Euskara industrian
Albisteak 11 urria, 2024

IndeusBerri: industria eta euskara uztartzen dituen informazioaren topagunea

Gaur albiste dira Indeus Elkarrizketak-Fagor Taldea, Enpresa Digitala, Euskarabildua, Enpresarean Azoka, Lazarraga sariak eta AA sendo.
-

Urrietako IndeusBerriren bigarren agerraldia ere albistez gainezka datorkigu. Hasteko Indeus Elkarrizketa berri bat, aste honetan Javier García San Martín, Copreciko zuzendari nagusia dugu solaskide FAGOR TALDEaren izenean. Enpresa Digitala ere albiste dugu, hemendik urriaren 31ra bost tailler/ikastaro eskainiko baititu euskaraz. Urriaren 17an Euskarabildua jardunaldiaren 13.edizioa egingo da eta urriaren 24an berriz, Enpresarean Azoka. Lazarraga Sariak ere ekarri ditugu gurera, hautagaitzak aurkezteko epea zabalik dago eta. Amaitzeko, gure hiztegiko beste kontzeptu bat: Adimen Artifizial sendo.

Artifiziala ez den teknologia izango du ardatz datorren ostegunean egingo den EUSKARABILDUAk. Urtero bezala aurten ere Donostiako San Telmo Museoak hartuko du Euskarabildua jardunaldia datorren urriaren 17an. “Artifiziala ez del teknologia: datuen kudeaketa eta algoritmoen demokratizazioa” izango da ardatz nagusi: makinek pertsonak ordezkatuko gaituzten mamua nonahi dagoen aro honetan, adimen aritifizialaren eztandaren sasoian, teknologiaren erabilera etikoagoa, iraunkorragoa eta bideragarriago aldarrikatzen dutenen ahotsak entzun behar ditugula dio jardunaldiaren aurkezpen-testuak.
Urrian zehar bost tailer/ikastaro euskaraz Enpresa Digitalaren eskutik. Urriaren 15ean ChatGPT hastapenak izeneko tailerra egingo da online. Urriaren 22an berriz, ‘Zure enpresarako AI pertsonalizatua sortu’ ikastaroa, aurrez aurrekoa, Apatterreka industrialdean. Egun horretan bertan beste ikastaro bat baina honako hau online: ‘Egin Aurrera ChatGPT-rekin: Adimen Artifiziala zure eguneroko bizitzan’. Biharamonean, gai erabat desberdina jorratuko da onlineko beste ikastaro baten ‘Turismoa: hobetu zure negozioaren produktibitatea’. Eta urriko azken egunean, 31n, ‘ChatGPT aurreratua’ tailerra online.
Indeus Elkarrizketak – FAGOR TALDEA: “Euskararen presentzia oso handia da gure kooperatibetan”. Zortzi kooperatibaz osatutako taldea da Fagor: Onera, Fagor Elektronica, Fagor Arrasate, Fagor Automation, Galbaian, Copreci, Assembly eta Ederlan. Duela 60 urte sortua Debagoiena eskualdean, Euskal Herriko kooperatiba industrial handiena da Fagor Taldea, ia 11.000 langile dituena. Makina-erreminta, automatizazioa, automozioa eta ostalaritza dira, besteak beste, taldeko kooperatiben jarduera esparrua. Javier García San Martín, Copreciko zuzendari nagusia dugu solaskide.
“AA sendo” Industria Berriaren Spri Hiztegian. Sistemaren sendotasun teknikoa (testuinguru jakin batean egokia dena), aplikazio-eremua eta bizi-zikloaren fasea barne hartzen ditu, bai eta ikuspuntu soziala ere (bermatuz AA sistemak behar bezala kontuan hartzen duela bai testuingurua bai zer ingurunetan diharduen). Hori funtsezkoa da ziurtatzeko sistemak, asmo onez arituta ere, ez duela eragingo nahi gabeko kalterik. AA fidagarri bat errealitate bihurtzeko beharrezkoak diren hiru elementuetatik azkena da.
Enpresarean Azoka urriaren 25ean egingo da “Adimen artifiziala, (u)topikorik gabe” gaia aztergai hartuz. Adimen artifiziala, (u)topikorik gabe izenburupean AAren eragin ekonomiko, sozial eta legala aztertu nahi da aurtengo Enpresarean Azokan. Urriaren 24an izango da azoka, Hernaniko Orona Ideon, Bai Euskarari Elkarteak antolatuta eta Gipuzkoako Foru Aldundiaren babesletzarekin. Ohi bezala, hitzaldiak, solasaldiak, adibide praktikoak eta ekintzaileentzako tartea izango dugu. Ekintzaileei zuzenduriko Arin-arin saioa egongo da aurtengo edizioan ere.
LAZARRAGA SARIAK: hautagaitzak aurkezteko epea zabalik dago urriaren 30era arte. Arabako Foru Aldundiak eta Bai Euskarari Elkarteak Lazarraga Sarien zortzigarren edizioa aurkeztu dute. Aurten azaroaren 26an banatuko diren Lazarraga Sariek erakundeak eta pertsonak aintzatesten dituzte, eta oso pozgarria da aurreko edizioetako saridunen zerrenda errepasatzea, bertan egiaztatzen baita berrikuntza eta berrikuntza sozialagatik ezagunak diren enpresak euskara sustatzeagatik ere aintzatetsi direla. Hori izan behar da gero eta herritar elebidun gehiago dituen lurralde bati erantzun egokia emateko bidea.

Lotutako albisteak

Urteko azken bilera egin du INDEUSek Spriko, Bizkaiko Foru Aldundiko eta Eusko Jaurlaritzako ordezkarien parte hartzearekin
28/11/2025 Euskara industrian

Urteko azken bilera egin du INDEUSek Spriko, Bizkaiko Foru Aldundiko eta Eusko Jaurlaritzako ordezkarien parte hartzearekin

INDEUS, industria sektorean euskara bultzatu eta indartzea helburu duen plataformak 50 kiderekin bukatuko du 2025.urtea.

IndeusBerri: Industria eta Euskararen plaza
28/11/2025 Euskara industrian

IndeusBerri: Industria eta Euskararen plaza

Albiste dira gaur INDEUSen bilera, EUSGARA, Enpresa Digitalaren ikastaroak eta Analitika aurreratua.

IndeusBerri: Industria eta Euskararen plaza
21/11/2025 Euskara industrian

IndeusBerri: Industria eta Euskararen plaza

Albiste dira gaur Enpresa Digitalaren bi ikastaro, DeepSeek eta RAGari buruzkoak, EnpresaBIDEAren ekintzailetza eta industria topaketa, eta Arrakala digital.

IndeusBerri: Industria eta Euskararen plaza
13/11/2025 Euskara industrian

IndeusBerri: Industria eta Euskararen plaza

Albiste dira gaur Enpresa Digitalaren bi ikastaro bata ChatGPT Prompt Engineering eta bestea AAri nola galdetu ikasteko, Lazarraga Sariak Eredu topaketa eta Zibersegurtasun-laborategi

IndeusBerri: Industria eta Euskararen plaza
07/11/2025 Euskara industrian

IndeusBerri: Industria eta Euskararen plaza

Albiste dira gaur Datuen kontrola, Enpresa Digitalaren ChatGPT eta Adimen Artifizialari buruzko ikastaroak eta Flash memorian oinarritutako soluzio.

IndeusBerri: Industria eta Euskararen plaza
31/10/2025 Euskara industrian

IndeusBerri: Industria eta Euskararen plaza

Albiste dira gaur EUSKARABILDUA, Hizkuntzen Kudeaketan Praktika onak, Emakume Zientzialarien Argitan, INGUMA, PUNTUEUS eta Cyber Range laborategi.

IndeusBerri: Industria eta Euskararen plaza
24/10/2025 Euskara industrian

IndeusBerri: Industria eta Euskararen plaza

Gaur albiste dira Hizkuntzen kudeaketa, WhatsApp marketing tailerra, Praktika onak, Euskarabildua eta Zeinu bereizgarri.

IndeusBerri: Industria eta Euskararen plaza
10/10/2025 Euskara industrian

IndeusBerri: Industria eta Euskararen plaza

Albiste dira gaur Etekin Ekonomia Topaketak, Enpresa digitala eta Adimen Artifiziala, Hizkuntzen-kudeaketa eta Erabilgarritasun

IndeusBerri: Industria eta Euskararen plaza
03/10/2025 Euskara industrian

IndeusBerri: Industria eta Euskararen plaza

Gaur albiste dira ETEKIN Ekonomia Topaketak, Enpresa Digitalaren ikastaroak euskaraz, X. Hizkelan jardunaldia eta Aurkigarritasun.

IndeusBerri: Industria eta Euskararen plaza
26/09/2025 Euskara industrian

IndeusBerri: Industria eta Euskararen plaza

Gaurko albisteak: EAEko Zientzia eta Teknologiaren 45 urteko garapena, Emakume Zientzialarien argitan, Kaosetik kontrolera eta ChatGPT ikastaroak, Hizkuntzen kudeaketaren garrantzia, Euskaragileak Topaketa, AA sortzaileari buruzko gida eta Erabilgarritasun-eredu.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.