Safeloc: “Gure industria digitalizatzen eta automatizatzen jarraitzen dugu, edo ezin izango dugu lehiatu”
Trazabilitate digitala gero eta garrantzitsuagoa da industria sektorean, baina bere funtzioa ez dago soilik enpresa handiei zuzenduta, David Sagües Safeloceko CEOak baieztatu duenez. “Trazabilitatea gero eta eskuragarriagoa da mota guztietako enpresentzat, eta uste dut epe ertainean erabat beharrezkoa izango dela”. Donostian kokatutako enpresa hau Ceit zentro teknologikoaren ‘spin off’ gisa sortu zen, eta duela urte batzuetatik hona objektuen eta pertsonen arakatze eta identifikaziorako trazabilitate-soluzioak garatzen ditu.
Konpainiak landu duen azken proiektuetako bat Arcelor Mittalekin batera garatu du, eta garabien segurtasuna izan du oinarri. Garabi baten ibilbide zehatza irudikatzea lortu du enpresak, trazaduran zehar antenak jarrita. “Segurtasun-eremu digital bat proiekta dezakegu, eta, hura zeharkatzen den bakoitzean, garabiko langileari abisua eman. Oso harro gaude, % 99,98ko doitasun-emaitzaklortu ditugulako”, adierazi du Sagüesek.
Azpiegituraren hedapen bakarrarekin kostuak murrizten da, eta horrela Safelocek produktibitatea hobetzea eta istripu-arriskua murriztea ahalbidetzen du oso ingurune metalikoan. Izan ere, teknologia mota horietarako metal guneak oso kritikoak dira. Proiektu honen aurkezpena SPRI Taldeak antolatutako Bind Demo Day 2024 ekitaldian egin zen.
Tuneletako segurtasunarekin lotura duen beste ekimen bat ere gauzatu berri du enpresak. x (ekialde-mendebalde ardatza), y (ipar-hego ardatza), z (altuera edo goratasuna) koordenatuak marraz ditzakeen teknologia baten bidez, zehaztasun handiagoa lortzen da erorketa bat tratatzeko orduan, adibidez. Langileak bere posizioa denbora errealean zehazten duen antena bat dakar, eta edozein istripuren berri berehala ematen du.
“Gure industria digitalizatzen eta automatizatzen jarraitzen dugu, edo ezin izango dugu lehiatu”, adierazi du CEOak. Safelocek zazpi langile ditu, eta beste bi gehitu nahi ditu. Etorkizunari begira, helburua hazten jarraitzea da, eta gero eta zehatzagoak izatea soluzioetan, David Sagüesek dioen bezala: “Industriarako eta logistikarako funtsezko partner bat izan nahi dugu, aurrerapen teknologiko kualitatibo bat emanez, gure sistemen zehaztasuna gero eta gehiago hobetuz. Industria digitalizatzea ez ezik, automatizatzea ere bilatzen dugu”.
SPRI Taldearen helburuetako bat euskal enpresen eraldaketa digitala da. Besteak beste, Smart Industry, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Bizitegi-jabeen komunitateetako instalazio elektriko zaharrak berritzeko inbertsioetarako laguntza-programa
EEEren programa Deskarboniza programaren parte da
Energia berriztagarrien bidez autokontsumorako energia elektrikoa sortzeko eta kontsumo termikoak elektrifikatzeko laguntza-programa
EEEren programa Deskarboniza programaren parte da
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Deskarboniza 2025 plana aurkeztu da
Deskarboniza plana erakundeen arteko elkarlanean oinarritutako plana da, Eusko Jaurlaritzaren zenbait laguntza-programa eta foru-aldundien kenkari fiskalak biltzen dituena, Euskadiko industriaren deskarbonizazio adimenduna bultzatze aldera
Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez
20 milioi euro Euskadiko enpresen inbertsioei laguntzeko eta haien lehiakortasuna hobetzeko prozesuan laguntzeko, neutraltasun klimatikorako trantsizioan oinarritutako Europako eta mundu mailako testuinguruan.
Maiatzaren 8an ireki da euskal industriaren deskarbonizaziorako 22 milioi euroak eskuratzeko epea
SPRIk kudeatzen duen Eusko Jaurlaritzaren Industria, Trantsizio Energetikoa eta Jasangarritasuna Sailaren programaren bigarren edizioa da