AEBk muga-zerga berriak jarri dizkie 232 Sekzioko ibilgailu ertain eta astunei
Estatu Batuetako Gobernuak muga-zergen neurri berri bat iragarri du Trade Expansion Act of 1962ren baitan. “Adjusting Imports of Medium- and Heavy-Duty Vehicles, Medium- and Heavy-Duty Vehicle Parts, and Buses Into the United States” (2025-19639 Dokumentua, 2025eko urriaren 22ko Federal Registeren argitaratua) izeneko 2025eko urriaren 17ko presidentearen aginduak muga-zerga berriak ezarri ditu ibilgailu eta osagarri ertain eta arinentzat (MHDV). 2025eko azaroaren 1ean sartuko dira indarrean.
Neurriak % 25eko muga-zerga ezartzen die ibilgailu ertain eta astunei (4 Motatik 8ra bitartekoak eta 3 Motako batzuk) eta haien osagarri garrantzitsuei, hala nola motorrei, transmisioei, pneumatikoei eta txasisei. Autobusek, berriz, % 10eko muga-zerga izango dute —iraganbidekoak, eskolakoak, autokarrak eta antzekoak—.
USMCA hitzarmenetik kanpoko herrialdeetatik Estatu Batuetara inportatutako produktuei edo estatu batuetako eduki txikia dutenei aplikatuko zaie batik bat muga-zerga. Mexikotik eta Kanadatik egindako inportazioen kasuan, T-MECen jatorriaren arauak betetzen ez dituzten produktuek ere % 25eko muga zerga izango dute.
Aginduak halaber, AEBn mihiztatutako ibilgailu ertainen eta astunen guztizkoaren balioaren % 3,75eko konpentsazioa aurreikusten du fabrikatzaile nazionalentzat, muga-zergek inportatutako osagarriengan izango duten inpaktua partzialki arintzeko. Mekanismo hori 2025eko azaroaren 1etik 2030eko urriaren 31ra bitarte egongo da funtzionamenduan eta motorren fabrikazioaren sektorera ere zabalduko da, bai ibilgailu arinentzat, bai astunentzat.
Estatu Batuetako Gobernuak adierazi du % 3,75 dela ibilgailuaren balioaren % 15aren gainean % 25eko muga-zerga aplikatuko balitz ordainduko litzatekeena, hau da, Estatu Batuetako % 85eko edukitik abiatuta. Helburua da tokiko ekoizpena sustatzea eta hornikuntza-kate nazionala indartzea.
Balizko muga-zergak murriztea aluminioarentzat eta altzairuarentzat
Horrez gain, aluminioaren eta altzairuaren gainean egun dauden % 50eko muga-zergak % 25eko minimora murrizteko aukera ere ematen du neurriak, Merkataritzako Idazkariaren irizpidez betiere. Murrizketa hori kasuan kasu ebaluatuko da, AEBren ekoizpen-gaitasunean egiten diren inbertsio berrien arabera, eta T-MEC betetzen duten Kanadako eta Mexikoko ekoizleei soilik aplikatuko zaie. Inportazioak herrialde horietan galdatutako eta iragazitako materialenak (aluminioa) edo galdatutako eta ijeztatutakoenak (altzairua) izan beharko dira.
Inpaktu eta testuinguru sektoriala
S&P Global Mobilityren arabera, 2024an 1.151 autobus bakarrik inportatu ziren AEBra eta 30.054 fabrikatu ziren bertan; hortaz, segmentu horretako inpaktu zuzena txikia izango da. Ibilgailu ertain eta astunen merkatuak esposizio handia du: % 3,4 inguru Kanadatik dator eta % 32 Mexikotik, ibilgailu ertainen segmentuan berriz, Japonia nabarmentzen da.
Neurri horiek berrindustrializazioaren eta etxeko ekoizpenaren estrategia indartzen dute. Konpentsazioaren 2030era arteko hedapenaren asmoa da hornikuntza-kate sendoagoa finkatzeko denbora ematea eta inportatutako osagarriekiko mendekotasuna murriztea.
Inpaktua berehalakoa izan zen: General Motorsek adierazi zuen konpentsazio-mekanismoaren zabalpenak 2025erako aurreikusitako muga-zergen karga murriztuko duela. Gobernuak aurreikusten du motorren fabrikatzaileei eskema handitzeak kostuak murriztuko dituela eta tokiko inbertsioa handituko duela.
Informazio gehiago: Adjusting Imports of Medium- and Heavy-Duty Vehicles, Medium- and Heavy-Duty Vehicle Parts, and Buses Into the United States (Federal Register Doc. 2025-19639)
Zalantzak dituzu?
