Enkarterri, Mankomunitatea, BIC Bizkaia Ezkerraldea, Aldundia eta Eusko Jaurlaritza eskualdearen garapena aztertzen ari dira
Enkarterriko Plan Estrategikoaren Talde Eragilea, Eusko Jaurlaritzak, Bizkaiko Foru Aldundiak, eskualdeko 11 udalerriek – Alonsotegi, Artzentales, Balmaseda, Galdames, Gordexola, Gueñes, Karrantza, Lanestosa, Sopuerta, Turtzioz eta Zalla –, Mankomunitateak eta BIC Bizkaia Ezkerraldeak osatua, 50 jarduketen aurrerapen-maila jarraitzeko bildu dira, 28,7 milioi euroko inbertsioarekin.
Enkarterriko Plan Estrategikoaren Talde Eragilea, Eusko Jaurlaritzak, Bizkaiko Foru Aldundiak, eskualdeko 11 udalerriek – Alonsotegi, Artzentales, Balmaseda, Galdames, Gordexola, Gueñes, Karrantza, Lanestosa, Sopuerta, Turtzioz eta Zalla –, Mankomunitateak eta BIC Bizkaia Ezkerraldeak osatua, 50 jarduketen aurrerapen-maila jarraitzeko bildu dira, 28,7 milioi euroko inbertsioarekin.
Eusko Jaurlaritzak eta Bizkaiko Foru Aldundiak Eskualdeko Plan Estrategikoaren aurrerapen maila aurkeztu zuten atzo, asteartea, Enkarterriko Talde Eragilean. Talde horretako kideak dira Mankomunitatea eta eskualdeko 11 udalerriak -Alonsotegi, Artzentales, Balmaseda, Galdames, Gordexola, Gueñes, Karrantza, Lanestosa, Sopuerta, Turtzioz eta Zalla-. Aurrerapen horren arabera Planaren barruko jarduketen % 100 hasita daude eta 2021ean hasi zenetik martxan dagoen inbertsioa 28,7 milioi eurokoa da.
2021eko ekainean onartu zen Enkarterriko Eskualdeko Plan Estrategikoak guztira 65,7 milioi euroko inbertsioa aurreikusten du eta Enkarterriko ekonomia eta gizartea suspertzea du helburu. Bizkaiko Foru Aldundiak 41,7 milioi euro jarriko ditu eta Eusko Jaurlaritzak 24 milioi euro, eskualdeko gizarte- eta enpresa-eragileen laguntzarekin eta partaidetza-prozesu baten esparruan eskualdeko udalekin eta mankomunitatearekin batera kontrastatutako eta diseinatutako planerako.
Jarduketak sei trakzio-proiektutan bilduta daude: barneko eta kanpoko mugikortasuna hobetzea, bereziki trenbide-azpiegitura eta -zerbitzua; turismo- eta kultura-aktiboen arteko konexioa; hezkuntza- eta lan-mundua integratzea; landa-eremuak digitalizatzeko banda zabala hedatzea; enpresa-espazioak sortzea, eta bioekonomia bultzatzea.
Trenbide- eta bide-azpiegiturei dagozkien jarduketek aurrerapenak aurreikusten dituzte Metroaren 4. linearen zabalkuntzan eta horren ondorengo hedapenean, bai eta etorkizunean C4 linearen maiztasunak hobetzeko beharrezkoak diren trenbide-azpiegiturak berritzean ere. Halaber, aurrera egin da BI-630 errepidearen lau zati eta horiei dagozkien ingurumen-baimenak berritzeko proiektuak idazteari dagokionez. Era berean, bizikletak konpontzeko eta aparkatzeko bi programa jarri dira martxan, joan-etorrietarako bizikleta garraiobide gisa erabiltzea sustatzeko.
Beste alde batetik, kultura- eta turismo-jarduerekin lotutako jarduketen artean, besteak beste, helmuga turistiko moduan posizionatzeko Enkarterrira azpiegiturak, zerbitzu digitalak eta mugikortasun lasaia ekartzeko ekintzak nabarmendu behar dira (autokarabanen aparkalekua, errealitate birtuala, plataforma digitala, bizikleta elektrikoak eta horiek kargatzeko puntuak,…). Aipatzekoa da La Güatan, Zallan, sormen-arteak garatzeko aukera-gunea sortu izana, edota La Encartada Fabrika-Museoan eta Karpin Faunan egin diren hobekuntzak, eta turismoa, kirola eta musika sustatzeko ekitaldiak.
Era berean, lan- eta hezkuntza-munduaren erlazio eta loturari dagokionez, tailerrak eta laborategiak jarri dira abian ziber-segurtasuna, elektromugikortasun adimenduna, 3D inprimaketa eta etxebizitza adimenduna bezalako arloetan, lanbide-heziketa indartzeko eta ekintzaileen, enpresen eta erakundeen eskura jartzeko.
Landa-eremuetako digitalizazioarekin lotutako jarduketek aurrera egin dute eta banda zabala 8 udalerritako 664 etxebizitza sakabanatutara hedatu da eta eskualdeko 11 udalerrietan 5G banda zabala hedatzeko zerbitzua garatu da euskal administrazio publikoek (IHOBE, URA, udalak…) datuak hartzeko proben laborategi gisa erabil dezaten, enpresa pribatuarentzat eta partikularrentzat funtzionalitate berriak gehitzeko aukerarekin.
Azkenik lurzoru-esparrua erosi da Zallan Elkartegi bat eraikitzeko. Horren eraikuntza 2023an hastea aurreikusten da; eta altzari-pabiloi zahar bat erosi da Gueñesen, Bioekonomiako HUBa hartuko duena. Bi jarduketa hauek Enkarterrin industria, ekintzailetza eta eraldaketa-jarduerak bultzatzearekin lotuta daude. Bioekonomia Poloak jarduera-palanka berria izan nahi du eskualdearentzat, hiru jarduera-eremutan oinarrituta: industria-proiektuak erakartzea, ekintzailetza eta biomaterialetatik eta diseinutik abiatuta bioekonomiaren arloko prestakuntza eta dinamizazioa garatzea.
Eskualdeko Plan Estrategikoan definitutako ekintza hauekin guztiekin eta etorkizunean definituko diren beste batzuekin udalerrietan identifikatutako arazo komunak konpontzeko egiten da lan Eskualdeko baliabideei eta bitartekoei balio erantsia emango dieten industria eta jarduera eraldatzaileak bultzatzeko; halaber, Planaren xedeak dira turismoa eta kultura dinamizatzea, aukera-sektore gisa eta eskualdearen iraunkortasunaren aldeko apustua eginda; kolektibo zaurgarrien gizarteratzea eta laneratzea indartzea; eremu kalteberak lehengoratzea; enpresa-gune berriak aktibatzea edo Enkarterri barruko loturak indartzea, bai eta eskualdearen eta Lurralde Historikoko gainerako lurraldeen artekoak ere.
Proiektu estrategiko hauen garrantzia kontuan hartuta inplikatutako erakunde guztiek (Eusko Jaurlaritza, Bizkaiko Foru Aldundia eta Enkarterriko Udalak) berretsi egin dute proiektu horiek bultzatzeko eta euren eskumenen esparruan jarduketak abiarazteko izapideak arintzeko konpromisoa.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza