Emakumeak, Berrikuntza eta Zientziaren I. Topaketak lehenengo mailako adituak bilduko ditu Barakaldon estereotipoak apurtzeko eta berdintasunezko eta adimentsua den hirirantz aurrera egiteko.
Ikerketa zientifikoan eta teknologikoan dagoen genero hutsunea; aukera berdintasuna industria, teknologia eta ekintzailetza arloan; hiri adimentsu eta berritzaileetan ekitate eredurantz aurrerapena; eta XXI. mendean emakume zientzialariak dira helduko diren gai nagusiak datorren otsailaren 1ean BIC Bizkaia Ezkerraldean, aipatutako gaietan lehen mailako adituak direnekin.
- Barakaldoko Udalak eta Red Innpulsok antolatua, BIC Bizkaia Ezkerraldean ospatuko da otsailaren 1ean
Ekintza zientifiko-teknikoei lotuta dauden ohiko rol maskulinoak apurtzen laguntzea, sentsibilizatzea eta kontzientziatzea helburu izanik, esperientzien hartu-emana eta ezagutza guneak sortuz, Barakaldoko Udalak eta Berrikuntzaren eta Zientziaren hirien Red Innpulsok Emakumeak, Berrikuntza eta Zientzia I. Topaketa antolatu dute. Emakumeek zientzian egin dituzten ekarpenei ikusgarritasuna eman nahi die eta gizonentzako eta emakumeentzako aukera berdintasunaren gunea bilakatzerako orduan aurrera egin.
Jardunaldia 10:00etatik 15:30era izango da eta hasierako hitzaldia hiru mahai ingururekin txandakatuko da. Irekiera instituzionala 10:00etan izango da honako hauen ardurapean: Amaia del Campo, Barakaldoko alkatea; Arantxa Tapia, Eusko Jaurlaritzako Ekonomia garapen eta azpiegituraren kontseilaria; eta Idoia Fernández, EHUko Berrikuntza, Gizarte Konpromisoa eta Kultura ekintzaren errektoreordea.
«Ezagutzaren gizartean I+G izango da hiri adimentsuak haztea eragingo duen motorra, hiritarren bizi kalitatea, irisgarritasuna, enplegua, ingurumena eta abar hobetzeko; eta aldaketa hori egiteko, hiriok guneak antolatu behar ditugu emakumeen ekarpena diziplina zientifikoetan eta gure hirietan ikusgarri izan dadin» azaldu du Amaia del Campo alkateak.
Emakumeak, Berrikuntza eta Zientziaren I. Topaketa Red Innpulsoko ekintzen parte izango da ¿Barakaldo Kontseilu Errektorearen parte da ¿ hiriak berdintasunezko eta partaidetzadun gune bihurtzeko. Modu honetan, Del Campok azpimarratu du «landu beharrekoak eta lehentasuna duten ildoak dira, eta Barakaldorentzat ohorea da ekitaldi garrantzitsu hau antolatzea eta babestea, izan ere, emakume zientzialariei ikusgarritasuna ematen zentratuko da».
LEHEN MAILAKO ADITUAK
Barakaldoko Udalaren Garapen Agentziak, Inguraldek, lehenengo topaketa honetarako mailako adituak dituen programa antolatu du.
Horrela, Izaskun Landaidak, Emakundeko zuzendaria eta Marta Machok, Emakunde Saria 2016, ikerketa zientifikoko eta teknologikoko genero hutsuneari buruzko ezagutzen ekarpena egingo dute.
Bere aldetik, Eva Armestok, Bizkaiko Foru Aldundiko Enpresa Promozioaren Zerbitzuko burua, Izaskun Elizondok, Zientzapolis-eko bazkide fundatzailea, Iratxe Las Hayasek, ITPren zuzendari orokorra, Itziar Epalzak, Euskadiko Parke Teknologikoen Sareko zuzendaria, eta Leire Bilbaok, Innobasque-ko zuzendariak ekintzailetzan, teknologian eta industrian dauden aukera berdintasunei buruzko ikuskera aditua emango dute.
`XXI. mendeko emakume zientzialariak’ mahai inguruan honako hauek izango dira: Izortze Santín, Biologian doktorea; Janire Escolar, fisikaria; Leticia Pardo, Kimikari Organikoa; Haizea González, Industria ingeniaria eta Itxaso Gartzia, Histocell-eko doktore ikertzailea.
Jardunaldiaren itxiera Ermuko alkatea den Juan Carlos Abascalek eta Terrasako Udaletxeko Berrikuntzaren eta Unibertsitateen zinegotziak egingo dute, Red Innpulsoko presidentziakidetza duten hiriak.
+info: www.barakaldo.eus
