Albisteak 23 urtarrila, 2026

IndeusBerri: Industria eta Euskararen plaza

Albiste dira gaur Enpresa Digitalaren jardunaldi bat, Leiho Morea web gunea, Bizkaiko Foru Aldundiaren diru-laguntzak eta Adimen artifizial sendo.

Leiho Morea webgunea aurkeztu du Elhuyarrek. Urtarrilaren 13an aurkeztu zuen Elhuyarrek Leiho Morea webgunea: kontsultarako baliabide bat da, feminismoaren alorreko euskarazko edukiak biltzen dituena, eta eremu horretako kontzeptuak ulertzeko eta diskurtsoak sortzeko, itzultzeko eta ikertzeko ezinbestekoak diren bi atal ditu: hiztegia eta idatzizko zein ikus-entzunezko edukien corpusa edo bilduma (terminoen eta bestelako edukien kontsulta egiteko).

2026 urtean Bizkaiko enpresetan euskara sustatzeko dirulaguntzen deialdia ireki du Bizkaiko Foru Aldundiak. Aurten enpresa munduan euskararen erabilera sustatzeko Bizkaiko Lurralde historikoan egingo diren planak; Lantokiko prestakuntza modulua euskaraz egiteko aukera eskaintzea edota bezeroak aurrez aurre euskaraz artatzeko ekintzak eta materialen finantzaketarako laguntzak eskatzeko epea ireki du Bizkaiko Foru Aldundiak.

Beste AA bat: Hugging Face eta open-sourcearen indarra onlineko jardunaldia, euskaraz, Enpresa Digitalaren eskutik otsailaren 2an. Jardunaldi honen helburua da Hugging Face plataformak AAren garapena nola berritzen ari den modu integralean ulertzea, eta teknologia open-source-ari esker zure proiektu enpresarialak hobetzeko tresna horiek nola aprobetxatu erakustea. Hugging Face plataforma eta open-source ereduak hobeto ezagutu nahi dituen edozein profesional zuzenduta dago.

‘Adimen artifizial sendo’ Industria Berriaren Hiztegian. Sistemaren sendotasun teknikoa (testuinguru jakin batean egokia dena), aplikazio-eremua eta bizi-zikloaren fasea barne hartzen ditu, bai eta ikuspuntu soziala ere (bermatuz AA sistemak behar bezala kontuan hartzen duela bai testuingurua bai zer ingurunetan diharduen). Hori funtsezkoa da ziurtatzeko sistemak, asmo onez arituta ere, ez duela eragingo nahi gabeko kalterik. AA fidagarri bat errealitate bihurtzeko beharrezkoak diren hiru elementuetatik azkena da.

Lotutako albisteak

16/01/2026 Euskara industrian