Bermeo Tuna World Capital-ek, InnovaTUNA lehiaketa berria abiaraziko du
Nola lagundu arrantza sektorearen legez kanpoko arrantza eta laneko abusuak murrizten? Erronka horri erantzun nahi dio Bermeo Tuna World Capital (BTWC) elkarteak abiarazi berri duen InnovaTUNA lehiaketa berriak, irtenbide berritzaileen bitartez.
Ideia-lehiaketa planteatutako erronkari erantzuteko prest dagoen edozein pertsonari edo talderi zuzenduta dago (taldea, enpresa, startupa). Parte-hartzaileek 2022ko urtarrilaren 31ra arte izango dute beren proposamenak aurkezteko aukera. Horretarako, arrantza-sektoreko, arrantza-kudeaketa iraunkorreko eta kontsumitzailearen portaera, giza eskubideak eta lan-arloko legeria bezalako arloetako adituen laguntza izango dute. Aditu horiek parte-hartzaileak orientatuko dituzte, eta haien soluzioa zuzentzen eta zalantzak konpontzen lagunduko diete.
InnovaTUNAren proposamen irabazleak 10.000 euroko saria jasoko du, hau da, 5.000 euro eskudirutan eta mentoring-zerbitzu bat 6 hilabeterako (60 ordu guztira), aurrez aurrekoa edo online izan daitekeena, bere negozio-eredua, beste 5.000 eurotan balioetsita.
Aurrez izena emateko epea 2021eko abenduaren 17an hasi eta 2022ko urtarrilaren 28an amaituko da, eta konponbideak 2022ko abenduaren 17tik urtarrilaren 31ra bidali ahal izango dira. Informazio gehiago INNOVATUNAren webgunean.
Legez kanpoko 11 eta 26 milioi tona arrain artean
InnovaTUNA lehiaketak gaur egun arrantzaren sektoreak aurre egin behar dion erronka handi bati erantzun nahi dio, Europan sartzen den arrainaren % 15 legez kanpoko jardueretatik datorrela uste baita.
“Urtero legez kanpo harrapatzen dira mundu osoan 11 eta 26 milioi tona arrain, eta horrek 10.000 eta 23.500 milioi USD arteko galerak eragiten dizkio munduko ekonomiari”, Ignacio Serrats BTWC elkarteko presidenteak azpimarratu duenez.
Gainera, harreman estua dago INDNR arrantza-jardueren (legez kanpokoa, aitortu gabea eta arautu gabea) eta giza eskubideen abusuen artean.
“Beste sektore batzuetan bezala, beharrezkoa da itsasoan lan egiten duten pertsonek gizarteratzea eta berdintasuna, giza eskubideen errespetua eta lan-baldintza seguru eta txukunak bermatuko dituzten gizarte- eta lan-estandar duinen pean egitea. Hala ere, askotan, itsasgizonak eta arrantzaleak beste edozein industriatan onartezinak izango liratekeen baldintzetan lan egitera behartuta egoten dira”, Serratsek nabarmendu duenez.
Horregatik guztiagatik, balio-katearen azken katebegiak, kontsumitzaileak, jakin behar du zer inplikatzen duen eskuratzen dituen produktuen balio jasangarriak eta propietateek, eta zer mehatxu dakarren itsas baliabideen erabilera iraunkorrerako eta kontserbazio-helburuetarako, bai eta munduko ozeanoetan eta beste ekosistema urtar batzuetan, merkataritzan eta kostaldeko komunitateetan eragiten dituen funtsezko ondorio negatiboak ere. Horrek eragin zuzena du kontsumitzailearen erosteko erabakian, gero eta arduratsuagoa eta zorrotzagoa baita bere erosketa-portaeretan.
InnovaTUNA Bermeo Tuna World Capital (BTWC) elkarteak antolatutako ekimen berri bat da, Bermeoko Udalaren, Itsasgarapen Elkartearen eta Urdaibaiko biosferaren erreserbaren laguntzarekin. Ekimen horren helburua talentua sustatzea eta produktu eta zerbitzu berriak garatzeko potentzial handia duten ideia berritzaileak sortzea da, atunaren balio-katea iraunkortasunaren inguruan lerrokatzen laguntzeko, ikuspegi oso batetik, eta sozioekonomikoki sektorea garatzen laguntzeko.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza