Seed Capital Bizkaiak startup-ei zuzendutako funts berria jarri du abian
Azaro honetan, Seed Capital Bizkaia foru-sozietatearen funts berria jarri da abian. Funts hori, batez ere, teknologia berrien, biziaren zientzien eta energia berriztagarrien arloan lan egiten duten eta hazteko eta enplegua sortzeko potentziala duten 5 urte arteko antzinatasuneko enpresa guztiei dago zuzenduta.
Seed Capital Bizkaiatik proiektu bakoitzean egindako inbertsioaren zenbatekoa 100.000 eurora artekoa izango da, partaidetza-mailegu gisa. Zenbateko horrek aurreko 12 hilabeteetan talde sustatzaileak enpresan egindako inbertsioa berdinduko du.
Funts berri horren bitartez, Euskadi, nazio eta nazioarte mailan sortutako enpresa-ekimenetara iritsi gura du Seed Capital Bizkaiak.
Informazio gehiago: Start Bizkaia F.C.R. PYME
SEED CAPITAL-ru buruz
SEED CAPITAL BIZKAIA,Sociedad Gestora de Entidades de Inversión de Tipo Cerrado S.A. (S.G.E.I.C.) Foru-Sozietate Publiko bat da, Bizkaiko Foru Aldundiko Ekonomia Sustatzeko Sailera atxikia; hainbat finantza-tresna administratzeko eta kudeatzeko eratua izan zen.
1989. urtean sortua izan zen Seed Capital Bizkaia eta azken 30 urte hauetako lan ibilbidean zehar konpromiso eta apustu sendoa erakutsi du berrikuntza, giza-inpaktua eta Bizkaiko enpresa-ehunaren sustapenaren eta birsorkuntzaren alde.
