Araba Ekinean 2022ko saridunak: Carlos Delclaux eta Inalia

Araba Ekinean ekimenaren helburua da lurraldean espiritu ekintzailea sustatzea eta honako hauek antolatzen dute: Gasteizko Udalak, Arabako Foru Aldundiak, Eusko Jaurlaritzak SPRI Taldearen eta BIC Arabaren bidez, eta Vital Fundazioak. Ekimenak, Ekin Dayren baitan, gaur banatu ditu urteko sariak, Arabako gizartean aberastasuna sortu duten eta sortzen jarraitu duten pertsona eta proiektu ekintzaileen ibilbidea aitortzea xede dutenak.

Aurtengo edizioan, Arabako Teknologia Parkean kokatuta dagoen Inalia startupak eskuratu du Araba ekinean saria. Enpresa horrek mekanika, instrumentazioa eta datuen azterketa bateratzen ditu gero hainbat sektoretan (berriztagarrietan, besteak beste) aplikatu ahal izateko.

Bestalde, Ekintzaile Handia sariaCarlos Delclauxek, Vidrala enpresako presidenteak, eskuratu du. Vidrala lurraldeko enpresa nagusietako bat da, Laudion dago eta beiraren sektorean mundu mailako erreferentea da.

Gasteizko alkateak, Gorka Urtaranek, eta Arabako diputatu nagusiak, Ramiro Gonzálezek, Europa jauregian banatu dituzte bi sari nagusiak. Zeremoniaren hasieran, ‘Zure ideiak balio du’ XVIII. Lehiaketaren proiektu irabazleak zein diren iragarri dute.

Vidrala, Ekonomia zirkularrean erreferentea

Carlos Delclaux Vidralako Administrazio Kontseiluko presidentea da 2002tik. Deustuko Unibertsitatean ekonomia- eta enpresa-zientziatan lizentziatua, bere ibilbide profesionala BSN Gervais Danone beira-industriako multinazionalean hasi zuen. Gero, bankuen sektorera igaro zen. Kontseilaria izan da hainbat konpainiatan. Vidralako presidente lanean, emaitza bikainak lortu ditu.

Laudioko enpresak gaur egun 3.500 langile baino gehiago ditu hainbat herrialdetan banatutako fabrikatan lanean, eta urtean beirazko 7.000 milioi ontzi baino gehiago produzitzen ditu. Fakturazioa 1.000 milioi euro baino gehiagokoa da. Vidrala ekonomia zirkularraren arloan erakusgarri eta erreferente bihurtu da beiraren bizitza baliagarria luzatzen jarraitzeko birziklatutako beira aprobetxatzen duelako. Ekintzaile Handia saria bere ibilbide osoari eta lurraldearekiko konpromisoari egindako aitorpena da. 2012an, Carlos Delclauxek urteko euskal enpresaburua aitorpena jaso zuen.

Araba Ekinean Sarai

Etorkizun oparoena duen ibilbide ekintzaile gaztea aitortzen duen Araba Ekinean saria Inaliak, pandemiaren erdi-erdian Alex Anda eta Jaime Fernández ingeniariek sortu zuten Gateizko start up gazteak, eskuratu du. Bi urte eskasetan, aitorpen esanguratsuak lortu ditu: Cern2B saria, BIND 4.0n parte hartzeko aukera edo ‘Gasteiz laborategi-hiria’ programarako aukeratu izana, besteak best’.

Hain zuen ere, iaz Araba Ekinean ekimeneko ‘Zure ideiak balio du’ XVII. Lehiaketako kategoria industrialean garaileak izan ziren. Inalia mekanika, instrumentazioa eta datuen azterketa bateratzen dituen eta era askotako sektoretarako aplikazioak prestatzen dituen enpresa da: energia berriztagarriak, industria 4.0, osasuna, obra zibila edo ekipo-ondasunak, besteak beste.

‘Zure ideiak balio du’ lehiaketa

Ekin Day ekimenean, gainera, ‘Zure ideiak balio du’ XVIII. Lehiaketako maiatzaren 19an, ostegunean, ikusleen eta epaimahaiaren aurrean beren proposamenak aurkeztu zituzten 23 finalisten artetik proiektu irabazleak iragarriko dituzte. 45 partaide izan ditu lehiaketak aurten. Hauek izan dira 2022ko edizioko irabazleak:

• Ideia onenarentzako On4u saria: Task app. Ostalaritza-establezimenduen kudeaketa hobetzeko aplikazioa. Diploma eta 500 euro jaso ditu.
• Ekimen jasangarrienarentzako Aclima saria: Lasai lasai. Hirietan paketeak modu jasangarrian kudeatzeko eredua da. Paketeak banaketako korridoreen bidez cargo bike-kin edo ibilgailu elektrikoekin hiriko hainbat eremutara banatu ahal izateko zentro logistikoa sortu du. Diploma eta 500 euro jaso ditu.
• PreZero saria, zerbitzuen sektoreko egitasmorik onenarentzat: Musikagara. Arlo soziosanitario ugaritarako aplikagarria den musikoterapiako zerbitzua. Mendekotasun-egoeratan, aholkularitzarekin eta musikoterapiarekin lotutako saioak, tailerrak eta jarduerak biltzen ditu. Diploma eta 1.000 euro jaso ditu.
• Merkataritzako eta turismoko Gasteiz ON saria: La Cabaña Pottery & Plants.  Osasun fisikoa eta psikikoa sustatzea helburu du Sarrian kokatuta dagoen gune berritzaile honek, Yoga eta pilateseko saioak, zeramikako eta landareekin lotutako tailerrak eta beste hainbat ekintza eskaintzen ditu. Diploma eta 1.000 euro jaso ditu.
• Eroski saria, nekazaritzako elikagaien arloko egitasmorik onenarentzat: Powerfultree. Nekazaritza arloko energia voltaikoaren parkeen sektorean proiektuak garatzen dituen enpresa da. Nekazaritzako ustiategiak eta parke fotovoltaikoak bateratzen dituzte. Diploma eta 1.000 euro jaso ditu.
• Michelin saria, industria arloko egitasmorik onenarentzat: iMet3D. Atzeranzko ingeniaritzako zerbitzuekin indartuta, LMD-WP (Laser Metal Deposition / Wire&Powder) teknologia erabiltzen duten fabrikazio aditibo metalikoko zerbitzuak. Diploma eta 1.000 euro jaso ditu.
• Vital Fundazioa saria, krisialditik irteteko soluzio eraldatzaileentzat: Komedialdia Gasteizen Umorearen Jaialdia garatzea, sektore guztien artean lankidetzarako sarea eratuta. Diploma eta 1.000 euro jaso ditu.
• Metxa sari berezia: Eterrace. Ezpainzapitako adimenduna da eta taberna eta jatetxeetan 50 € baino gutxiagoko enkarguen ordainketa bizkortzea du helburu. Bezeroek enkargua ezpainzapitako horretatik ordaindu ahal izango dute. Bootcamp Metxan erabili ahal izateko doako partaidetza da saria, 4.000 €-an baloratua.
• RPK sari berezia, enpresa arloko eraldaketa sozialekoa: OYE! Orientación y empleo en itinere. Araialdeko orientazio-zerbitzu ibiltaria da eta lan-munduratzeko zailtasun handienak dituzten talde sozialei zuzendutako lan arloko gaikuntzarako prestakuntza-jarduerak eskaintzen ditu. Diploma eta 1.000 euro jaso ditu.
• Publikoaren sari berezia: Transportpet. Joan-etorrietan garraiatzeko kutxan doan maskotaren egoera monitorizatu ahal izateko soluzio teknologikoa da. Urrunetik garraioa hobe dezaketen gailuei eragitea ahalbidetzen du. Diploma eta 300 euro jaso ditu.

Bide berriak aztertzen

Ekin Day ekimena 17:00etatik aurrera egin da Araba Ekinean ekimenaren aurtengo edizioaren lelo nagusiaren pean: ‘Emprendetopia. Bide berriak aztertzen’. Hitzorduan, lurraldeetan berrikuntza bultzatzen eta erronka berrien aurrean irtenbide berriak bilatzen ekintzaileek betetzen duten rola aitortzen saiatu dira.

Topaketa hura antolatu duten lau erakundeetako ordezkariek inauguratu dute. Hasteko, Ibon Anterok, Mondragon Taldearen (hori da ekiteko modu berriak bilatzen aktiboenetako bat) eraldaketa sozialeko ekintzen koordinatzaileak, eta Isabel Mellén arabar ekintzaileak, artearen historian eta filosofian espezializatutako ikerlari eta dibulgatzaileak, hitzaldi bikoitza eskaini dute. Ondoren, Arabako enpresen panela egin da eta akatsak ere hobetzeko aukera direla erakusteko, haien ekintzailetza-ibilbidean egin dituzten akats guztiak partekatu dituzte bertaratutakoekin. Gai horiek izan dituzte hizpide honako hauek: Meteo for Energy, Madariaga Studio, Intergaiak eta Device Sistemas.

Topaketa amaitzeko, Arabako ekintzaileen arteko elkarrizketa oso berezia egin dute. Bertan izan dira María Unceta-Barrenechea, María Duol kosmetika-markaren sortzailea; Ruth Brito, atleta eta ekintzailea; Manu Muñoz, berrikuntzaren eta osasunaren arloan etorkizun oparoena duen eta duela gutxi Miñaoko bere egoitzan 20 milioi euro baino gehiagoko inbertsioa egin duen enpresetako bateko, I+MEDeko, CEOa; eta Josu Sánchez, Mulixka Dantza Elkarteaneko zuzendaria.

Noticias relacionadas

Albisteak 27 iraila, 2022 Ekintzailetza

Glucovibesek glukosa-mailak zehaztasunez neurtzeko gai den app bat sortu du

Irakurri gehiago

Elkarrizketak 26 iraila, 2022 Ekintzailetza

Insekt Label: “Gaur egun elikagaiak ekoizteko eta kontsumitzeko moduak ez du zerikusirik izango 5-10 urtetan izango dugun moduarekin”

Irakurri gehiago

Albisteak 26 iraila, 2022 Ekintzailetza

Silver Economy Call lehiaketako bi startup irabazle BerriUpen azelerazio programarekin bat egiten dute

Irakurri gehiago

Albisteak 22 iraila, 2022 Ekintzailetza

Wake up! Albiste ekintzaile batzuk sarean

Irakurri gehiago

Albisteak 22 iraila, 2022 Ekintzailetza

Euskadiko Gazteriaren Europako lehen Gailurrera

Irakurri gehiago

Joan blog-era