“Wind Energy Basque Country” standak Euskadiko sektore eolikoko 22 enpresa bildu ditu “Wind Energy Hamburg 2024” azokan
Euskadiko sektore eolikoaren industriak Hanburgora bidaiatu du “Wind Energy Hamburg 2024” azokako erakusketa-gunean bere gaitasun industrialak eta teknologikoak aurkeztera. Azoka hori irailaren 24tik 27ra bitartean izan da. Euskadiko Energia Klusterrak “Wind Energy Basque Country” markapean antolatutako stand bateratuan parte hartu duten 22 enpresak ez ezik, beste 6 enpresa ere bertaratu dira azokara, beren stand propioekin.
Lau egun horietan, Euskadiko balio-kate eolikoaren partaide diren euskal enpresek aukera izan dute nazioarteko merkatuetan beren gaitasun teknologikoa eta lehiakortasuna nabarmentzeko. Euskadiko Energia Klusterrak (EEK) parte hartzen duen hainbat I + G proiekturen balioa azpimarratu du, eta free tour bat antolatu du standetatik Euskadiko balio-kate eolikoa ezagutu nahi duten bisitarientzat. Euskadiko Energia Klusterrak (EEK) bere standa du “INDUSTRY FOR THE WIND ENERGY” mezu nagusipean.
“Wind Energy Hamburg” azoka lurreko eta itsasoko energia eolikoan dago espezializatuta eta bi urtez behin antolatzen da Hanburgon. Azoka horretan, munduan sektoreko liderrak diren enpresek bere produktu berrienak eta konponbide berritzaileenak aurkezten dituzte. Sektoreko segmentu guztietako enpresek parte hartzen dute azokan, hala nola planifikatzaileek, fabrikatzaileek, hornitzaileek, finantzatzaileek, operadoreek eta lurreko eta itsasoko sektoreko zerbitzuen emaileek.
