Hibridalab sortu da, arabako berrikuntza eta sorkuntzarako espazio aitzindaria
Hibridalab antzinako Arabako Foru Artxiboaren eraikinean dago, eta berezitasun batekin sortu da: gure ingurunean ez dago diziplina, eragile eta ezagutzen arteko hibridazioa ardatz duen berrikuntza zentrorik; eta sortu ere, sortu da sinetsita Arabako enpresa, gizarte eta herritar sarearen ahalmen aniztasunaren konbinaziotik soilik heldu dakiekeela, eskuarki, etorkizuneko erronka handiei. Eredu horrek Arabaren posizionamendua indartzen lagunduko du, ez euskal berrikuntzaren testuinguruan bakarrik, baita Estatuan eta nazioartean ere.
Lurraldeko ekoizpen eta gizarte erakundeen berrikuntza moduetan berrikuntza prozesu bat bultzatzea du helburu, etorkizun hurbilean eraldatzeko funtsezko hiru faktoretan oinarrituta: jasangarritasuna, digitalizazioa eta sormena. Horiek horrela, adibidez, berrikuntza proiektu komun batean elkarrekin lan egin ahal izango dute industria sektoreko enpresa batek, nekazaritzako elikagaien sektoreko beste enpresa batek eta sormenaren mundutik datorren pertsona batek.
Zentroa lankidetza publiko-pribatuaren emaitza da. Sortzaileak Vital Fundazioa eta Arabako c2+i/Conexiones improbables enpresa dira, eta Arabako Foru Aldundiak babesten du. Haren forma juridikoa irabazteko xederik gabeko sozietate mugatua da, eta une honetatik aurrera bazkide izateko erakunde berriak sar daitezke.
c2+i/Conexiones improbables enpresa New European Bauhaus ekimeneko lehenengo erakunde bazkideetako bat da, eta zentroaren kudeaketa bere gain hartu du, erreferentea baita berrikuntzara bideratutako hainbat sektore ekonomikoren arteko hibridazio prozesuen garapenean. Gotzon Azkarraga Arabako enpresaburu ezaguna da sozietatearen lehendakaria, Vital Fundazioaren Patronatuko kide den aldetik. Arabako Foru Aldundiaren ordezkari bat ere Administrazio Kontseiluko kide da.
Ramiro González Arabako diputatu nagusia pozik agertu da laster proiektu aitzindari hori abian jarriko delako. Aldundiak proiektu horren alde egin du, eta ekarpen ekonomiko bat egin eta Foru Artxiboaren zati bat laga dio. “Arabak gidatuko ditu berrikuntza gurutzatuko prozesuak, Europa osorako eredugarria izango den zentro batekin, halako ezaugarriak dituen lehena. Zentro horretan, hainbat arlotako diziplinen eta jakintzen arteko topaketa, lana, azterketa eta lankidetza sustatuko dira, berrikuntzaren bila. Zentro horrek zerbitzua emango die gure enpresei, gure gizarte eta ekoizpen sareari, eta aurrerantzean ere punta-puntako lurraldea izaten lagunduko digu”, adierazi du.
Bestalde, Jon Urresti Vital Fundazioen presidenteak azpimarratu du “garrantzi handia ematen diogula lurraldean proiektu berriak bultzatzeari; arlo guztietan egiten dugu, arlo sozialean, kulturalean edo prestakuntzan. Baina are gehiago berrikuntzaren aldeko ekimenak direnean, une honetan enpresek enpleguak sortzeko behar duten motor baten aldeko apustua egiten baita. Horregatik, proiektu hau irekita dago indarrak batzeko prest dauden eragile berrien parte-hartzera”.
Roberto Gómez de la Iglesia Hibridalabeko kontseilari eskuorde eta Conexiones improbables-eko zuzendariak nabarmendu du zein garrantzitsua den “Leonardo berriak sortzea, lurraldean berrikuntzaren kultura irekiago, kolaboratzaileago, disruptiboago eta ekintzara bideratuago bat sustatzea”. Erantsi duenenez, “Gaur egungo erronkei aurre egiteko begirada konplexuagoak behar dira, diziplinarteko zeharkakotasun handiagokoak, sektoreen eta diziplinen arteko langak gero eta lausoagoak baitira”.
1.500 metro koadro berrikuntzarako eta hibridaziorako
Hibridalabek Foru Artxiboko bi solairu hartuko ditu, eta unibertsitate eremuan bertan dago (zehazki, Miguel Unamuno kalean), eta, gainera, erdisotoa Foru Artxiboko aretoekin eta Arabako Natura Zientzien Museoko herbario historikoarekin partekatuko du. 1.500 metro koadroak berrikuntzarako erabiliko dira. Horretarako, oso sektore desberdinetako enpresek, erakundeek eta herritarrek prozesuetan parte hartu eta ikerketa egingo dute, eta berrikuntza proiektu komunetan lagunduko dute. Hiriari eta herritarrei irekitako zentroa ere izango da.
Goiko solairuan, era horretako proiektuetan lan egingo duten erakundeetako taldeak egongo dira, eta, gainera, coworking bat eta prestakuntza gelak izango ditu. Beheko solairuan erakusketa espazio bat, auditorio bat eta erabilera anitzeko gela bat egongo dira; erdisotoan, berriz, FabLab bat eta MakerSpace bat egongo dira, hau da, banakako ekoizpenerako makina sofistikatuak dauden lan espazioak, hala nola 3D inprimagailuak, fresatzeko makinak edo biniladoreak, zeinak enpresek (bazkideak eta bazkide ez direnak) eta herritarrek erabili ahal izango baitituzte. Halaber, pertsona eta talde ikertzaileentzako egoitzak izango ditu. Zentroa uda ondoren jarriko da abian.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza