28 herrialdek parte hartuko dute BIEMH-Makina-Erremintaren Nazioarteko Biurtekoan
28 herrialdetako punta-puntako enpresek dagoeneko baieztatu dute BIEMH-Makina-Erremintaren Nazioarteko Biurtekoan parte hartuko dutela. Ia 1.400 enpresa erakusketari erregistratu dira, azokako paraleloekin batera. Multzo horretan nabarmentzen da atzerriko parte-hartzaileen presentzia hala nola Alemaniatik, Austriatik, Belgikatik, Kanadatik, Txinatik, Hego Koreatik, AEBtik, Finladiatik, Frantziatik, Indiatik, Italiatik, Japoniatik, Portugaldik, Erresuma Batutik, Txekiar Errepublikatik, Suitzatik, Taiwandik edo Turkiatik.
Sektoreen arabera, honela banatuko da eskaintza: harroketako makineria (%22), osagaiak eta osagarriak (%20), automatizazioa eta robotika (%14), deformazioko makineria (%13), tresnak (%12), metrologia eta CAD-CAM (%9), zerbitzuak eta bestelakoak (%10) eta nagusiki. Orain arte, zerrendak 3.400 makina, produktu, zerbitzu eta nobedadetik gora jasotzen ditu. Hortaz, Bilbao Exhibition Centreko pabiloiak abangoardiako erakusleiho bihurtuko dira, soluzio teknologiko aurreratuenekin.
Datuen arabera, aurtengo aurreikuspenak onak dira, eta industriak indartu egingo du ekonomiarako duen funtsezko protagonismoa. Ekainaren 13tik 17ra itzuliko da BIEMH, eta lehen mailako topaketa estrategikoa izango da industria arloa dinamizatzeko, are gehiago, egungo testuinguruaren konplexutasunaren aurrean. B2B tresna izango da harreman komertzial zuzenerako, negozio-aukera ugarirekin.
Gainera, BIEMH azokarekin batera, Addit3D-Fabrikazio Aditiboaren eta 3Dren Nazioarteko Azoka; BeDIGITAL-Industriari aplikatutako Eraldaketa Digitalaren Azoka; IMIC-Industrial Maintenance Innovation Conference kongresua, mantentze prediktibo eta aurreratuari buruzkoa; eta WORKinn-Talent Hub. Azoka horiek guztiek 4.0 industriako ehun osotik egingo dute ibilbidea, eta BEC lehen mailako erakusleiho handi bihurtuko dute.
BIEMH AFM-Advanced Manufacturing Technologies-ek eta Bilbao Exhibition Centrek antolatzen dute, eta Eusko Jaurlaritzaren eta Aimhe-Makina-Erremintaren Inportatzaileen Elkartearen laguntza du.
Herrialde estrategikoetako bisitariak
Sektore estrategiko nagusietako (automobilgintza, aeronautika, energia, oil & gasa, trenbidea, ontzigintza, metalezko eraikuntza, ekipo-ondasunak, siderurgia eta balbulagintza, besteak beste) profesionalek BIEMH bisitatuko dute ekainean. Egungo testuinguruaren muga soziosanitarioak eta politikoak gorabehera, erantzuna oso positiboa izaten ari da datu gogobetegarriekin.
Bisitarien sustapen-kanpaina orokorra 100 herrialdetan baino gehiagotan garatu da, besteak beste: Alemania, AEB, Eslobakia, Frantzia, India, Italia, Mexiko, Portugal, Polonia, Erresuma Batua, Txekiar Errepublika eta Turkia; esparru orokorrean ez ezik.
Hosted Buyers´ Programme programaren bidez erosle handiak erakartzea da BIEMH azokaren bisitarien kanpainaren elementu nagusietako bat. Egitarau bateratu honek erakusketarien euren eskaerak ere jasotzen ditu eta hori funtsezkoa da interes goreneko profil estrategikoak BECera erakartzeko. Edizio honetan 300 erosle inguru izango dira, programa honi esker.
BIEMH-Makina-Erremintaren Nazioarteko Biurtekoak babes sektorial handia du nazio mailako fabrikazio aurreratuaren espektro osoan. Beste askoren artean, AMETIC, Andalucía Aerospace, ANMOPYC, Espainiako Merkataritza Ganbera, CITI Navarra, Industria Ingeniarien Elkargoen Kontseilu Nagusia, FEAMM, FEMEVAL, FVEM, PLATEA, PYMETAL Cantabria edo UPM. Era berean, Bisitarien Departamentuak nazioarteko aliantza sare garrantzitsua du ehunduta Italian, Portugalen, Turkian, Alemanian, Mexikon, Erresuma Batuan, Argentinan edo Kolonbian, besteak beste.
Edukien agenda garrantzitsua
Azterketa- eta hausnarketa-guneek garrantzi berezia hartzen dute industria aurreratuaren lehiakortasunari heltzeko, testuinguru berri batean, non sektoreak elkarri lotuta dauden eta eztabaidatzeko erronka handiak planteatzen dituzten. BIEMH azokak Automation & Robotic Talks eskainiko du, aurtengo nobedadea. Saio horietan, besteak beste, gai hauek jorratuko dira: Industrian automatizazio-teknologiak inplementatzearen adibideak, Robotika, IoT eta mugikortasuna: fabrikazio aurreratua aeronautika, automobil eta berriztagarrien industriarako, eta errobotikaren etorkizuna.
Eduki espezifikoen programa hori azoka paraleloetako hitzaldi-agendari gehituko zaio, Addit3Dko Additive Talks eta BeDIGITALeko Digital Talks azokekin batera. Horiek modu bertikal eta espezializatuan jorratuko dituzte industriaren funtsezko gai guztiak. Agenda oso horrek industria aurreratuaren lehiakortasunari helduko dio, eta fabrikazio aurreratuaren arlo guztiak zeharka jorratzen dituzten kontzeptuetan ere jarriko du arreta, hala nola digitalizazioa, talentua, berrikuntza, iraunkortasuna eta genero-ikuspegia.
Gainera, BIEMH azokan edukien agendak zuzeneko emisiorako telebista-kate propioa izango du: BIEMH TV. Ikus-entzunezko formatu horrek sektoreari buruzko berritasunak eta lekukotasun profesionalak uztartuko ditu, elkarrizketetan, erreportajeetan edo mahai-inguruetan. Era berean, BIEMH TVri industry TALKak gehituko zaizkio, sektoreko profesionalen arteko topagunea, beren esperientzia eta ibilbide profesionala trukatzeko; eta Women in Industry programa, enpresa-arloan eta, bereziki, industria-arloan genero-berdintasunaren beharrari buruzko hausnarketarako eta eztabaidarako gunea, hainbat hitzaldi, eztabaida eta mahai-ingurutan. Bi ekimen horiek aurtengo berrikuntzen artean daude.
