Quantum Mads euskal startupa Fujitsurekin elkartu da konponbide kuantiko eta finantzakoak garatzeko
Fujitsu eta konputazio kuantikoko Quantum Mads euskal startupa akordio batera heldu dira elkarlanean aritzeko. Konponbide kuantiko sofistikatuak garatuko dituzte finantzazko industriara, inbertsore pribatuengana eta aseguruen sektorera zuzenduta.
Zehazki, bi enpresa hauek oinarri kuantikoa duen Fujitsuren Digital ‘Annealer’ plataforman lan egingo dute hobekuntzarako dauden arazoak konpontzeko. Algoritmo berritzaileak garatuko dituzte konpainientzako, internet bidezko zerbitzu gisa, eta multinazional honetako adituen komunitatearen laguntza izango dute.
Bide berriak zabaltzen dituen elkarketa honek enpresen arazo konplexuak konponduko ditu, konponbide arin eta eraginkorrak aurkituz.
Quntum Mads finantzazko softwareak sortzen eta hauen prozesua hobetzen dihardu konputazio kuantikoaren bidez. Bi enpresek hobetzeko aukerei eta proiektuei aurre egingo diete konponbide berritzaileak sortuz, balorea gehituz eta finantza kuantikoei lotutako paradigma berriak diseinatuz.
Fujitsun garapenaz eta informazio-sistemen funtzionamendu onaz arduratzen den teknikariak, Carlos Corderok, Digital Annealer teknologiaren kuantikoaren bidez algoritmo bereziak garatuko dituztela dio: “merkatua astindu, produktuen pertsonalizaziorako konponbideak eskainiz; besteak beste, eszenatokien simulazioa. Hainbat aste beharrean, “segundu batzuk” baizik ez dira behar izango arazoak konpontzeko”.
Bestalde, Quantum Madsen aholkulari eskuordeak dionez, talentua eta baliabideak batzeko gai izan dira, ekoizpena epe laburrean garatzeko aplikazioak sortuz.
“Gure helburuak konponbideen kalitatea hobetzea eta produktuen merkaturatzea arintzea dira. Hala, berebiziko balorea eskain diezaiokegu bezeroari, geure konpainiak etorkizunean izango duen profila finkatuz”.
info+: www.quantum-mads.com
