Euskal enpresaren blog-a Zure enpresarentzat garrantzitsua den eguneroko informazioa
Albisteak 19 ekaina, 2022 Ekintzailetza Up Euskadi Start up

UP! Euskadi, euskal Ekosistema teknologiko eta berritzailea mundu mailako ekintzailetzan proiektatzeko plataforma interaktibo berria

SPRI Taldearen bidez, Eusko Jaurlaritzak online bidezko bere datu base interaktiboa kaleratu du, Euskal Ekintzailetza Ekosistema proiektatzera zuzenduta.
Up Euskadi Plataforma Deal Room

Datuen injinerutza eta machine learning dituen teknologia berritzailean oinarriturik, Up!Euskadi-k balore informazio esanguratsua ekartzen du eta startupak eta Ekosistemako agente guztiak ikusarazten ditu. Hala, ekintzailetza aurreratuko Hub garrantzitsu bat bezala aurkezten da Euskadi munduaren aurrean.

Startupek, inbertsoreek edo ekosistemako agenteek euren antolakuntzari buruzko detaileak gehitu edo alda ditzakete euren profilari balio handiagoa emateko, datuetarako sarbidea komunitate osoari eskainiz.

Plataforma adimenerako iturri garrantzitsua da eta laguntzarako politikak eta ekimenak elaboratzea eta ebaluatzea ahalbidetuko du. Hortaz, datuetan oinarritutako erabakiak hartzea, sektoreen arteko ezagutzak partekatzea eta startupak garatzeko behar diren loturak bultzatzea erraztuko du. Erreminta hau ‘Dealroom’-en elkarlanaz garatu da. ‘Dealroom’ Europako eta munduko ekosistema teknologikoetara lotutako Datuen Inteligentziaren hornitzaile nagusia da. Amsterdamen duen egoitzatik euskal erakundeek ezarritako politiken benetako inpaktua eta ekosistemaren eta honen eboluzioaren ikuspegi globala eskaintzen ditu.

 

UP!Euskadi plataforma berriak honakoak errazten ditu orain:

  • Euskal Autonomia Erkidegoan egoitza duten Startupei buruzko datu zehatzak
  • Lurralde, sektore, teknologia, negozio eredu eta abarren araberako banaketa
  • Euskadin lan egiten duten Agente eta Inbertsoreen erreferentziak eta haien ekimenen inpaktua
  • Ekosisteman garatutako azken erronden informazio orokorra

Up!Euskadi portalean dagoen plataforma berri honek hainbat etekin eskaintzen ditu, bai euskal Startupentzat, bai enpresa eta inbertsoreentzat, besteak beste:

Startupentzat

  • Ikusgarritasuna bezero eta inbertsore potentzialen aurrean
  • Elkarlanean aritzeko batasunak lortzeko erraztasuna
  • Proiektuak eskalatzeko inbertsoreak identifikatu

Enpresentzat/inbertsoreentzat

  • Startupak ezagutaraztea eta nahierarako konponbideak
  • Berrikuntza eta Teknologiarako sarbide zuzen eta arina
  • Inbertsiorako aukeren identifikazio eraginkorra

Ekosistemako agenteentzat

  • Plataformaren funtzioak lanabes gisa
  • Aktibitatea ekosisteman kokatzea

 

Gainera, SPRI Taldeak egunero argitaratzen dituen ekintzailetzari lotutako berri, elkarrizketa eta txostenetarako sarbide zuzena hartzen du barne. Up!Euskadi plataforma bizi eta ebolutiboa da eta hazten joango da startupen, enpresen eta berau osatzen duten entitateen ekosistema, nondik norakoak eta beharrizanak hazten doazen heinean.

 

Euskadi, Europako bataz bestekoaren gainetik Ekintzailetza Aktibitatean 

Euskal Ekintzailetzat ekosistema indartsua da eta modu jasangarrian hazten ari da. Berriki, eta Munduko Ekintzailetzaren Eguna dela eta, Garapen Ekonomiko, Jasangarritasun eta Ingurugiroko kontseilariak ‘The National Entrepreneurship Context Index’-ek ekoiztutako datu berrituak partekatu ditu. Nabarmendu du Euskadiko enpresa berrien ekoizpena orain Alemania bezalako herrialdeena baino aurreratuago dagoela, eta Herbehereetako, Israelgo edo Estatu Batuetako pausu estatistikoak jarraitzen ari dela.
Arantxa Tapiak adierazten du Euskal Autonomia Erkidegoa Europako bataz bestekoaren gainetik dagoela ekintzailetza aktibitatean; gaur egun, Araba, Bizkaia eta Gipuzkoako lurraldeetan soilik, 58.000 enpresa aktibo baino gehiago daude. Antzeko zifrak aurkitzeko, 2007ra jo behar dugu, mundu mailako finantza krisiaren aurreko urtera, alegia.

«Industria-ekoizpena, Energia eta Osasuna, gure hiru espezializazio-esparru nagusiak dira» gehitu du kontseilariak. Euskadin ekiten duten pertsonen esfortzua baloratzen du, «eurengandik onena emateko erabat konbentzituta eta prest baitaude, ekonomia eta lana sortzeko konponbide berritzaileen bila».

Up!Euskadik dagoeneko 1.000 startup inguru biltzen ditu, 6.000 pertsona baino gehiagori lanpostua eskaintzen dietenak 350M€ baino gehiagoko fakturazioaz. Zalantzarik gabe, datuok Euskal Ekintzailetza Ekosistemaren bultzada eta herrialdeari egiten dioten ekarpena erakusten dute.

Euskadiko startupen %73ak ‘B2B foku argia du, eta gehienak -bi heren- Espezializazio Adimenduarekin -RIS3- lerrokatuta daude. Hau ekonomiaren transformaziorako eta berrikuntzaren bidez geure lurraldea bereizteko Europan egiten den apustua da.

 

Euskadi, Teknologian Ekiteko Hub garrantzitsua 

Euskal erakundeek hainbat lanabes dituzte euren ekintzailetza ekosistema sustatzeko.

Zutarri handi bat da BIC-en (Business Innovation Centers) sareak egiten duen lana. Eusko Jaurlaritzak eta en ArabaBizkaia, Bizkaia-Ezkerraldea eta Gipuzkoako Diputazio Foralek elkarri babesa emateko ekimena da. Ideia berritzaileak mugiarazten eta laguntzen dituzte aberastasuna eta etorkizuna eragiten dituzten proiektu bideragarriak bihurtzen diren arte; funtsezkoak dira gure startupen aktibitatea eta gure herrialde historiko guztien talentu ekintzailea arintzeko.

Bestalde, Inteligentzia Artifizialari esker hobetutako Up!Euskadi plataforma berriak, Euskal Ekintzailetza Ekosistemaren aktibitate biziari buruzko informazio eguneratu guztia biltzen du, hala hazten ari diren enpresena, nola osatzen duten beste agente batzuena. Honela, inbertsoreen, inkubatzaileen, azeleratzaile pribatuen eta, jakina, BIC-en aktibitatea ikusarazten dute, Ekintzailetza eta Transformazio Digitaleko zuzendari den Leyre Madariagak adierazi bezala.

Oinarri teknologikoa duten edo berritzaileak diren 900 enpresa baino gehiago izanik, eta laguntza publiko-pribatuen sistema indartsua izanik, zalantzarik gabe Euskadi Ekintzailetza Teknologikoko Hub garrantzitsua bihurtzen ari da nazioartean.

 

Zalantzaren bat? Jar zaitez harremanetan gure BEZEROEN ARRETA zerbitzuarekin: 900 92 93 93 | Ekosistemako kide bazara, bat egizu!

Up! Euskadi Deal Room Plataforma

aglaya events
Albisteak 29 ekaina, 2022 Ekintzailetza
Aglaya Events, “zure bezeroak zure unibertso propioan murgiltzeko” ekitaldi-murgiltzaileak
Irakurri gehiago
Bapobap Kike Fernández David Pérez Quino Lamas
Albisteak 28 ekaina, 2022 Ekintzailetza
BapoBap, gaixotasun kutsakorrak dituzten pazienteak isolatzeko aukera ematen duen isolamendu-burbuila eramangarria
Irakurri gehiago
AIDEARTE AIDA PÉREZ
Albisteak 27 ekaina, 2022 Ekintzailetza
Aida Perez: “Ikusizko komunikazio batek funtziona dezan, zintzoa, naturala eta inklusiboa izan behar du”
Irakurri gehiago
Wake Up Euskadi
Albisteak 24 ekaina, 2022 Ekintzailetza
Wake up! Albiste ekintzaile batzuk sarean
Irakurri gehiago
Euskooters
Albisteak 23 ekaina, 2022 Ekintzailetza
Euskooters: Patinete elektriko partekatuak alokatzeko aukera ematen duen aplikazioa
Irakurri gehiago

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak