Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 23 Azaroa, 2023 Ekintzailetza Up Euskadi Start up

CERN-Suiza: Design The Future lantegiaren beste edizio bat

Jarduera hori INIZIA Araba Campus programaren barruan dago. Programa hori, bada, Arabako Enpresa eta Berrikuntza Gunearekin (BIC Araba) lankidetzan egiten da.
CERN Inizia Bic Araba EHU-UPV

Design The Future (Terraforming) lantegiari esker, INIZIA Araba Campus  – UPV/EHUko hamabi ikaslek aukera paregabea dute Genevan (Suitza) Ikerkuntza Nuklearrerako Europako Erakundearen (CERN) erronketan parte hartzen duten ikertaldeen eguneroko lanarekin bat egiteko. Hautatutako pertsonak Arabako Campusean matrikulatuta daude edo, Gasteizen helbideratuta egonda, UPV/EHUren beste campus batzuetan daude matrikulatuta.

Hautatutako ikasleek, seina emakumezko eta gizonezko,  astebete igaroko dute CERNen, unibertsitate kolektiboaren eta ikerketa zentro horretako komunitate zientifikoaren artean sinergiak ezartzeko. Egonaldian, ikasleentzako prestakuntza jarduerak sustatuko dira, planetaren jasangarritasunean gaur egun eta etorkizunean eragin positiboa izango duten ideiak eta proiektuak sortzeko beharrezko tresnak emango dituztenak.

Ikasleak agurtzeko ekitaldian parte hartu dute Manoli Igartua UPV/EHUko Arabako Campuseko errektoreordeak eta Leyre Madariaga Eusko Jaurlaritzako Eraldaketa Digitaleko eta Ekintzailetzako zuzendariak. Haiekin batera izan dira Amaia Echeverría, Espainiako Zientzia Industriaren Elkartekoa (INEUSTAR), David Montero de la Torre, BIC Arabako zuzendaria, Mireia Martínez, Ekintzailetza Teknikaria BIC Araban, eta Amaia Calleja, UPV/EHUko Arabako Campuseko Ekintzailetza eta Transferentziako zuzendaria.

Arabako Campuseko errektoreordeak aipatu duenez, “esperientziazko ikaskuntzako programa berritzaile honek aukera paregabea eskaintzen du mundu mailako erreferentziazko ikerguneetako bat ezagutzeko eta ikertzaileen eskutik ikasteko”.

Manoli Igartuak gaineratu duenez, “nazioartekotzeko esperientzia intentsiboa bizitzeaz gain, hainbat gaitasun garatuko dituzte parte hartzaileek, hala nola pentsamendu kritikoa, sormena, arazoen konponketa, berrikuntzarako eta ekintzailetzarako gaitasuna; lanbide esparru guztietan balioetsitako trebetasunak, XXI. mendeko erronka globalei aurre egiteko funtsezkotzat jo direnak”.

 

Zibilizazio jasangarria

Lantegiaren beste alderdietako bat da ekintzailetzako ideia eta proiektu berritzaileak lantzea, irtenbide teknologiko jasangarriak eta ekonomia zirkularrarekin eta jasangarritasunarekin lotutakoak emango dituztenak. Horretarako, teknologiak etorkizuneko agertoki batera estrapolatuko dira, Terra izeneko beste planeta batean zibilizazio jasangarri bat ezartzeko, eta, ondoren, atzera egin eta gure planetan ditugun erronkei aurre egiteko ikaskuntzak eta irtenbide posibleak aplikatzeko.

CERNen programak dioen bezala: “Gizateriak, etorkizunean, gure pentsamendu arketipo tradizionalak ordezkatu eta ikuspegi ez-lineal eta sistemikoak hartu behar ditu. Horrela, ez beste edonola, diseinatu ahal izango ditugu gure planetak hurrengo hamarkadetan izango dituen erronka izugarriei ahalik eta gehien aurrea hartuko dieten agertokiak”.

Jarduera hori INIZIA Araba Campus programaren barruan dago. Programa hori, bada, Arabako Enpresa eta Berrikuntza Gunearekin (BIC Araba) lankidetzan egiten da, eta ekintzaileak sustatzea, aholkatzea eta laguntzea du helburu, baita unibertsitate komunitatearen barruan enpresa berritzaileak eta oinarri teknologikokoak sortzea ere.

 

Lotutako albisteak

4YFN Basque Tek Ventu 27 otsaila, 2024 Azpiegiturak
Eusko Jaurlaritzak eta SPRIk “deeptech” startupen sorrera babesteko Basque Tek Ventures ekimena aurkeztu dute Mobile World Congress biltzarrean
Irakurri gehiago
Energy Tech Summit Bilbao 27 otsaila, 2024 Ekintzailetza
Ekintzailetzari eta Arrisku Kapitalari buruzko Europako kongresurik handiena Bilbon egingo da BBVAren eskutik
Irakurri gehiago
23 otsaila, 2024 Ekintzailetza
Eusko Jaurlaritzak 11 proiektu teknologiko babestu ditu Basque Tek Venture programaren lehen edizioan; proiektu guztiak dira fakturazio- eta enplegu-sortzaile handiak
Irakurri gehiago
Wake Up Euskadi 23 otsaila, 2024 Ekintzailetza
Wake up! Albiste ekintzaile batzuk sarean
Irakurri gehiago
22 otsaila, 2024 Digitalizazioa
Ideolabek adimen artifiziala eta diseinua lotzen dituen proiektu berritzailea abiarazi du
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak