Etorkizuneko mugikortasuna aldatzea helburu duten, lau euskal proiektu iritsi dira MUBIL Mobility Awards sarien finalera
MUBIL Mobility Awards ekimenak dagoeneko aukeratu ditu etorkizuneko mugikortasuna aldatzea helburu duten sei proiektuak. Finalistak Estatuko eta Europako zenbait enpresek bultzatutako 28 proposamenen artean aukeratuak izan dira. Horietako lau Euskadikoak dira (bi gipuzkoar eta beste bi bizkaitar), bat Madrilgoa eta bestea Bartzelonakoa.
Hautatutako ekimenek lantzen dituzten arloen artean, honako hauek azpimarra daitezke: gidatze automatizatua probatzeko simulazio-plataformak, kargatzeko estazio mugikor bat, errepideen egoera automatikoki ikuskatzeko sistemak eta % 100 elektrikoa eta adimenduna den motozikleta bat.
Hautaketa-prozesu horren ondoren, bi proiektu irabazleak irailaren 20an aukeratuko dituzte Tabakaleran (Donostia), eta streaming bidez jarraitu ahal izango da ekitaldia hainbat hizkuntzatan. Sari-banaketa saioa Antonella Broglia gizarte-berrikuntzaren arloko nazioarteko erreferenteak zuzenduko du.
Bi irabazleek 35.000 euro banatuko dituzte (25.000 euro lehenengoarentzat eta 10.000 bigarrenarentzat) eta, urtebetez, nazioartean erreferentziazkoa den MUBIL ekosisteman parte hartzeak eskaintzen dituen aukerak baliatu ahal izango dituzte mugikortasun adimendun eta jasangarriko proiektuak garatzeko. Izan ere, ekimen honen laguntzaile dira CAF, Irizar e-mobility, Petronor eta Iberdrola bezalako enpresak.
Finalistak
Donostiako Ecomagnet enpresa da finalistetako bat. Motor elektriko zaharkituen materialak berreskuratu eta prozesatzea du helburu, lur arraroak erauzi eta motor elektriko berriak sortu ahal izateko. Donostiako beste ekimen batek ere lortu du finalera iristea: Proven izenekoak, alegia. Ibilgailu autonomoen garapena arintzeko datuak baliozkotzeko plataforma bat garatzen ari dira.
Bestalde, bi enpresa bizkaitar ere aukeratuak izan dira. Batetik, Asimob enpresak errepideen ikuskapen automatizatuko sistema bat garatu nahi du, bidearen ikuspen-mailaren eta egoeraren baldintzak sistematikoki egiaztatzeko; eta bestetik, Ox Riders izenekoa % 100 elektrikoa eta adimenduna den motozikleta bat fabrikatzeko prozesuan dago.
Bartzelonako BiaPower-Grid ere azken fasera heldu da, ibilgailu elektrikoen karga optimizatzeko software plataforma baten garapenean oinarritutako proiektuarekin. Eta, azkenik, Madrilgo Wattson Smart Charging ere sailkatu da, zeina biltegiratze-sistema garraiagarri batean oinarritutako kargatzeko estazio mugikor bat sortzeko proiektu batekin lehiatzen ari den.
Sari banaketa ekitaldia
Finalistek euren proiektuak defendatu eta irabazleak erabakitzeko ekitaldia irailaren 20an izango da, 16:30ean, Donostiako Tabakalera eraikinean. Gainera, streaming bidez jarraitu ahal izango da, hainbat hizkuntzatan, eta Markel Olano Gipuzkoako Ahaldun Nagusiak parte hartuko du ekitaldian.
Gipuzkoako Foru Aldundia da MUBIL Mugikortasun Adimendun eta Iraunkorreko Zentroaren bultzatzaile nagusia. Gainera, laguntzaile dira BIC Gipuzkoa | Grupo SPRI, Gipuzkoako Bazkundea, Indar, IBIL, Innoenergy eta Urban Mobility Europako Berrikuntza eta Teknologia Institutuak (EIT), CIDETEC, Euskadiko Energia Klusterra, MLC ITS Euskadi Mugikortasun eta Logistika Klusterra, eta baita aipatutako CAF, Irizar e-mobility, Petronor eta Iberdrola ere.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza