Bizkaia Park Abentura: Gueñesen dago ipar zonaldeko indoor aisialdi parke handiena

3.000 metro koadro inguruko azalera batean, altuerako ibilbideak, tirolinak, jolas-guneak eta tailerrak eskaintzen dira 1-15 urte bitarteko haurrentzat. …
-

Sprilur-ek bere babesa eman zion 2016an Gueñeseko Arangoiti industrialdean kokatutako instalazio honi.

 

Etxeko txikienen urtebetetze ospakizunak, egun osoko abenturaldiak familian, kanpaldiak opor garaian, txango hezitzaileak eta talde-txangoak… horra Gueñeseko Bizkaia Park Abentura parkean egin daitezkeen plan batzuk. Enkarterrietan kokatua, 2.800 metro koadroko instalazio hau ipar zonaldeko haurrentzako aisialdi parke handiena da eta sektoreko erreferente bat Estatu osoan.

Enpresa ekimen honen giltzarria da elkarrekin uztartzen dituela aisialdiko jarduerak eta jarduera hezitzaileak. Aisialdi ludiko-hezitzailea eskaintzean balore horiek lehenesten ditu, entretenitu eta dibertitzeaz gain, txikienen (1-15 urte) sormena, kiroltasuna eta garapen psikomotorra sustatzen duten ekintzak proposatuz.

Bizkaia Park Abentura 2016an sortu zen, beren negozio-plan berria berme guztiekin ostatatuko zuen ingurune natural eta jasangarri bat bilatu nahian. Gueñeseko Arangoiti industrialdeak ezaugarri horiek guztiak betetzen zituen, izan ere, sasoi hartan Sprilur-ek (Lurzorua kudeatzeko Eusko Jaurlaritzaren sozietate publikoak, SPRI Taldean integratua dagoenak)  bukatu berriak zituen enpresa-gune horretako  eraberritze eta birgaitze lanak. Hala, hasiera eman zioten beren enpresa-proiektuari, eta zazpi urteren buruan gainditzen ari dira COVID-19 pandemiaren ondorio sozioekonomikoak.

Hala dio bere zuzendari nagusiak, Adrián López Sarachagak: “aurre egiten ari gara helburu berriei eta enpresa-erronka ilusionagarriei, adin-tarte guztietarako elkarreragin, bizikidetza eta berraktibazio sozialeko jarduerak eskainiz. Pandemiaren kausaz isolamendu sozialean iragan ditugun urteen ostean, sektorea suspertzen ari da eta espektatiba onak ditugu”.

 


Nola, noiz eta zergatik sortu zen Bizkaia Abentura Park?

Gueñesen sortu zen 2016an. Eskualdeko hainbat bazkidek bultzatutako ideia bat izan zen, aisialdia sustatzeko inguru honetan eta aisialdi parkeen arloan erreferente bat izateko Euskadin.

Sustatzaile guztiak gara Enkarterrietako herritarrak, eta iruditu zitzaigun toki egokia zela, Enkarterrien erdian, inguruko biztanle guztiak arazorik gabe etor zitezen.

Sprilur-ek gune berrituak zituen Gueñeseko Arangoiti enpresa-gunean eta, gainera, ondoan dauka Bilbora doan saihesbidea eta autobidetik Bizkaiko beste eskualde batzuetara daramana.

 

Zein biztanleria-segmentu edo kolektibori zuzenduta dago? Zenbat erabiltzaile dituzue?

Parkeak 300 lagunentzako lekua dauka eta 1-15 urte bitarteko seme-alabak dituzten familiei zuzenduta dago, egun zoragarri bat igaro dezaten elkarrekin, eta helduek ere posible dute abentura-gunera sartzea umeekin batera.

Asteburuetan 2.000 erabiltzaile inguru hartzen ditugu, batez beste, txikiak eta helduak. Zabalik egoten gara  ostiraletan (17:00-21:00), larunbatetan (16:00-21:00) eta igandeetan (12:00-20:30).

Parke hau Enkarterrietako toki bisitatuenetako bat da, 100.000 bisitari inguru jasotzen baititugu urtean, pandemiako hilabete luzeetan izan ezik.

Askotan elkarteak etortzen zaizkigu, hala nola APNABIGorabideNaizenAspace, etab. Gure jarduera guztiak eskaintzen dizkiegu (jolas librea, sukaldaritza tailerra eta abentura-gunea),  eta euren premietara egokitzen gara.

 

Badaukazue proiektu edo/eta kolaborazio berririk?

Une honetan teknologia berri bat aztertzen ari gara helduek denbora guztian jakin dezaten non dauden euren seme-alabak parkean. Umeek gailu bat eramango dute eskumuturrekoan, eta gailu horrek esango digu parkeko zein tokitan dauden.

Bestalde, erabaki dugu sare sozialetan partekatzea guri buruzko informazioa eta parkean egiten ditugun jarduera guztiak, eta hainbat influencer-ekin kolaboratzen dugu jende gehiagorengana iristeko.

 

 Oporretan nolako jarduerak eskaintzen dituzue eta zer harrera dute?

Ekainean eta uztailean jarduerak egiten ditugu instalazioetan ikastetxe, elkarte, kirol klub eta era guztietako taldeekin. Baina kanpaldi propioak ere antolatzen ditugu. Lau asteko oporraldiak eskaintzen ditugu, ekaineko azken astean hasi eta uztaileko hirugarren astera arte, eta era guztietako jarduerak proposatzen ditugu: uretakoak, naturakoak, taldeko jolas dibertigarriak eta sormen-tailerrak. Gainera, astean behin gaubeila bat egiten dugu. Txikiek primeran pasatzen dute gurekin, esperientzia paregabea da eurentzat.

Aurten iaz baino askoz erreserba gehiago ditugu. Oso harro gaude ikusirik nola ari garen suspertzen pandemiaren ostean.

Bizkaia Park Abentura 

 

Lotutako albisteak

Grunussek  energia  sortzeko,  transmititzeko  eta  biltegiratzeko  modua  eraldatzen  du
28/08/2025 Ekintzailetza

Grunussek energia sortzeko, transmititzeko eta biltegiratzeko modua eraldatzen du

Berrikuntzak bultzatutako ‘deeptech 'enpresa honek aurrerapen teknologiko eta ekologikoaren abangoardian kokatzen da

Taldekik  biosentsoreak  garatu  ditu  gaixotasunen  diagnostiko  aurreraturako

Taldekik biosentsoreak garatu ditu gaixotasunen diagnostiko aurreraturako

BereMELISA plataformak hamaika aukera eskaintzen ditu azterketa biomolekularrean

70  korporazio  startupen  soluzioen  bila  BIND  Corporaten,  Eusko  Jaurlaritzaren  ekimenean
25/08/2025 Ekintzailetza

70 korporazio startupen soluzioen bila BIND Corporaten, Eusko Jaurlaritzaren ekimenean

Programan izena emateko epea irailaren 5era arte dago zabalik eta Partner enpresentzako proiektuak, mentoringa eta ekintzailetza eta berrikuntzako ekosistemarekiko konexioa hartzen ditu barne.

Ekintzailetza  berritzaile  onena  aitortzen  duten  Top101  Sarietarako  epea  zabalik  dago
29/07/2025 Ekintzailetza

Ekintzailetza berritzaile onena aitortzen duten Top101 Sarietarako epea zabalik dago

Hautagaitzak irailaren 23ra arte aurkez daitezke

Euskadiko  Parke  Teknologikoa  Bilbora  iritsi  da

Euskadiko Parke Teknologikoa Bilbora iritsi da

Imanol Pradales Lehendakariaren hitzetan, Euskadiko lehen hiri-campus teknologikoaren lehen eraikina eraikitzeak euskal industria-eredua sendotzeko balioko du, eredu horrek “ezagutza aurreratuan, manufaktura-kulturan, jasangarritasunean, garapen teknologikoan eta balio erantsiko jardueretan oinarritzen du bere lehiakortasuna”

Metal78  enpresa,  Zumarragako  Arcelorreko  eremua  berreskuratzeko  aurrerapausoaren  adibide

Metal78 enpresa, Zumarragako Arcelorreko eremua berreskuratzeko aurrerapausoaren adibide

Enpresa hori ezartzea Zumarragako Arcelor fabrika zaharrean industrialdearen berroneratze- eta berregokitze-prozesu integralaren baitan kokatzen da; Eusko Jaurlaritzak 25 milioi euro inbertituko ditu

Konexio:  “Gure  helburua  da  erakundeei  nazioarteko  talentua  aurkitzen  laguntzea  eta  prozesu  osoan  laguntzea”
16/07/2025 Ekintzailetza

Konexio: “Gure helburua da erakundeei nazioarteko talentua aurkitzen laguntzea eta prozesu osoan laguntzea”

Bizkaiko enpresak irtenbidea ematen dio tokiko profesionalak aurkitzeko zailtasunari, eta profilak beste herrialde batzuetatik lekualdatzea errazten du.

Eusko  Jaurlaritza  sozietate  publikoen  digitalizazioa  hobetzeko  soluzio  berritzaileak  dituzten  startupen  bila  dabil
15/07/2025 Up Euskadi

Eusko Jaurlaritza sozietate publikoen digitalizazioa hobetzeko soluzio berritzaileak dituzten startupen bila dabil

BIND GovTech ekimenaren hirugarren deialdia abuztuaren 4ra arte egongo da zabalik. 

Lemoizko  zentral  zaharraren  inguruko  lurretan  aparkaleku  publiko  bat  egitea  aztertzen  ari  da  SPRILUR
14/07/2025 SPRILUR

Lemoizko zentral zaharraren inguruko lurretan aparkaleku publiko bat egitea aztertzen ari da SPRILUR

200 ibilgailu arteko aparkaleku publikoa egitea bideragarri ote den jakin nahi du Sprilurrek, Lemoizko Udalarekin egindako akordio eta konpromisoei erantzunez

Eusko  Jaurlaritza  aurrera  doa  Fundifes  orubearen  berreskurapenean,  modu  berritzaile  eta  iraunkorrean,  Durangoko  Udalarekin  lankidetzan
11/07/2025 SPRILUR

Eusko Jaurlaritza aurrera doa Fundifes orubearen berreskurapenean, modu berritzaile eta iraunkorrean, Durangoko Udalarekin lankidetzan

Jarduera aitzindaria da, onddoekin mikorremedia bezalako teknologia jasangarrietan oinarritua.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.