Sacytrans enpresak tren bidezko garraio intermodalean oinarritzen da iraunkortasunaren aldeko apustua bermatzeko
1985ean sortu zen Irunen Sacyt aduanetako agentzia gisa. Garai hartan, Gipuzkoatik Europara abiatzen ziren kamioi guztiak nahitaez kontrol bat behar zuten, eta merkantzien zirkulazioaren mugak nabarmenak ziren. Horrela, enpresei laguntzen zien kanpoaldean egindako operazio komertzialetan. 1988an, aduanetako agentzia hura Sacytrans bihurtu zen, zama osoko merkantziak garraiatzeko nazioarteko enpresa. “Bagenekien pertsonen eta ondasunen zirkulazio askea 1993rako aurreikusita zegoela, baina bezero industrial fidelak eta esportatzaileak genituen, eta guk esportazioan esperientzia, horregatik sortu genuen gaur egun Sacytrans dena”, adierazi dute Sofa Isasik eta José Fuentesek, enpresako arduradunek.
Gaur egun, Sacytrans aduanako biltegi izaten jarraitzen du eta aduanetako zerbitzuak eskaintzen ditu ere bai, kanpoko herrialdeetara esportatzen edo inportatzen dituzten bezeroekin lan eginez.
2006an bere egungo instalazioetara lekualdatu zen enpresa: 5.000 m2-ko zentro logistikoa, horietatik 2000 estaliak. Isasiren eta Fuentesen arabera, “leku estrategikoa da, batez ere gure sektorearentzat”. Izan ere, autobidea 500 metrora dago eta tren-geltokia 40 kilometrora. Pabilioia teknologia berrienak ditu, adibidez; garabi-zubi bat eta mota guztietako salgaiak mugitzeko makineria. Gainera, gasolio-instalazio propioa du.
Maiatzean bere 36. urteurrena ospatuko du, eta gaur egun 27 langile ditu bere plantillan. Hiru hamarkada baino gehiagoko ibilbidean, hainbat proiektutan hartu du parte: Balkanetako gerran, 93. urtean, karabana humanitarioekin; Ekialdeko Europan errepide bidezko merkantzia-garraioan; Espainiako merkataritza-gune handienetarako kerosenoaren logistikan; edo, kamioietan garraiatuz, gero etxebizitza jasangarria bihurtuko zena.
Sacytransek siderurgia-sektorearekin egiten du lan batez ere, baina beira, edariak, makina-erreminta, automozioa edo etxetresna elektrikoekin lotutako bezeroak ere baditu.
Tren bidezko garraio intermodala balio erantsi gisa
Sacytrans Atlantikoko ardatzean bobinak kutxa mugikorrekin tren bidezko garraio intermodalaren aldeko apustua egin zuen Euskadiko lehen enpresetako bat izan zen. 1997an, AENORen ziurtagiria lortu zuen, altzairuzko bobinen garraioan eta bobinak eramateko erdi-atoietan espezialista gisa. Sacytranseko gerenteek adierazi dutenez, “esperientzia izan genuen intermodalaren inguruan Bilboko Portuan egin genuen lanarekin. Duela 3-4 urtetik trenbide bidezko intermodala garatzen ari gara, txasis eta kutxa mugikorretan inbertsio berriak eginez”.
Hala, garraio-metodo horrek karbono-aztarna murrizten laguntzen du. Izan ere, Bidasoa Bizirikekin batera, Irungo enpresak Trantsizio Ekologikorako eta Erronka Demografikorako Ministerioan izena ematea lortu zuen. Bere bezeroei aukera ematen die garraio-zerbitzu bakoitzean egiten duten CO2-aren kontsumoa ezagutzeko eta karga hori garraio intermodalaren bidez garraiatuz zenbatekoa konparatzeko.
Jasangarritasunaren eta digitalizazioaren aldeko apustuan, kontratu bat sinatu du Belgikako ZF Transics enpresarekin, flotaren eraginkortasuna optimizatzeko. Horrela, operadoreen lan-karga murrizten da, informazioaren kudeaketa optimizatzen da edo komunikazio-kostuak eta erregai-kontsumoa minimizatzen dira.
Sacytransen etorkizuna garraio intermodala da. Gaur egun, bere proiektua Frantzian eta Belgikan zentratuta dago, baina Alemanian ere hazi nahi du, eta horretarako kolaboratzaile bila dabil. “Benetako liderrak izan nahi dugu garraio jasangarriaren sektorean, eta horretarako lanean jarraituko dugu gaian adituak direnen eskutik”, nabarmendu dute Isasik eta Fuentesek.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
