A&B Laboratorios de Biotecnología-k hirien garbiketa jasangarriena sustatzen du
A&B Laboratorios de Biotecnología-k, sektore profesionalentzako garbiketa eta mantentze-lanetako ingurumen-inpaktu txikiko konponbide bioteknologikoetan espezialista denak, sistema bat garatu du udalei kaleak garbitzeko lanetan efizientzia, segurtasun eta jasangarritasun handiagoa lortzen laguntzeko. Hala, Easy BioSysteme-k, ekonomia zirkularraren printzipioekin eta Ekodiseinuaren Europako araudiarekin bat etorriz, hiriak garbitzeko eredu berri bat sortu du, segurua eta ingurunea zaintzen duena.
Easy BioSystem-ek udal-garbiketa sinplifikatzen du; izan ere, produktu ugari erabiltzearekin lotutako ohiko arazoak konpontzen ditu, gainkostuak, dosifikazio-akatsak eta ingurumen-inpaktu handia saihesten baititu.
Kontzentrazio handiko hiru produktu biologikok osatzen dute sistema, eta haiek hiri-garbiketako premien % 90eraino betetzen dute. Horien garapena A&B Laboratorios de Biotecnología konpainiaren esklusiboa den Enzytec teknologia entzimatikoan oinarritu da, zeinak formulazioetan ohiko produktu kimikoen alternatiba seguru gisa aukeratutako entzimak dituen. Soluzio osoa da, eta, gainera, dosifikazio- eta aplikazio-ekipamenduak ditu. Horrek guztiak aukera ematen du udalerrietan kaleak erraz eta zehatz garbitu, baldez ureztatu eta desodorizatzeko.
“Gure esperientzian, berrikuntzan eta teknologia propioetan oinarrituta, garbiketa-sistema segurua eta ezartzeko erraza sortu dugu, eta horrek baliabideen kudeaketa hobetzen du, pertsonak babesten ditu, hiria zaintzen du eta ingurumen-inpaktua murrizten du”, adierazi du Jon Kepa Izagirrek, A&B Laboratorios de Biotecnología-ko kalitate-zuzendariak.
Easy BioSystem-ek udalei eta herritarrei jasangarritasuna, segurtasuna eta efizientzia uztartzen dituen hiri-garbiketako eredua eskaintzen die. Sistemak arriskuak minimizatzen ditu, produktu kimikoekin kontakturik ez izatea ahalbidetzen baitu, eta, aldi berean, kontsumoak eta kostuak murrizten eta hondakinak gutxitzen ditu.
A&B-ek udalei prozesu osoan laguntzen die: beharrak aztertzen, metodologia hautatzen eta abian jartzen, eta taldeak prestatzen, sistema behar bezala ezar dadin. Sistemak, halaber, zuzenean laguntzen du Garapen Jasangarriko Helburuak (GJH) betetzen eta kontzientzia sortzen garbiketa-eredu arduratsu baten gainean.
Easy BioSystem Municipalian aurkeztuko da laster enpresa beraren beste konponbide batzuekin batera, hala nola uren tratamendurako berariazko instalazioak eta produktuak garbitzeko FastBio sistemarekin.
25 urte teknologia garbietan berritzen
A&B Laboratorios de Biotecnología-k 25 urteko esperientzia du, eta teknologia garbiak erabiltzen ditu, hala nola kimika berdea eta bioteknologia, elikagaigintza, industria eta garbiketa sektoreetarako desinfekzio- eta higiene-konponbideetan. Enpresaren konponbideak erreferenteak dira bere arloan, eta arrakastaz erabiltzen ari dira mota guztietako enpresetan eta udalerrietan.
Enpresaren egoitza nagusia Gasteizen dago; delegazio-sarea du Estatu osoan eta 23 herrialdetan dihardu.
Garapen jasangarriaren aldeko konpromiso sendoa du A&B Laboratorios de Biotecnología-k eta, ondorioz, Lurrerako gizarte- eta ingurumen-inpaktu onuragarriak sortzeko eragile aktibo gisa jarduten du, eta GJHak bere estrategiaren erdian jartzen ditu, bai jarduerari dagokionez, bai produktuen garapenari dagokionez.
Horren araberako aurrerapenek jardunbidean dute isla; izan ere, kalitate-zuzendariaren hitzetan, “erakutsi du jasangarritasuna hazkundearen, berrikuntzaren eta bereizketaren eragile izan daitekeela merkatu globalean”.
Euskadiko lehen ETEa izan da AENORek eman ohi dituen jasangarritasunari buruzko eta GJHei egindako ekarpenari buruzko ziurtagiria lortzen. Enpresaren FastBio gamak Ekodiseinu Saria lortu du Ingurumenaren Biltzar Nazionalean, eta Euskalitek Berrikuntzaren Euskal Saria eman dio konpainiari, Ko-diseinuko jardunbide egokiagatik.
