Euskal enpresaren blog-a Zure enpresarentzat garrantzitsua den eguneroko informazioa
Albisteak 26 urtarrila, 2022 Ekintzailetza Up Euskadi Start up up euskadi

GYMCHESS, sistema kognitiboa hobetzeko eta urteek adimenean dituen eraginak moteltzeko gai da

GYMCHESS aplikazioa Google Play (Android) eta App Store (iOS) plataformetan dago eskuragai
GYMCHESS

GYMCHESS euskal startup teknologikoa da, ECAM metodologia berritzaile, ludiko eta eraginkorraren bidez sortua. Sistema kognitiboa hobetzeko eta urteek adimenean dituen eraginak moteltzeko gai da. Ondorioz, euren ongizatean eta adimen-osasunean kontzientziatutako pertsonen lagungarri da.

Ekimena diziplina anitzetik sortu da: psikologia, xakea eta teknologia negozio berrietan transformatzetik. Eusko Jaurlaritzak eta Gipuzkoako Foru Aldundiak Ekintzaile-Txekintek programaren bidez lagunduta, GYMCHESS berriki aurkeztu zen Dubaiko bi aktotan; bata aurrez aurrekoa eta bestea telematikoa. Horretarako Judith Polgar-en laguntza izan zuten. Historia osoko xake jokalaririk onena da eta, hein batean, beragan inspiratua da Netflixen arrakasta handia duen “Gambito de Dama” seriea.

Leontxo García kazetari eta dibulgatzaile zientifikoak “Xakea eta garunaren zahartzeari” buruzko ezagutza interesgarriak partekatu zituen, zenbait ikerketa zientifikok erakutsi bezala, xakea garunaren zahartzea atzeratzeko baliagarria dela nabarmenduz (eta hortaz, alzheimer eta beste dementzia batzuk atzeratzeko ere).

Bestalde, Juan Antonio Montero psikologoak aurkezpenean azaldu zuen GYMCHESS startupa ECAM metodoan oinarritzen dela. “Azken belaunaldiko erreminta, praxi zabaletik sortua eta arrakasta handia izan duena zahartze aktiboa edo menpekotasunetatiko birgaitzea bezalako esparruetan”.

Leontxo García ta Juan Antonio Montero startuparen ko-fundatzaileak dira, Tecnalia Ventures-eko CEO eta ko-fundatzaile den Asier Rufinorekin batera. Asier Rufinok inbertsoreentzako diskurtsoaz arduratu zen “nutrizioarekiko, ariketarekiko, estresaren kudeaketarekiko eta pertsonen ongizateari lotutako beste gai garrantzitsu bat gero eta kezka handiagoa duen mundu honetan”. ‘Business angel’ finantzaketa erronda bat egiteko asmoa dute. Asier Rufinok dioenez, higadura kognitiboa eta garunaren zahartzeari buruzko ikerketa zientifikoetan parte hartu nahi dute, bereziki GYMCHESS / ECAM erabiltzeko aukera legokeenetan.

Aplikazioa Google Play (Android) eta App Store (iOS) plataformetan dago eskuragai.
gymchess.com

Bideo:

 

Goxoa.eus
Albisteak 1 uztaila, 2022 Ekintzailetza
Goxoa.eus: Sasoiko elikagaiak gure ekoizleak ahalduntzeko
Irakurri gehiago
Up Euskadi Wake Up
Albisteak 1 uztaila, 2022 Ekintzailetza
Wake up! Albiste ekintzaile batzuk sarean 220704
Irakurri gehiago
Albisteak 30 ekaina, 2022 Ekintzailetza
Supernovas: emakumeentzako laguntza ekintzailetzan, berrikuntzan eta inbertsioan oztopoak hautsi ditzaten
Irakurri gehiago
health 2.0 basque
Albisteak 30 ekaina, 2022 Ekintzailetza
Health 2.0 Basque-k ireki du startup eta erakundeentzako deialdia 2022ko Osasun Digitaleko Nazioarteko Kongresuan
Irakurri gehiago
aglaya events
Albisteak 29 ekaina, 2022 Ekintzailetza
Aglaya Events, “zure bezeroak zure unibertso propioan murgiltzeko” ekitaldi-murgiltzaileak
Irakurri gehiago

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak