Eusko Jaurlaritzak Basque Talent bultzatu du enpresei laguntza emateko ekitaldi batekin
Eusko Jaurlaritzak Basque Talent ekimena bultzatzen du. Egitasmoaren helburua da enpresa teknologikoetara talentua erakartzea eta, horretarako, urriaren 9an jardunaldia egingo dute Bilboko BAT dorrean (Bizkaiko Aldundiaren ekintzailetzaren zentroa). Egitasmoaren izena Basque Employer Branding Programme da, eta erakundeei, talentua erakarri eta fidelizazioa lortu nahi eta behar duen enpresa gisa, haien posizionamenduan laguntza emateko prestakuntza-programa bat da, haien balio-proposamena hobetzen laguntzeko.
Hala, urriaren 9an, Alfonso Alcántarak, pertsonen eta komunikazioaren arloko aholkulari ezagunak ponentzia bat egingo du Basque Employer Branding Programme programaren barruan. Izen emateko epea zabalik dago dagoeneko. Horrez gain, bost moduluak aurkeztuko dituzte: urriaren 24 eta abenduaren 19 bitartean Euskadiko parke Teknologikoen Sarean egingo dituzte (izen-ematea ere zabalik dago). Modulu horiek gai espezifikoak izango dituzte.
Moduluen lehen atalean, gaian aditua den pertsona batek marko teorikoa, tresnak eta metodologiak azalduko ditu. Bigarren zatian, enpresek eta profesionalek gaiarekin lotuta egin dituzten jarduketak eta izandako esperientzia partekatuko dute, eta erakunde parte-hartzaileen arteko lankidetza-espazioa sortuko dute, jorratzeke dauden beharrezko aldaketei buruz gogoeta egiteko.
Askotariko gaiak landuko dituzte: talentuaren kudeaketa ikuspegi estrategikotik; talentua erakartzeko online eta offline kokatzeko estrategiak; erakartzeko prozesuaren diseinua; eta, dibertsitatea, kultura eta lidergoa, fidelizaziorako funtsezko prozesuak.
Ekimena Euskadiko Parke Teknologikoen Sarean dauden enpresei zuzenduta dago hasiera batean, enpresa horien tamaina edo jarduera-sektorea edozein dela ere. Talentua erakartzeko zailtasunak dituzten, fidelizazioa handitzeko pertsonen garapenerako beste modu batzuk ezagutu nahi dituzten, egungo langileekin edo etorkizunekoekin duten lotura lantzea garrantzitsua iruditzen zaien, ekintza zehatz jakin bat abian jarri duten edo employer brandingean hasi arren oraindik plangintza eta estrategia espezifikorik ez duten enpresei dago zuzenduta batik bat.
Lotutako albisteak
EBN 2025 kongresua BIC Bizkaia Ezkerraldean egingo da
Kongresua aukera paregabea izango da industria-energia trantsizioaren inguruan eztabaidatzeko, gure lurralde eta ekonomien etorkizunerako funtsezko gaia baita.
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua