Bizkaiko Foru Aldundiaren V. Inbertsio Foroan Bizkaiko 8 startupek 61 euren proiektuak aurkeztu dituzte inbertitzaileren aurrean
Bizkaiko Foru Aldundiak, Beaz-en bitartez eta Seed Capital Bizkaia-rekin lankidetzan, Bizkaia Inbertsio Foroaren bosgarren edizioa ospatuko du, BAT B Accelerator Tower-en. Lurraldean erreferentziazko topaketa da, hazteko ahalmen handia duten startupak finantzatzeko aukera bultzatzeko
Edizio berri honek zortzi startup hautatu eta proiektu berritzaileak, eskalagarriak eta hazkunde-fasean daudenak ezagutzeko interesa duten 61 inbertitzaile (business angels, funtsa, corporate venturing eta inbertsio-sozietateen artean) bilduko ditu.
2020an sortu zen Foroa funtsezko hitzordu gisa finkatu da Bizkaian kultura inbertitzailea indartzeko eta ekintzaileen eta inbertitzaileen arteko balio-loturak bideratzeko. Bost urteko ibilbidearen ondoren helburua Bizkaia startupetan inbertitzeko helmuga erakargarri gisa eta berrikuntzan eta ekintzailetzan ekosistema sendo moduan kokatzen jarraitzea da.
Aurten parte hartu duten enpresak euren izaera berritzaileagatik, eskalagarritasunagatik eta hazteko potentzialagatik aukeratu dira. Pitchpubliko batean euren proiektuak aurkeztuko dituzte, eta, ondoren, euren jarduera-bertikalean interesa duten inbertitzaileekin egingo dituzten bileretan parte hartuko dute.
Zortzi startupak hauek dira:
– Boxify: merchandising korporatiboaren kudeaketa globalerako plataforma integrala, ekoizpena, pertsonalizazioa, inbentarioa eta nazioarteko bidalketak biltzen dituena.
– CodeContract: blockchain eta adimen artifizialean oinarritutako SaaS (software as a service) plataforma, hornidura-katean datuak modu proaktiboan biltzeko prozesu arautuak gauzatzeko.
– From Lab to Field: kirol-nutrizioko soluzioak, zientzian eta bioteknologian oinarrituak, ikerketa errendimendu handiko produktu funtzional bihurtuz.
– Giideba Salud: produktu mediko berritzaileak immobilizatutako pertsonengan zauriak prebenitzeko, SkinKeeper, % 100eko eraginkortasun klinikoa duen ehungintza adimenduna, barne.
– Kinergy Fuel Cell: PEM (20-100 kW) erregai-pilen sistema osoak industria-mugikortasunerako eta off-grid aplikazioetarako, plaka bipolarretan berezko teknologiarekin eta FCCU kontrolarekin.
– Odei: Stockholm Bypass bezalako azpiegitura handiak kontrol operatibo errazarekin eta denbora errealean monitorizatzeko eraikuntza-proiektuen kudeaketa integralerako plataforma.
– Quanvia: Bio-Quantum Reader, NV Centers-en oinarritutako plataforma kuantikoa, gaur egungo probak baino 1.000 aldiz sentsibilitate handiagoa duten biomarkatzaile proteikoak detektatzeko.
– RunMatch: running esperientzialaren sare sozial globala, entrenamendua, nutrizioa, bidaiak eta komunitatea biltzen dituena, korrikalariak erritmoaren, adinaren eta kokapenaren arabera konektatzeko
61 inbertitzaile
Foroan 61 agente inbertitzailek hartuko dute parte, honela banatuta:
– 31 business angels.
– 5 corporate venturing.
– 14 inbertsio-funts.
– 11 inbertsio-sozietate.
Partaidetza handi honek erakusten du inbertsio-sektoreak gero eta interes handiagoa duela Bizkaian sortzen ari diren proiektuekiko, eta topaketa honek konexio- eta aukera-espazio gisa eskaintzen duen balioa.
Ekintzailetza aurreratuaren bultzatzaile Bizkaian
V. Inbertsio Foroa Bizkaiko Foru Aldundiak ekosistema ekintzailea indartzeko, talentua garatzeko eta enpresa-sare lehiakor, berritzaile eta joera globalekin konektatua finkatzeko duen konpromisoaren parte da.
