#SOCIALFACTORY, Gizarte-ekonomiaren eta helburudun enpresen inkubagailua
Nahiz eta gizarte-ekonomiak eta kooperatibismoak historia luzea duten Euskadin eta munduan, egia esan, kooperatibismoaren ereduak eta potentzialtasunak ikusgaitasun txikia dute herritarren artean, oro har, eta gazteen artean, bereziki. Horrek guztiak zaildu egiten du talentu gaztea erakartzea eta belaunaldi-erreleboa bermatzea. Gainera, gizarte-ekonomiako ekintzailetzarako prestakuntza-prozesu integratuak falta dira unibertsitate-inguruneetan. Horregatik, Mondragon Team Academyk (MTAk) #SocialFactory programa sortu du, Europako Gizarte Funtsarekin batera finantzatutako programa. Esan beharra dago MTA gizarte-ekonomiako hiru enpresa inkubatzen ari dela dagoeneko, Mondragon Unibertsitateko LEINN graduaren bidez.
Mondragon Unibertsitatearen Enpresagintza Fakultatearen eta Mondragon Team Academyren, taldean ekiten duten gazte-komunitatearen, ikuspegitik, kolektibo horrek oztopo gehiago ditu ekiteko, hala nola ezagutzarik, esperientziarik edo baliabiderik eza. Halere, aldaketarekin konprometituta daude, eta hauek behar dituzte soilik: negozioaren aurreneko faseetarako orientazioa, ikaskuntza-komunitate bat, ideia bideragarrien bilaketan gidatuak izatea, eta gizarte-problematika, interes-taldeak eta merkatu-logika hobeto ezagutzea.
Hain zuzen ere, bere komunitatean gizarte-ekonomia sustatzeko konpromisoa du MTA sareak. 15 urte hauetan, MTA komunitatean 200 Junior Enpresa Elkarte baino gehiago sortu dira ikaskuntzarako, ia 2.500 LEINNer trebatu dira, 70 enpresa baino gehiago eratu dira (horietatik 25 (% 35) gizarte-ekonomiakoak) eta 400 lanpostu zuzen sortu dira. Asmoa da eragin handiagoa izatea eta 600 pertsonaraino heltzea, helburudun eta gizarte-ekonomiako 50 enpresa sortzeko.
Talentua etapa goiztiarretan erakartzea
Europako Gizarte Funtsa Plus erakundeak, bere Enpleguko, Prestakuntzako, Hezkuntzako eta Gizarte Ekonomiako Programaren (EFESOren) barruan, #SocialFactory proiektua aukeratu du 2023-2029 aldian martxan jartzekoen artean. Hauxe da proiektuaren helburua: ekintzailetza-ibilbide integral bat sortzea, talentua eta ideiak etapa goiztiarretan erakartzera bideratua, lurraldearen benetako behar eta erronkei irtenbidea emateko unibertsitatetik, beste kolektibo batzuekin loturak sortuz, hala nola langabeekin edo lanbide-prestakuntza eguneratzea bilatzen dutenekin.
#SocialFactory programaren jarduketen artean sartzen dira gizarte-ekonomiaren parte izan nahi duten negozioak prestatzea, inkubatzea, laguntzea eta mentorizatzea, eta enpresa berrien jasangarritasuna bermatzeko aliantzak hedatzea eta sortzea. MTAren balioetan oinarritzen da, eta DNA oso argia du: talde-lana, eragin positiboa, berrikuntza eta teknologia, balio-sortzaile gisa, eta begirada globala, unibertsitate-ekosistema ekintzaile kooperatibo baten barruan.
Programa disruptiboak
Mondragon Team Academyk pertsonen eta ideien artean loturak eraginez abiarazi du proiektua, ikasiko eta ekingo duten lan-taldeak sortzeko. Azken urteotan lagungarriak izan zaizkigun formatuen artean hauxe dago: profil desberdinetara zuzendutako programa disruptiboak abiaraztea, hala nola MEINN, Ekintzailetzako eta Berrikuntzako Master irekia (2024ko ekaina-uztaila bitartean errekrutatze-prozesuan dagoena). MEINN unibertsitate-master ofiziala ekintzailetzan edo intraekintzailetzan jardun nahi dutenei zuzenduta dago, alegia giro kooperatibo eta apurtzailean, ingurune erreal eta askotarikoan eta diziplina anitzeko talde batean jardungo dutenei, nazioarteko ekosistema baten parte izanik.
Ikaskuntza-komunitate bat sortzea da #SocialFactoryren helburuetako bat. Hortaz, MEINN programan eta antzekoetan parte hartuz, gure ekosisteman bizi diren ekintzaileak komunitate handiago baten parte izango dira, indarrak batzen, elkarri laguntzen eta asmo ekintzailea eraldatzen lagunduko dien komunitate baten parte. #SocialFactoryren ateak irekita daude jada, gerturatu nahi duten guztientzat. #BilbaoBerrikuntzaFaktoria #mondragonunibertsitatea #enpresagintza
Informazio gehiago HEMEN
Lotutako albisteak
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.