Tapiak eta Goiak aurkeztu dute Eskusaitzetari -Gipuzkoako industrialde publiko handienari- buru emateko behin betiko hitzarmena
2020ko abenduan bukatuko da Donostiako Eskusaitzeta industrialdeko lanen bigarren fasea.
Gipuzkoako industrialde publiko handienak luzoru industrial eta tertziarioko 290.000 m² izango ditu.
Eusko Jaurlaritza eta Donostiako Udala industrialdearen titularrak dira ia erdibana.
Sprilur-ek aurreikusi du 22 milioi euroko inbertsioa egingo duela 2024ra arte.
Arantxa Tapiak (Ekonomi Garapen eta Azpiegitura sailburua) eta Eneko Goiak (Donostiako alkatea) aurkeztu dute Eskusaitzeta industrialdea garatzeko eta garapena bukatu ondorengo merkaturatzea kudeatzeko behin betiko akordioa.
Gipuzkoako industrialde publiko handiena izango denaren hitzarmen honetan (lurzoru industrial eta tertziarioko 290.000 m² izango ditu), hainbat alderdi zehaztu dira. Batetik, Eusko Jaurlaritzak (Sprilur-en bitartez) eta Donostiako Udalak beren gain hartu dute martxan dauden urbanizazio lanen plangintza, eta hemendik gutxira lizitatuko dira 10 partzelatarako errepideak egiteko lanak, zeintzuk 2020ko abenduan amaituko baitira, aurreikuspenen arabera.
Bestalde, merkaturatze-faseari dagokionez, hitzarmenak aurreikusten du solaskide bakar bat izendatuko dela partzela eta pabilioiak aktiboki merkaturatzeko, partzela eta pabilioi horiek erosteko proposamenak gidatu, esleitu eta onartzeko eta, azkenik, prezioen tarifak definitzeko.
Gainera, bi erakundeek adostu dute partzelak trukatuko dituztela, esleitutako partzelen erabilpena orekatua izan dadin. Truke hori gehienez 12 hilabeteko epean egingo da.
Azkenik, Jarraipen Batzorde bat sortuko da konponbide eta erabaki adostuak arbitratzeko, bai urbanizazio lanak garatzean eta bai partzela edota pabilioien merkaturatze fasean.
Hala Eusko Jaurlaritzak –Sprilur-en bitartez– nola Donostiako Udalak erabaki teknikoak hartuko dituzte eta ia erdibana ordainduko dituzte dagozkien kostuak, erakunde arteko parte-hartze eredu bat abiatuz, ekintza itundu eta partekatuak gauzatuko dituena bermatzeko bi erakundeek betetzen dutela interes publikoa.
Hasierako lankidetza-hitzarmena 2011n sinatu zenetik aurrerakuntza handiak lortu dira Plan Partzialaren kudeaketa fasean, sortuko diren partzelen banaketan (bi erakundeen parte-hartzearen araberako proportzioan) eta urbanizazio proiektuaren onarpenean. Hala, 2017aren amaieran errepide nagusia eta mendebaldeko sarbideak urbanizatzeko lanak kontratatu ziren, gero gainerako partzelen hirigintza garapenari ekiteko, non jarduera industrialak eta tertziarioak ezarriko baitira.
Milioi bat metro koadro inguru izango dituen Eskusaitzeta industrialdea izango da azken urteotan Gipuzkoan egin den urbanizazio lanik eta obra zibilik garrantzitsuena. 2018aren amaieran Sprilur-ek partzelak (487.000 metro koadroko azalera gordina) erosi zizkion EAEko administrazioari, gero garatzeko asmoz. 328.101 m²ko partzelak sortuko dira jarduera industrialerako eta tertziariorako, Sprilur izango delarik 129.185 m²ren titularra (117.067 m² eraikigarri).
Sprilur-ek aurreikusi du hemendik eta 2024ra arte 22 milioi euro inguruko inbertsioa egingo duela Eskusaitzeta industrialdea urbanizatzeko eta garatzeko.
Donostiako Udalak, bere aldetik, 27 milioi euroko inbertsioa egin du industria-gune honetan ( eta beste 4 milioi gehiago espropiazioetan inbertitu dira). Orain arte 30 milioi euro inguruko diru sarrerak izan ditu, eta etorkizunean salduko diren lur sailen bitartez kopuru hau haunditzea espero du.
Proiekzio handiko inbertsio handi bat, kokaleku estrategiko bikainean dagoena (N-I eta AP-8 errepideekin zuzenean konektatuta), eta helburutzat izango duena enpresa-ekimenak erakartzea eta Gipuzkoako ekonomia bultzatzea.
Lotutako albisteak
EBN 2025 kongresua BIC Bizkaia Ezkerraldean egingo da
Kongresua aukera paregabea izango da industria-energia trantsizioaren inguruan eztabaidatzeko, gure lurralde eta ekonomien etorkizunerako funtsezko gaia baita.
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez
20 milioi euro Euskadiko enpresen inbertsioei laguntzeko eta haien lehiakortasuna hobetzeko prozesuan laguntzeko, neutraltasun klimatikorako trantsizioan oinarritutako Europako eta mundu mailako testuinguruan.
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.