Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 6 maiatza, 2024 Ekintzailetza Up Euskadi Start up

SPRIk startupekin berritzearen onurak proposatu dizkie ETEei BIND SME programaren bidez

BIND SME laugarren edizioko Sozializazio Jardunaldia webinar baten bidez egingo da maiatzaren 14an
BIND SME Connection

Datorren maiatzaren 14an, Euskadiko ETEei zuzendutako berrikuntza irekiko ekimenak, BIND SME Connection-ek, 4. edizioko Sozializazio Jardunaldia egingo du. ETEei zuzendutako ekitaldia da, eta berrikuntza teknologikoko hainbat proiektu aurkeztuko dira, SME Connection bidez ETEen eta startupen arteko lankidetzaren emaitza.

Izan ere, SME Connection Euskadiko enpresa txiki eta ertainen digitalizazioa bizkortzeko erreferentziazko ekimen gisa finkatu da. Horretarako, edizio bakoitzean ETEek proposatutako erabilera kasu batzuk planteatzen dira, startup disruptiboen eskutik erantzun berritzaile, eraginkor eta bizkorra lortzeko helburuarekin. Startup horiek adimen artifiziala, IoT, zibersegurtasuna edo big data bezalako teknologiak aplikatzen dituzte.

Ekimena BINDen parte da, industria adimenduneko berrikuntza ireki publiko eta pribatuko plataformarena, Ekonomiaren Garapen, Jasangarritasun eta Ingurumen Sailak sortua, SPRI taldearen eta Euskadiko ekintzailetzaren ekosistemaren UpEuskadi plataformaren bidez. Gaur egun, egoitza Euskadin duten sektoreko ETE, sozietate publiko eta erreferentziazko enpresa nagusietatik 100 baino gehiagoren lankidetza du. BIND Acceleration Program, BIND SME Connection eta BIND GovTech ekimenen bidez, plataformak 220 startup berritzaile baino gehiago bultzatu eta 330 proiektu garatu ditu.

 

Berrikuntza-proiektu aitzindariak

SME Connection lehen hiru edizioetan, berrikuntza-proiektu aitzindariak egin dira, ETEen eta startupen arteko lankidetzari esker. Horien artean, Lantekena nabarmentzen da, txapa metalikoaren industriaren eraldaketa digitalean liderra den euskal enpresa, Hupi adimen artifizialeko soluzioetan ezpezializatutako startup-arekin. Zehazki, biek lortu zuten Laguntzaile Birtual pertsonalizatu bat sortzea, makinak instalatzeko prozesuak sinplifikatzeko eta optimizatzeko gai izango zena. Soluzio honek ebakitzeko makina baten konfiguraziorik onena aurkitu zuen, Machine Learning algoritmo baten bidez.

Baina Hupi eta Lantek bezalako proiektuak lankidetza-eredu horrek berrikuntzarako duen gaitasun handiaren adibide bat baino ez dira. Izan ere, SME Connectionek hainbat arrakasta-kasu ditu dagoeneko, eta horiek eraldaketa digitala bizkortu eta industriaren aitzindari bihurtu ahal izan dute. Horixe gertatu da Onak, elektohigadurako ETE teknologiak, egin dituen bi proiektuekin: Orbik Cybersecurity, zibersegurasuneko startup-a eta Immersiak, datuak aztertzeko Gipuzkoako startua. Immersiarekin kanpoko eta barneko prozesuak optimizatzea lortu dute, datuaren bistaratzea eta adimena hobetzeari esker. Eta Orbik-ekin zibersegurtasun-ebaluazioak, ahultasunak detektatu eta monitorizatu dituzte, makinek eta haien softwareek sortze dituzten datuak segurtatzeko. ETEk aurrera eramandako proiektuak, Euskadiko industriarentzat aurerapen handia dakartenak, datorren maiatzaren 14ko Sozializazio Jardunaldian aukeztuko dira.

 

ETEentzako berrikuntza irekiaren onurak ezagutzeko eta SME Connection IV. edizioan parte izateko ekitaldia

Hauek bezalako kasu aitzindariak ezagutzeko, SME Connection laugarren edizioko Sozializazio Jardunaldia egingo du datorren asteartean, maiatzaren 14an, 9:30ean, Arabako Parke Teknologikoan. Bertaratzen diren ETEek euskal industriaren beharrei erantzuteko propio sortutako plataforma bateko kide izateak eta IV. edizioan parte hartzeak dakartzan onurak ezagutu ahal izango dituzte. Bertan, beren erabilera-kasuak aurkezteko aukera izango dute.

Jardunaldian erakundeetako ordezkariek eta aurreko edizioetan parte hartu duten ETEek eta startupek parte hartuko dute. Era berean, 4. ediziorako deialdia irekiko zaie ETEei.

 

Elkar zaitez laugarren ediziora

SME Connection ekimenak 3 edizio arrakastatsu izan ditu dagoeneko, 45 ETE baino gehiagoren parte-hartzearekin, klusterrak dinamizatzen dituzten 9 erakunderen lankidetzarekin, eta 25 startup baino gehiagorekin batera garatutako 30 proiektu ingururekin. 4. ediziorako deialdia ekainaren 1ean irekiko zaie Euskadiko enpresa txiki eta ertainei, startupekin lankidetzan beren negozioaren digitalizazioa eta lehiakortasuna bultzatu nahi dutenei.

Kontsultatu jarraian ekitaldiaren agenda eta eman izena SPRI Agendaren bitartez.

 

AGENDA

–     –     BIND SME Connection IV, ETEentzako onurak eta emaitzak: Carmen Sánchez, Ekintzailetza eta Sustapena SPRI taldean.

–    Hitzaldia “Berrikuntza irekia: nola aritu lankidetzan startupekin”: Ignacio Aspiazu, Hub Advisory Partners, Managing Partner

–     Aurreko edizioetako arrakasta-kasuak biltzen dituen mahai-ingurua. Parte-hartzaileen artean, Irati Rodríguez, HUPI Iberica eta Salvador Trujillo, Orbik Cybersecurity-ko CEO egongo dira.

–     Galderak eta hurrengo urratsak

–     Networking kafea

 

BIND SME Connection IV Sozializazio Jardunaldia
Maiatzak 14 // 9.30h-11.30  Araba parkea

Eman izena hemen

 

Lotutako albisteak

ARKITÉCNICAS 20 maiatza, 2024 Ekintzailetza
Arki-Tecnicasek eraginkortasun energetikoa eta arkitektura sustatzen ditu PassivHaus estandarraren eskutik
Irakurri gehiago
Finamik 19 maiatza, 2024 Ekintzailetza
Ekintzaileentzako eta startupentzako plangintza, analisi eta reporting finantzarioko softwarea: Finamik
Irakurri gehiago
Wake Up Euskadi 17 maiatza, 2024 Ekintzailetza
Wake Up! Albiste ekintzaile batzuk sarean
Irakurri gehiago
Zinemaldia Startup Challenge 16 maiatza, 2024 Ekintzailetza
Zinemaldia Startup Challenge ekimenaren VI-garren deialdia abian da
Irakurri gehiago
Uraren Balioa. Topaketa. Kuartango 16 maiatza, 2024 Ekintzailetza
«Uraren balioa», Kuartango LAB-en topaketa
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak