Eusko Jaurlaritzak ia bi milioi eurora arteko laguntzak eskaintzen ditu barnekintzailetzarako
Eusko Jaurlaritzak itzuli beharrik gabeko 30.000 eurora arteko barnekintzailetzako laguntzak (konpainia baten barruan negozio berriak sortzeko laguntzak) banatuko ditu aurten enpresa-proiektu berritzaileentzat. BarnEkintzaile programa sortu berriak 1,9 milioi euroko zuzkidura du. Laguntzak eskatzeko epea, SPRI Taldearen web orriaren bidez tramitatuko dena, zabalik dago eta abenduaren 12an itxiko da.
Barnekintzailetza formula ezin aproposagoa izan da Euskadin enpresa-sarea berrasmatu eta eraldatzeko, antolakundeak gaztetu eta suspertzeko, eta plantilletan dagoen giza kapital ekintzailea aprobetxatzeko. Hala, pertsona eta erakunde ekintzaileen aldeko babesak herrialde-konpromiso bat izaten jarraitzen du, eta horregatik ahalegina egin nahi da inplikatutako erakunde eta eragile guztien arteko elkarlana sustatzeko.
Programa honek laguntza ematen die enpresa berriei negozio berriak sortzeko planak egiteko, eta orobat aurrera egin dezaten euren bideragarritasun-azterketa, martxan jartze eta umotze prozesu osoan, aholkularitza eta azpiegiturak eskainiz bertan kokatzeko. Gainera, finantzaketa eskuratzenlaguntzen du lehen fasean garatutako enpresa-plana gauzatzeko behar diren inbertsioetarako.
BIC zentroek (Euskadiko enpresen berrikuntza zentroek) gidatuko dituzte diruz lagundutako proiektuak, eta euren zeregina izango da dinamizatzaile izatea enpresa-proiektu berriak ekoizpen-sarean sar daitezen. Hala, helburua da proiektuak aurrera egin dezala arrakasta lortzeko behar dituen berme onenekin, beti ere konpromisoa hartuta berrikuntzarekin eta lehiakortasunarekin.
Programara aurkezten diren enpresek 2021eko urtarrilaren 1etik aurrera sortuak izan behar dute. Salbuespen gisa, laguntza hau argitaratu ondorengo lehen bi hilabeteetan baita ere aurkeztu ahal izango dira 2020ko urtarrilaren 1etik aurrera sortu direnak. Proiektuek gutxienez hiru lanpostu sortu behar dituzte hiru urteko epean.
Negozio berriak sortzeko planentzako dirulaguntzen bidez adituen aholkularitza teknikoko gastuak ordainduko dira. Bidelaguntzarako dirulaguntzek, berriz, beren baitan hartzen dituzte gastu hauek: enpresa arloko prestakuntza, kanpo-aholkularitza eta kanpoko laguntza teknikoa, prospekzio-azterketak, azoketara joatea eta prospekzio komertzialeko bidaiak egitea eta maketak eta prototipoak sortzea. Kasu bietan, itzuli beharrik gabeko 30.000 euroko gehienezko dirulaguntza emango zaio proiektu bakoitzari.
Finantzaketa Luzaro erakundearekin sinatutako hitzarmen baten bidez tramitatuko da, eta inbertsio hauetara bideratuko da: lokalak berritu eta atontzea, makineria eta ekipamendua, ibilgailu industrialak edo altzariak erostea, aplikazio informatikoak, jabetza industriala edo intelektuala, eta pizgarri administratiboen edo frankizien kanonak.
Has zaitez hemendik!
Barnekintzaile programa interesatzen bazaizu eta bere abantailak eskuratu nahi badituzu, ez itxaron gehiago eta bete interes-inprimakia SPRI Taldearen web orrian. Hortik aurrera, hurbilen duzun BICa esleituko dizugu prozesu osoan lagundu zaitzan.
Gogoan izan, Barnekintzailek eskaintzen dizu:
Hiru laguntza-ildo bereizi zure barnekintzailetzako proiektuak definitu, martxan jarri eta finantzatzeko. Baliabide hau bereziki sortu dugu aholkularitza emateko barnekintzailetzako proiektua diseinatzen denetik ezartzen den arte!
Zalantzaren bat? Jar zaitez harremanetan gure BEZEROEN ARRETA zerbitzuarekin: 900 92 93 93 | Egokitu zure enpresa-eredua merkatuan sortzen ari diren aukera berriak identifikatu eta aprobetxatzeko, eta HAZI!! info+: BarnEkintzaile
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza