F2P Campusaren 4. edizioa hasi da Gasteizen, bideojokoaren industria Araban eta Euskadin bultzatzeko asmoz
F2P Campusak, munduko free-to-play bideojokoen lehen campus azeleratzaileak, laugarren edizioari eman dio hasiera, Gasteizen, talde parte-hartzaileak hautatzeko prozesua irekiz. Ekimena Arabako Foru Aldundiak, Eusko Jaurlaritzak eta Euneiz Unibertsitateak bultzatzen dute eta sektoreko erreferentzia gisa finkatu da. Haren asmoa da Araban eta Euskadin bideojokoaren industria sustatzea, talentua erakartzeko eta aberastasuna sortzeko guneak izan daitezen.
Ez dugu ahaztu behar sektore horrek 2021ean 1.326 milioi euro baino gehiagoko negozio-bolumena lortu zuela Espainian eta 8.000 pertsonari baino gehiagori ematen ziela jada enplegua. Gainera, campusarekin batera, bideojokoei buruzko Euskadiko lehen bi gradu ofizialak jarriko ditu abian Euneiz Unibertsitateak 2023-24ko ikasturtean, artistaren eta diseinuko zein programazioko profesionalen profilak eskuratzeko.
Laugarren edizioa datorren uztailaren 17an hasiko da, Euneizko Unibertsitatearen instalazioetan, erakunde hori bera izango baita egoitza ofiziala segidako bigarren urtean. Egun horretatik aurrera irailaren 17ra arte, aukeratutako 5 taldeek arloari buruzko munduko aditu nagusietako baten aholkularitzarekin garatu ahalko dituzte beren bideojoko-proiektuak, adituok uda osoan zehar bisitatuko baitute Arabako hiriburua. Ekainaren amaieran, antolatzaileek campusean parte hartzeko hautatutako taldeen izena ezagutaraziko dute eta proiektu bakoitzeko 4 pertsona Gasteizen egoteko kudeaketak egingo dira. Pertsona horiek, hain zuzen, azken Demo Day egunean, irailean, aurkeztu beharko dute egindako lan osoa.
F2P Campusaren helburua da aurten euskal taldeen presentzia bultzatzea eta gizarte osoan bideojokoaren kultura zabaltzen jarraitzea, sektorean talentu ekintzaile berriaren sarrera sustatzeko. Espainiako Bideojokoen Liburu Zuriko azken datuen arabera, Euskadin estatu osoko enpresen bolumenaren % 3,2 baino ez dago; hortaz, pisu gehien duten lurraldeetatik, hala nola Kataluniatik (% 28) eta Madriletik (% 24), urrun dago. Kataluniako erkidegoak, gainera, herrialde osoko fakturazio bolumenaren % 50 baino gehiago dauka.
F2P Campusa bultzatzen duten hiru erakundeek (Arabako Foru Aldundiak, Eusko Jaurlaritzak eta Euneiz Unibertsitateak) oso ondo baloratzen dute ekimenaren 4 urteko ibilbidea: «apustu ausarta da, arrakasta frogatu duena eta urtero atxikipen eta babes berriak biltzen dituena. Gasteiz, Araba eta Euskadi bideojokoen industriaren garapen-nodo gisa posizionatzeko modu bikaina».
Games Academy
Aurreko edizioetan bezala, campusak arreta berezia jarriko du sektore honen potentzialtasun guztiak hedatzeko. Horretarako, herritarrentzat irekitako zenbait jarduera antolatuko ditu Games Academy programaren barruan. Ekimen hori laster aurkeztuko da, gazteen artean bokazio berriak sortzeko apustua indartu ondoren, sektore horretan ia ez baitago langabeziarik eta 2024ko amaieran Espainian 10.300 enplegu baino gehiago edukitzea aurreikusten baita.
Nazioarteko campus hori BIC Arabak koordinatuta dago, Katoid enpresaren zuzendaritzapean, eta, gainera, Gasteizko Udalaren, Euskaltel Fundazioaren, Vital Fundazioaren eta AWS for Games enpresaren babesletza dauka.
info+: f2pcampus.com
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza