Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 27 iraila, 2022 Ekintzailetza Up Euskadi Start up

Glucovibesek glukosa-mailak zehaztasunez neurtzeko gai den app bat sortu du

Plataformak azukre-mailak kontrolatzeko eta kirol-jarduerarako nutrizio-estrategia bat ezartzeko aukera ematen du
Glucovibes

Glukosa da gure organismoaren energia-iturri nagusia, eta funtsezkoa da kontrolatzea zure bizitza eta ongizatea orekan mantentzeko. Horregatik, nutrizioak eta zure bizimoduak odoleko glukosa-mailetan duten eragina ulertzea funtsezkoa da bizitza osasungarria lortzeko eta zure kirol- eta bizi-errendimendua hobetzeko. Glucovibes startup donostiarrak app kapaza bat asmatu du osagai horrek gure odolean duen maila zehaztasunez neurtzeko eta, informazio horretatik abiatuta, nutrizio-estrategia bat sortzeko, pertsonek egoera hobea lor dezaten.

 

“Irtenbide digital pertsonalizatua da, kirolariaren helburuak bultzatzen ditu eta hobeto ematen laguntzen dio”

 

Helburu osasungarri horiek betetzeko, plataformak informazioa biosentsoreetan integratzen du. Biosentsore horiek glukosa neurtzen dute besoan jartzen den adabaki baten bidez, eta 14 eguneko monitorizazioa eskaintzen du. Informazio hori app-ak jasotzen du, eta, gainera, erabiltzailearen beste datu batzuk erregistratzen ditu, hala nola jarduera, atsedena eta nutrizioa. “Horrekin guztiarekin, pertsona bakoitzaren gorputza ulertzea eta bizi-ohitura osasungarriak lortzeko irtenbide pertsonalizatuak sortzea lortzen da”. “Glucovibesek zure gorputzarekin konektatzen zaitu, hark esan behar dizuna interpretatzen du, nola funtzionatzen duzun uler dezazun eta, horrela, zure helburuak lor ditzazun eta zure errendimendu fisikoa hobetu dezazun”, adierazten dute proiektuko sustatzaileek.

Alberto Conde GlucovibesEnpresak, gainera, nutrizionisten, kirol-medikuen eta osasun-medikuen talde bat du, app-a erabiltzen den bitartean erabiltzaileari laguntzeko eta gidatzeko. “Datuak interpretatzen dituzten eta ekintza erreal, interesgarri eta eskuragarri bihurtzen dituzten pertsona-talde bat da. Gainera, erabiltzaileari nutrizio eta jarraipen proposamen pertsonalizatua eskaintzen diote”, azaltzen dute Glucovibesetik.

Plataformak eskaintzen dituen abantailen artean, honako hauek nabarmentzen dira: pisua galtzeko aukera, egunean zehar energia-maila hobetzea, barne-hanturak zuzentzea, odoleko glukosa kantitate handiek eragiten duten zahartzea saihestea, edo hobeto lo egitea edo errendimendua hobetzea, besteak beste. Aplikazio berritzaile hau zuzentzen den xede-publikoa “bere osasun metabolikoa ezagutu eta gorputzak jaten dituen elikagaiekin nola erreakzionatzen duen ulertu nahi duen edozein persona”, azpimarratzen dute empresako arduradunek.

Glucovibesek KernPharmako txirrindulari-eskuadrarekin, Espainiako Eski Federazioarekin, Poloniako Abiadurako Patinaje Federazioarekin edo Frantziako Emakumezkoen Txirrindularitza Federazioarentzat lan egiten du, besteak beste. Halaber, Gogheko Orejako Pablo Benegas musikariak ere probatu du plataforma berritzaile hau. “Metabolismoak nola funtzionatzen duen ondo ulertzea norberaren bertsiorik onena sustatzea dela uste dugu”, diote startupetik.

Home

Lotutako albisteak

Wake Up Euskadi 25 Azaroa, 2022 Ekintzailetza
Wake up! Albiste ekintzaile batzuk sarean
Irakurri gehiago
23 Azaroa, 2022 Ekintzailetza
Kera-Coat, korrosioaren eta urraduraren aurkako zeramika estaldurak
Irakurri gehiago
Emprendedor XXI 22 Azaroa, 2022 Ekintzailetza
Emprende XXI Sarien deialdi berria
Irakurri gehiago
Player ON 22 Azaroa, 2022 Ekintzailetza
PlayerOn, gamifikazioaren bidez markak beren jarraitzaileekin konektatzen dituen plataforma
Irakurri gehiago
Elkargi Intraemprendimiento Jornada 21 Azaroa, 2022 Ekintzailetza
Gure enpresen berrasmatzea Elkargiren jardunaldian: barne-ekintzailetza
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak