Oroi, LEINNetik sortutako enpresa teknologikoa

Mendebaldeko gizartea zahartzen ari da, eta bereziki euskal gizartea. Gero eta gehiago bizi gara eta hortaz, hirugarren adineko pertsonen beharrak asetzeko zerbitzu zein produktu berriak sustatu behar dira. Aipatu abiapuntua aintzat hartuta, Iñaki Aramburu eta Jorge Maylin, eta euren taldeko beste leinner batzuek orain dela bost urte OROI Wellbeing enpresa sortu zuten.

Gazteak, ezagutzaz jantziak, erronka zaleak eta ekintzaileak. Lau ezaugarri horiek izanez gero, abiatu zaitezke edozein abenturatan, baita enpresa arlokoa bada ere. Mondragon Unibertsitateko, LEINN graduko ikasleek izaten dituzte bereizgarri horiek, eta Oroi enpresaren sortzaileek argi eta garbi erakutsi zuten hasieratik erronkak gustuko zituztela. Iñaki Aramburu, Jorge Maylin Larruy eta beste ikaskide batzuk orain dela bost urte martxan jarritako egitasmoa da Oroi, gaur enpresa arrakastatsua.

Halaber, Oroi Wellbeing MONDRAGONetik gertu dagoen proiektua da. Fundatzaileek Mondragon Unibertsitatean ikasi zuten, eta Korporazioak berak enpresa lagundu du, kooperatibak kapitalean – GSR kasu honetan – sartuta eta funts korporatiboekin lagunduta.

Gradu amaierako lanaren fruitua da Oroi enpresa teknologikoa. Gaur egun, bi arlotan dihardute lanean, ‘batetik hirugarren adineko pertsonen beharrak ase nahian, eta bestetik errealitate birtualaren eremuan. Izugarri hazten ari diren bi sektore dira. Gizartea zahartzen ari da eta teknologiak sekulako aukerak eskaintzen dizkigu adineko pertsonei zerbitzuak eta produktuak eskaintzeko’, hala diote Iñaki Aramburu eta Jorge Maylin Larruyk. Eta euren proiektuak izan du oihartzun mediatikoa ere, izan ere ‘Emprendedores’ aldizkarian agertu berri dira, ‘aitortza handia da guretzat, talde guztiarentzat’.

Oroi errealitate birtualean oinarritutako plataforma terapeutikoa da, adineko pertsonei zerbitzua eskaintzeko bideratua. Aiton-amonei ongizate emozionala eragiteko, estimulazio kognitiboa sustatzeko adineko pertsonen artean eta kirola egiteko aukera ere eskaintzeko. Errealitate birtualari esker, hirugarren adineko sektore zabalari produktu zein zerbitzuak eskaintzen ditu Oroik, eta enpresak merkatuan egin duen jauzia gero eta nabarmenagoa da.

info+: OROI Wellbeing

Lotutako albisteak

17 iraila, 2023 Ekintzailetza

“Laguntza-Sare bat dagoela sentitzea ona da”: ALOOA BIC Ezkerraldea

Irakurri gehiago

26 uztaila, 2023 Ekintzailetza

Puntodis: “Inguruneak, produktuak eta zerbitzuak pertsona guztientzat egokitu behar dira”

Irakurri gehiago

19 uztaila, 2023 Digitalizazioa

Acceleration Robotics: “Robotikako algoritmoek azkarrago funtziona dezaten, hardware espezializatua behar dugu, robotetarako prozesadoreak”

Irakurri gehiago

11 uztaila, 2023 Ekintzailetza

ElektrART: “Artisten sorkuntza-estudioa gara, artea eta teknologia hibridatzen ditugu”

Irakurri gehiago

27 ekaina, 2023 Ekintzailetza

Bonu kanpainarik onena: ‘Easybonos’ek zure saltokiari laguntzen dio

Irakurri gehiago

Joan blog-era