Euskal enpresentzako laguntzak. ¡Sartu!
Onlineko jardunaldiak euskal enpresarentzat. Aurkitu zure ekitaldi birtuala.
Euskal enpresentzako laguntzak. ¡Sartu!
Onlineko jardunaldiak euskal enpresarentzat. Aurkitu zure ekitaldi birtuala.
Enpresa askok beren produktuak edo zerbitzuak saltzeko dituzten oztopoetako bat hurrengoa da: ezin da egiaztatu bezeroek beren adinari dagokionez legezko baldintzak betetzen dituzten ala ez. 18 urte ez izateak esan nahi du ezin dela Interneteko plataforma jakin batzuetara sartu, ezin dela online erosketarik egin edo ezin direla produktu jakin batzuk erosi. Kasu batzuetan, oztopo horiek alde batera uztea bezain erraza da jaiotza-data faltsu bat sartzea edo adin nagusiko pertsona baten informazioa ematea; horrela, faltsutze-delitu bat edo nortasun-lapurreta bat eman daiteke.
Brave Corporation enpresa gasteiztarra 2019ko otsailean sortu zen, produktu oso arautuak (alkohola, tabakoa edo apustuak) merkaturatzen dituzten enpresen bezeroak identifikatzeko soluzio teknologiko bat eskaintzeko xedearekin. Zehazki, bere erronka Shield garatzea izan da, adimen artifizialean oinarritutako softwarea, ikusmen artifiziala erabiltzen duena, aurpegiaren analisia egiteko eta bezeroaren adina identifikatzeko. Javier Gutiérrez Brave Corporationeko CEOak azaldu duenez, “gaur egun merkatuan dauden adina egiaztatzeko sistema gehienak dokumentuen kudeaketan oinarritzen dira. Interneteko plataforma horietako batean erregistratuko zaren bakoitzean, zure NANa edo pasaportea eskatzen dizute, eta formulario oso luze bat bete behar duzu, datu pertsonal oso kritikoekin. Kontsumitzaile askok ez dute nahi informazio pertsonal hori partekatzea. Gure ustez, inork ez du jakin behar zer erosten duzun edo nora sartzen zaren: ez zerbitzuak kontratatzen dituzun enpresak berak, ez zure bankuak, ez inork. Digitalizazioa eskaintzen dugu prozesuak sinplifikatzeko”.
Hori lortzeko, ‘Shield’ -i esker, erabiltzaileak selfie bat atera besterik ez du egin behar, beste datu pertsonalik gabe, eta softwareak bere aurpegiko ezaugarriak aztertzen ditu, bere adina zehaztasun “oso altuarekin” ezartzeko. “Une horretatik aurrera, erabiltzailea heldua den zehazten dugu, nor den jakin gabe, bere datu pertsonalak, izena eta adina ezagutu gabe. Hori ez zaigu interesatzen. Badakigu heldua dela, eta, orduan, erabiltzaile horrek nahi duen produktura edo edukira sartzeko aukera izango du”, azaldu du Saioa Arrizabalaga enpresako CMOak.
Adimen artifizialeko tresnen bidez irudiak erabiltzeko edo aztertzeko orduan polemika gehien sortzen duen gaietako bat da zer erabilera ematen zaion informazio horri. Brave Corporationek ziurtatzen du biltzen dituzten datu eta informazio guztiak ez direla biltegiratzen eta ez direla merkaturatzen. “Jende askok esaten digu, ‘Zuek aurpegi-errekonozimendua egiten duzue’, baina ez dugu aurpegi-errekonozimendurik egiten. Guk aurpegiko analisiak egiten ditugu. Aurpegiaren azterketa egingo bagenu, aurpegien datu-base bat izango genuke, eta hori ez da horrela. Gainera, ez dugu informaziorik partekatzen enpresekin. Guk pertsona horrek sartzeko adin egokia duela egiaztatzen dugu”, zehaztu du Gutierrezek.
Horrelako programa batek sortzen duen beste zalantza bat da bere zehaztasuna ehun-ehunekoa den. Zer fidagarritasun du analizatzeko pertsona batek 18 urte dituela eta ez 17 edo 19. “Ikusmen artifizialak ez du giza begiak bezala funtzionatzen. Aurpegiko hainbat puntu eta beste faktoreak aztertzen ditu, giza begi arrunt batentzat ikus ezinak direnak. Zehaztasun-ehuneko hori % 99ra iristen da 28 urtetik gorakoak identifikatzerakoan. Eraginkortasun hori lortzeko gutxieneko adina jartzen dugu kontrol moduan. Enpresa batek eskatzen badigu ez duela nahi bezerorik galtzea, nahiz eta adingaberen bat izateko arriskua izan, bigarren egiaztapen proba izan beharko du, horrek dakarren eragozpenarekin. Edonola ere, oraintxe bertan, dokumentuen eta formularioen bidez adina egiaztatzeko dauden sistemekin, prozesua hasten duten erabiltzaileen % 93k bukatu gabe uzten dute. Gure sistemarekin bezero posibleen ehuneko txiki bat baino ez da galtzen”, azpimarratu du CEOak.
Ikusmen artifizialean oinarritutako adina ezagutzeko soluzio horrez gain, Brave Corporationek bere kriptomoneta ere garatu du, Blockchainen oinarritua, Brave Token izenekoa. “Dagoeneko 20.000 erabiltzaile baino gehiago ditugu mundu osoan, kaleratu zenetik bi hilabete eskasera. Enpresek ordainketa anonimoak eta egiaztatuak jaso ahal izatea ahalbidetzen du, datu pertsonalak ezagutu gabe. Ez zaigu interesatzen zer erosten duen, baina ‘Shield’ -ekin lotuta, enpresak jakingo du adinez nagusia den ala ez. Gure ustez, etorkizuna espezializazioa izango da, eta txanpon eta kriptomoneta mota jakin batzuk erabiliko dira, lan jakin bat beste batzuek baino hobeto egiteko. Adibidez, Brave Tokenek inork baino hobeto egiten du ordainketa kualifikatu bat egiteko lana, adina egiaztatuta. Beste kontu korronte bat eduki gabe hipoteka bat kontratatzeko aukera emango dizuten beste batzuk egongo dira, edo beste gauza batzuk egiteko aukera emango dizuten beste batzuk. Gure bereizgarria adina egiaztatzeko zerbitzua da”, azpimarratu du Saioa Arrizabalagak.
Arabako enpresak aurtengo uztailean jaso zuen Eusko Jaurlaritzako Ekonomiaren Garapen eta Azpiegitura Sailak SPRIren bidez sustatutako Ekintzailea XXI sarietako bat. “Hainbeste denbora daramazunean zure ideiak aurrera egin dezan, garrantzitsuena ez da saria bera, baizik eta lana behar bezala egiten ari zaren aitorpena lortzea, energia iturri ikaragarria da. Jendeak zure ideiaren alde apustu egitea, eta zure ideiaren errentagarritasuna ikusten duen bakarra ez izatea, hau da, beste pertsonek ideiak etorkizuna duela ikustea oso pozgarria da”, azpimarratu du Brave Corporationeko CMOk.
Etorkizunari begira, soluzioa web plataformentzat edo ‘online’ zerbitzuentzat eskuragarri egoteaz gain, sustatzaileen helburua da beste salmenta-gune batzuetara ere iristea, hala nola supermerkatuetako kutxetara edo ‘vending’ makinetara. “Mugikorrarekin ‘selfie’ bat atera ahal izango duzu, gure softwareak irudia aztertuko du eta zure adinaren analisia egingo du. Gero, NFC edo QR kodeak bezalako teknologien bidez, kutxazainarekin edo vending makinarekin konektatuko zara erosketa egin dezakezula egiaztatzeko. Une horretatik aurrera, zure mugikorra zure ordainbide bihurtuko da kriptomonedarekin eta desblokeatzeko bitarteko ‘Shield’ rekin”, Javier Gutiérrezek iragarri duenez.
SPRI Taldeak laguntza integralaren bidez berrikuntza, ekintzailetza eta barne-ekintzailetza laguntzen ditu, ideiak merkatura modu arrakastatsuan irits daitezen. Aurrera, Basque Fondo, Bind 4.0, Ekintzaile edo Barnekintzailetza programen bidez egiten du hori. Informazio gehiago esteka honetan.
Wake up! -ek Komunikabide eta Sareko Blog desberdinek argitaratutako albisteen hautaketa txiki bat...Irakurri gehiago
Partekatu
Enpresa-ideiak garatzeko edo martxan jartzeko ideiak dituzten pertsonek aukera daukate Bilboko...Irakurri gehiago
Partekatu
Arrasateko Amaia antzokian egin da Nazioarteko Ekintzailetza Kooperatiboaren Txapelketaren finala....Irakurri gehiago
Partekatu
FESIA Technology euskal startup bat da. Neuronen giharretan gaixotasunak edota lesioak izan...Irakurri gehiago
Partekatu
Enpresa ekintzaile programa izenburua duen ekimenaren helburua da: enpresetan...Irakurri gehiago
PartekatuEguneroko informazioa, jarduera-sektoreka eta intereseko
hartzeko.
ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.
Interesgarria, ezta?
