiatu dugu hainbat gizarte-, ekonomia- eta enpresa-eragilerekin, plana haien ekarpenekin aberasteko eta proiektu eraldatzaileak sortzeko” adierazi du Jauregik

BASQUEFIK,  aktore  irekia,  kolaboratiboa  eta  ekosistema  ekonomiko  eta  instituzionalarekin  lerrokatua  bizitzako  lehen  urtean
20/06/2025 Finantziazioa

BASQUEFIK, aktore irekia, kolaboratiboa eta ekosistema ekonomiko eta instituzionalarekin lerrokatua bizitzako lehen urtean

Euskadiko Finantza eta Inbertsio Klusterrak 2025-2028 Plan Estrategikoa aurkeztu du Batzar Nagusian

Multiverse  Computing  enpresak  Euskadi  Europako  erreferente  gisa  sendotu  du  software  kuantikoan  eta  adimen  artifizialean

Multiverse Computing enpresak Euskadi Europako erreferente gisa sendotu du software kuantikoan eta adimen artifizialean

Eusko Jaurlaritzak hasieratik babestu du Multiverse Computing, eta horrek euskarri instituzionala piztu du. Horri esker, eta proiektuaren ahalmenari gehituta, Euskadiko zein nazioarteko inbertitzaileak erakarri ditu inbertsio-errondara, eta 189 milioi eurorekin itxi du

Eusko  Jaurlaritzak  ‘Industria  Plana  –  Euskadi  2030’  aurkeztu  du

Eusko Jaurlaritzak ‘Industria Plana – Euskadi 2030’ aurkeztu du

“Industria indartsua eta lehiakorra garatzen jarraitu behar dugu, eta hori ezinbesteko baldintza da Herrialde gisa eta ongizatean hazteko”, azpimarratu du Imanol Pradalesek

Ironchip  enpresak  nazioartean  hedatzea  azkartzea  helburu  duen  1,5  milioi  euroko  eragiketa  amaitu  du
09/06/2025 Finantziazioa

Ironchip enpresak nazioartean hedatzea azkartzea helburu duen 1,5 milioi euroko eragiketa amaitu du

Sabadell Venture Capitalek zuzendutako eragiketa horrek equity-a eta zorra uztartzen ditu, eta enpresari aukera emango dio merkataritza-hazkundea indartzeko, baita zibersegurtasunean eta pasahitzik gabeko autentifikazioan erreferente gisa duen posizioa finkatzeko ere

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.