Transferentzia teknologikoa mekanizazioa eraginkorragoa izan dadin
IK4-TEKNIKERek eta ONAk bat egin dute, aeronautika, automobilgintza eta energia eolikoa bezalako funtsezko sektoreetako elektroerosio bidezko mekanizazioaren emaitzak hobetzeko
IK4-TEKNIKER euskal zentro teknologikoa eta ONA makineria-fabrikatzailea elkarrekin lan egiten ari dira, aeronautika, automobilgintza eta energia eolikoa bezalako balio erantsi handiko industria-sektoreetan erabiltzen den elektroerosio bidezko mekanizazio-prozesuen (EDM) errendimendua hobetzen lagunduko duten prozedurak garatu ahal izateko.
Sektore horietarako osagaien fabrikazio-prozesuetan, altzairu gogortua, nikela eta titanioa bezalako materialak erabiltzen dira kalitate handiko produktuak sortzeko. Hala ere, produktu hauen ezaugarri espezifikoen eta formen konplexutasunaren ondorioz, ohiko teknologien bidezko transformazio eta mekanizazio lanetan zailtasun handiak gainditu behar izaten dira.
Oztopo hau gaintzeko asmoz, zentro teknologikoak eta fabrikatzaileak elektroerosio bidezko mekanizazio-prozesuen eraginkortasuna hobetzeko proiektua garatzen dihardute, aditibazio selektiboaren bitartez formulatutako fluido dielektriko aurreratuen erabilpenean oinarrituta.
