Etorkizun lehiakor baterako Adimen Aritifiziala izango da urriaren 22ko hizketa-gai ETEKIN Ekonomia Topaketan.
2025ean ETEKIN zikloaren bi saio egin ostean, (Donostian, martxoaren 26an eta Gasteizen, ekainaren 18an), urteko azken geltokia Bilbo izango da urriaren 22an. Bertan adimen artifiziala finantza- eta ekonomia-sektorea nola eraldatzen ari den aztertuko da, lehiakortasunari eusteko aukera eta erronka berriak sortuz. Eusko Jaurlaritzako Elixabete Garcia, Fagor Arrasateko Amaia Iñurria eta ADI-Data Center Euskadiko Alex Etxeberria izango dira hizlari saio honetan.
Adimen Artifizialari buruzko lau ikastaro eskainiko ditu Enpresa Digitalak euskaraz urriaren 20, 21, 23 eta 24an.
4.0 ekintzailea: Automatizatu, berritu eta eskalatu gaur bertan AArekin; Programatzailea izan gabe: esperimentatu eta sortu aplikazioak eta webguneak AArekin; Nola galdetu AAri erantzun erabilgarri eta egiazkoak lortzeko; eta Power BIrako sarrera: ikasi zure datuak bistaratzen eta aztertzen dira Enpresa Digitalak urrian euskaraz eskainiko dituen ikastaroak. Guztiak daude publiko profil anitzari zuzenduta herritar zein ikasle, langile zein langabe, profesional edo enpresari.
Zer da hizkuntzen-kudeaketa eta zergatik da garrantzitsua niretzat? Onlineko saioa Eusko Jaurlaritzaren eta Euskaliten eskutik.
Zure erakundean oraindik hizkuntzak kudeatzen ez badituzue, edo honetan “hasiberriak” bazarete, saio honetan gako nagusiak entzuteko eta bi kasu praktiko ezagutzeko aukera izango duzue: BRUSS (Durangoko industria enpresa) eta Sirimiri Servicios Socioculturales SL (Arabako gizarte sektoreko erakundea). Bi erakunde hauek hasi dira hizkuntzak modu planifikatuan, ordenatuan eta sistematikoan kudeatzeko lehen pausoak ematen eta ikasitakoa konpartituko dute gurekin.
“Erabilgarritasun” Industria Berriaren Spri Hiztegian.
Webgune edo programa informatiko baten egokitasuna, neurtzen dena kontuan hartuta erabilera errazten eta atsegin egiten duten hainbat ezaugarri, hala nola diseinua, edukiak, testuen irakurgarritasuna, informazioa erakusteko azkartasuna, erabiltzailearen beharrak asetzeko gaitasuna eta abar.
