Filtra tu búsqueda



Albisteak 6 ekaina, 2023

F2P Campusaren 4. edizioa hasi da Gasteizen, bideojokoaren industria Araban eta Euskadin bultzatzeko asmoz

Nazioarteko topaketa hau, free-to-play bideojokoen sektorean aitzindaria, uztailaren 17tik irailaren 17ra arte izango da, Euneiz Unibertsitatearen egoitzan

F2P Campusak, munduko free-to-play bideojokoen lehen campus azeleratzaileak, laugarren edizioari  eman dio hasiera, Gasteizen, talde parte-hartzaileak hautatzeko prozesua irekiz. Ekimena Arabako Foru Aldundiak, Eusko Jaurlaritzak eta Euneiz Unibertsitateak bultzatzen dute eta sektoreko erreferentzia gisa finkatu da. Haren asmoa da Araban eta Euskadin bideojokoaren industria sustatzea, talentua  erakartzeko eta aberastasuna sortzeko guneak izan daitezen.

Ez dugu ahaztu behar sektore horrek  2021ean 1.326 milioi euro baino gehiagoko negozio-bolumena lortu zuela Espainian eta 8.000  pertsonari baino gehiagori ematen ziela jada enplegua. Gainera, campusarekin batera, bideojokoei  buruzko Euskadiko lehen bi gradu ofizialak jarriko ditu abian Euneiz Unibertsitateak 2023-24ko ikasturtean, artistaren eta diseinuko zein programazioko profesionalen profilak eskuratzeko.

Laugarren edizioa datorren uztailaren 17an hasiko da, Euneizko Unibertsitatearen instalazioetan,  erakunde hori bera izango baita egoitza ofiziala segidako bigarren urtean. Egun horretatik aurrera  irailaren 17ra arte, aukeratutako 5 taldeek arloari buruzko munduko aditu nagusietako baten  aholkularitzarekin garatu ahalko dituzte beren bideojoko-proiektuak, adituok uda osoan zehar  bisitatuko baitute Arabako hiriburua. Ekainaren amaieran, antolatzaileek campusean parte hartzeko  hautatutako taldeen izena ezagutaraziko dute eta proiektu bakoitzeko 4 pertsona Gasteizen egoteko  kudeaketak egingo dira. Pertsona horiek, hain zuzen, azken Demo Day egunean, irailean, aurkeztu  beharko dute egindako lan osoa.

F2P Campusaren helburua da aurten euskal taldeen presentzia bultzatzea eta gizarte osoan  bideojokoaren kultura zabaltzen jarraitzea, sektorean talentu ekintzaile berriaren sarrera sustatzeko.  Espainiako Bideojokoen Liburu Zuriko azken datuen arabera, Euskadin estatu osoko enpresen  bolumenaren % 3,2 baino ez dago; hortaz, pisu gehien duten lurraldeetatik, hala nola Kataluniatik  (% 28) eta Madriletik (% 24), urrun dago. Kataluniako erkidegoak, gainera, herrialde osoko fakturazio bolumenaren % 50 baino gehiago dauka.

F2P Campusa bultzatzen duten hiru erakundeek (Arabako Foru Aldundiak, Eusko Jaurlaritzak eta  Euneiz Unibertsitateak) oso ondo baloratzen dute ekimenaren 4 urteko ibilbidea: «apustu ausarta da,  arrakasta frogatu duena eta urtero atxikipen eta babes berriak biltzen dituena. Gasteiz, Araba eta  Euskadi bideojokoen industriaren garapen-nodo gisa posizionatzeko modu bikaina».

 

Games Academy 

Aurreko edizioetan bezala, campusak arreta berezia jarriko du sektore honen potentzialtasun guztiak  hedatzeko. Horretarako, herritarrentzat irekitako zenbait jarduera antolatuko ditu Games Academy  programaren barruan. Ekimen hori laster aurkeztuko da, gazteen artean bokazio berriak sortzeko  apustua indartu ondoren, sektore horretan ia ez baitago langabeziarik eta 2024ko amaieran Espainian  10.300 enplegu baino gehiago edukitzea aurreikusten baita.

Nazioarteko campus hori BIC Arabak koordinatuta dago, Katoid enpresaren zuzendaritzapean, eta,  gainera, Gasteizko Udalaren, Euskaltel Fundazioaren, Vital Fundazioaren eta AWS for Games  enpresaren babesletza dauka.

info+: f2pcampus.com

F2p Campus Vitoria Gasteiz ARABA ÁLAVA

Lotutako albisteak

Wake  up!  Albiste  ekintzaile  batzuk  sarean
02/06/2023 Ekintzailetza

Wake up! Albiste ekintzaile batzuk sarean

Euskadiko talentu ekintzaile guztia, zurekin goizero zure gosarian! Jarrai iezaguzu!

Fagor  Ederlanek  eta  MONDRAGONek  EEVAM  izaneko  ibilgailu  elektrikoetarako  startup  teknologikoan  inbertitu  dute
27/05/2023 Ekintzailetza

Fagor Ederlanek eta MONDRAGONek EEVAM izaneko ibilgailu elektrikoetarako startup teknologikoan inbertitu dute

Mugikortasun-joera berri garbiagoak, seguruagoak eta eraginkorragoak garatzen laguntzea da enpresaren helburua

Ingevitalek  radar-sistema  bat  sortu  du  egoitza-zentroetako  pazienteen  kontrola  hobetzeko  helburuarekin
25/05/2023 Ekintzailetza

Ingevitalek radar-sistema bat sortu du egoitza-zentroetako pazienteen kontrola hobetzeko helburuarekin

Enpresak iaz Silver Economy Call-an parte hartu zuen, hainbat proiektu pilotu ditu zahar-etxeetan eta bere hurrengo helburua etxe pribatuen sektorean sartzea da.

Wake  up!  Albiste  ekintzaile  batzuk  sarean
24/05/2023 Ekintzailetza

Wake up! Albiste ekintzaile batzuk sarean

Euskadiko talentu ekintzaile guztia, zurekin goizero zure gosarian! Jarrai iezaguzu!

Suncrest  Gamesek  teknologia  propioa  garatzen  du  90eko  hamarkadako  arcade  plataformak  simulatzeko
24/05/2023 Ekintzailetza

Suncrest Gamesek teknologia propioa garatzen du 90eko hamarkadako arcade plataformak simulatzeko

Euskal startupak egungo plataforma guztietara eramateko moduko diren emulazio-soluzioak proposatzen ditu, kode irekira erabili gabe

Joan blog-era

Jarraitu gurekin

Gure sareetan espezializatutako kanalak eta eguneroko aktualitateak.