Emprende-Topia Álava Emprende Araba
Ekintzailetza Up Euskadi
Albisteak 28 urtarrila, 2022

Ekintzailetza aldarrikatuko du Araba Ekinean-ek, gizartearen erronka berriei aurre egiteko, eta maiatzera aurreratu ditu ekitaldi nagusiak

“Zure ideiak balio du” lehiaketaren 18. edizioa; 10 kategoria izango ditu eta 11.000 eurotik gora banatuko du sarietan
-

Arabako ekintzailetzaren ekosistema babestuko du Araba Ekinean-ek 2022an, jarduera eta ekitaldien programa zabal bat garatuz urte osoan zehar online, lurraldeko ekintzaileei gizartearen erronka berriei aurre egiten laguntzeko.

Araba Ekinean-en edizio berria aurkeztu dute gaur, prentsaurreko batean, Gasteizko Udalak, Arabako Foru Aldundiak, Eusko Jaurlaritzak —SPRI taldearen eta BIC Arabaren bitartez— eta Vital Fundazioak, ‘Emprende-topia. Explorando nuevos caminos’ lemarekin. Ekintzaileen figura erakutsi eta nabarmendu nahi dute lehiaketa sustatzen duten erakundeek, erronka berri horiek konpontzeko eta lurraldean aberastasuna sortzeko funtsezko eragile gisa; izan ere, ekintzaileak XXI. mendeko esploratzaile bihurtu dira, beren entzuteko eta gizartearen beharretatik gertu egoteko gaitasuna eta berrikuntza-gaitasuna tarteko, besteak beste, eta bide berriak urratzeaz arduratzen baitira, hazteko eta aberastasuna sortzeko modu berri bat sustatzeaz.

Gasteizko lehen alkateorde Maider Etxebarriak, Arabako Foru Aldundiko diputatu nagusiorde Itziar Gonzalok, Eusko Jaurlaritzako Ekintzailetza, Berrikuntza eta Informazio Gizarteko zuzendari eta  BIC Arabako lehendakari Leyre Madariagak eta Vital Fundazioen zuzendari exekutibo Axier Urrestik azaldu dituzte 2022ko Araba Ekinean-en xehetasunak, zein erreferentziazko ekimena bihurtu baita, bere 19 edizioekin, ez Araban bakarrik, baizik eta Euskadi osoan, eta jarduera presentzialak eta online egitekoak konbinatuz jarraituko baitu urte osoan zehar, azken helburutzat duelarik Arabako ekintzailetza-ekosistema hobetzea.

Gaur bertan abiatuko da lurraldeko ekintzaileen ideia eta proiektu onenak saritzen dituen “Zure ideiak balio du” lehiaketaren 18. edizioa. Orotara 10 sari izango dira, eta 11.000 eurotik gora banatuko dira irabazleen artean. Hona hemen sariak:

  • On4U saria, ideia onenari. 500 euro.
  • Aclima saria, ideia iraunkorrenari. 500 euro.
  • Gasteiz ON saria, merkataritza eta turismoaren alorrean. 1.000 euro.
  • Eroski saria, nekazaritzako elikaduraren alorreko ekimen onenari. 1.000 euro.
  • Michelin saria, industriaren alorreko ekimen onenari. 1.000 euro.
  • Prezero saria, zerbitzuen sektoreko ekimen onenari: 1.000 euro.
  • RPK sari berezia, enpresen eraldaketa sozialari: 1.000 euro.
  • Vital Fundazioa saria, krisitik ateratzeko irtenbide eraldatzaileenei: 1.000 euro.
  • Metxa sari berezia, berrikuntzari: izen bereko azeleratzaileak emandakoa, proiektu berritzaileena denari eta hazteko ahalmen handiena duenari. Saria hurrengo Metxa Bootcamp-erako leku bat da, 4.000 euroan zenbatetsia.
  • Publikoaren sari berezia: ideia finalisten azken aurkezpenera doazenek aukeratuko dute. 300 euro

Eskabideak aurkezteko epea gaur, urtarrilak 27, irekiko da, martxoaren 25eko 14:00ak arte. Oinarriak alavaemprende.com webgunean kontsultatu daitezke. Lurraldeko hainbat ekintzailetza-agentek osatutako dute epaimahaia, zeinak apirilaren hasieran hautatuko baititu finalistak. Aurten, berriro ere, apirilean egingo den online ekitaldi baten bitartez emango da finalista horien berri, eta, bidenabar, aurreko edizioetan saritutako beste proiektu ekintzaile batzuek nola egin duten aurrera erakutsiko da. Ezin ahaztu lehiaketa honetatik 750 ekimen ekintzaile baino gehiago igaro direla. Izan ere, partaidetza-errekor guztiak gainditu ziren iaz, 54 proposamen aurkeztu baitziren. 2022ko edizioan, berrikuntza gisa, ikastaro berezi batean parte hartu ahal izango dute finalistek —aurkezpen publikoetan aditu eta TEDxVitoria-Gasteiz-en sustatzaile Cristina Juesesek emango du—. Proiektuen aurkezpenak prestatzeko lagungarri izango zaie.

Maiatzaren 19an —Europa jauregian— egingo den jendaurreko ekitaldi irekian erakutsi beharko dituzte finalistek beren proposamenak, eta Ekin Day jardunaldian jakinaraziko da zein diren irabazleak, maiatzaren 25ean. Ekiteko ideia edo proiekturen bat duten guztiak animatu nahi dituzte antolatzaileek, parte hartzera. “Parte hartzea funtsezko bultzada izan daiteke beren proiektuarentzat, bere garaian gaur egun nazioartera zabaldu diren beste ekimen batzuentzat izan zen bezala”, azpimarratu dute.

Europa Jauregian maiatzaren 19rako antolatu den jardunaldia seigarren urtez jarraian B2B topaketa egiteko baliatuko da orobat. Bertan, ekintzaileek banakako bilerak egin ahal izango dituzte aholkularitza-, finantzaketa- eta bizkortze-erakundeekin, baita beste ekintzaile batzuekin ere. Parte hartu ahal izateko www.alavaemprende.com webgunean eman behar da izena aurretik. Aurreko deialdietan aldebiko 200 bilera baino gehiago egin ziren, eta horietatik lankidetza berriak sortu ziren.

Irakurri gehiago HEMEN

Lotutako albisteak

Toribio  Echevarría  Sariek  35.  edizioa  betetzen  dute  aurten,  hainbat  berritzasunekin
15/09/2025 Ekintzailetza

Toribio Echevarría Sariek 35. edizioa betetzen dute aurten, hainbat berritzasunekin

Hautagaitzak aurkezteko epea urriaren 9ra arte dago zabalik

Eusko  Jaurlaritzak  mundu  osoko  882  startup  erakarri  ditu  Euskadiko  70  enpresarekin  lan  egiteko
15/09/2025 Ekintzailetza

Eusko Jaurlaritzak mundu osoko 882 startup erakarri ditu Euskadiko 70 enpresarekin lan egiteko

Startupek edizio honetan parte hartu duten 70 enpresek planteatutako 12 erabilera-kasuei erantzuteko hautagaitzak aurkeztu dituzte.

Habitakek  AA  teknologiaren  laguntzarekin  higiezinen  zerbitzuak  iraultzen  ditu
09/09/2025 Ekintzailetza

Habitakek AA teknologiaren laguntzarekin higiezinen zerbitzuak iraultzen ditu

Plataformak adimen artifiziala erabiltzen du jabeak, erosleak, agenteak eta sektoreko profesionalak konektatzeko.

Grunussek  energia  sortzeko,  transmititzeko  eta  biltegiratzeko  modua  eraldatzen  du
28/08/2025 Ekintzailetza

Grunussek energia sortzeko, transmititzeko eta biltegiratzeko modua eraldatzen du

Berrikuntzak bultzatutako ‘deeptech 'enpresa honek aurrerapen teknologiko eta ekologikoaren abangoardian kokatzen da

Taldekik  biosentsoreak  garatu  ditu  gaixotasunen  diagnostiko  aurreraturako

Taldekik biosentsoreak garatu ditu gaixotasunen diagnostiko aurreraturako

BereMELISA plataformak hamaika aukera eskaintzen ditu azterketa biomolekularrean

70  korporazio  startupen  soluzioen  bila  BIND  Corporaten,  Eusko  Jaurlaritzaren  ekimenean
25/08/2025 Ekintzailetza

70 korporazio startupen soluzioen bila BIND Corporaten, Eusko Jaurlaritzaren ekimenean

Programan izena emateko epea irailaren 5era arte dago zabalik eta Partner enpresentzako proiektuak, mentoringa eta ekintzailetza eta berrikuntzako ekosistemarekiko konexioa hartzen ditu barne.

Ekintzailetza  berritzaile  onena  aitortzen  duten  Top101  Sarietarako  epea  zabalik  dago
29/07/2025 Ekintzailetza

Ekintzailetza berritzaile onena aitortzen duten Top101 Sarietarako epea zabalik dago

Hautagaitzak irailaren 23ra arte aurkez daitezke

Konexio:  “Gure  helburua  da  erakundeei  nazioarteko  talentua  aurkitzen  laguntzea  eta  prozesu  osoan  laguntzea”
16/07/2025 Ekintzailetza

Konexio: “Gure helburua da erakundeei nazioarteko talentua aurkitzen laguntzea eta prozesu osoan laguntzea”

Bizkaiko enpresak irtenbidea ematen dio tokiko profesionalak aurkitzeko zailtasunari, eta profilak beste herrialde batzuetatik lekualdatzea errazten du.

Eusko  Jaurlaritza  sozietate  publikoen  digitalizazioa  hobetzeko  soluzio  berritzaileak  dituzten  startupen  bila  dabil
15/07/2025 Up Euskadi

Eusko Jaurlaritza sozietate publikoen digitalizazioa hobetzeko soluzio berritzaileak dituzten startupen bila dabil

BIND GovTech ekimenaren hirugarren deialdia abuztuaren 4ra arte egongo da zabalik. 

Seinalek  enpresei  beren  informazioa  edozein  mehatxuren  aurrean  babesten  laguntzen  die
08/07/2025 Zibersegurtasuna

Seinalek enpresei beren informazioa edozein mehatxuren aurrean babesten laguntzen die

20 urte baino gehiagoko esperientziarekin, Seinale zibersegurtasunean eta Zuzenbide Digitalean espezializatutako konpainia gisa finkatu da

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.