Albisteak 23 maiatza, 2025

IndeusBerri: Industria eta Euskararen plaza

Gaur albiste dira Adimen Artifiziala eta irudiak sortzea, ChatGPT ikastaroak, Bai Euskarari ziurtagiriak 25 urte eta Txartel adimendun.

Adimen Artifizialak lagundutako kontroldun irudiak sortzeko ikastaroa ekainaren 9an eta 10ean egingo da Donostian. Ikastaro hau adimen artifizialeko irudiak modu erraz eta kontrolatuan sortzeko interesa duen edonorentzat diseinatuta dago, tresna irisgarriak erabiliz. Freepik AI Suiteren funtzio nagusiak ezagutu eta beren proiektuetan aplikatu nahi dituzten sortzaile, ekintzaile eta profesionalen beharrak aseko dituen prestakuntza praktiko gisa aurkezten da. Asmoa da AAk lagundutako irudien sorkuntzara oinarrizko hurbilketa bat eskaintzea, aurretik esperientziarik ez dutenek ere oinarriak ikasi eta beren konposizioak sortzen has daitezen.

Ekainean itzuliko dira ChatGPTri buruzko ikastaroak euskaraz. Maiatzean egindako ikastaroek izan duten arrakasta ikusita, Mikroenpresa Digitala ekimenak ikastarook errepikatzea erabaki du. Ekainaren 5ean egingo da ChatGPT I eta ekainaren 6an berriz ChatGPT II. Ikastaroon helburua izango da Lengoia-eredu nagusien oinarriak ulertzea, ChatGPTk sektore, esparru eta lan askotan dituen aplikazioak ezagutzea, Teknologia mota honi lotutako arriskuak eta erronkak ezagutzea eta dauden ordainpeko eta doako planak ezagutzea. Internet eta bere tresnen erabilera erraz eta dohainik ikasi nahi duten mikroenpresei edota autonomoei zuzenduta dago.

BAI EUSKARARI ziurtagiriak 25 urte bete ditu eta aurtengo sarien banaketa ekitaldian egingo dute ospakizuna. Bai Euskarari Ziurtagiriak 25 urte beteko ditu aurten, eta mugarri hori ospatzeko, Bai Euskarari Sariak ekitaldi berezia egingo dugu ekainaren 18an, 19:00etan, Donostiako San Telmo museoan. Ziurtagiriaren, komunitatearen eta elkartearen historia, ibilbidea eta ekarpena balioan jarri nahi ditugu. Urteurren hau, beraz, Bai Euskarari Ziurtagiria eta Elkartearen ibilbidea ospatzeko ez ezik, aurrera begirako konpromisoari indarra emateko ere baliatu nahi da. Euskara lanabes dugun norbanako, enpresa eta erakunde guztiok jakitun gara: euskaraz normaltasunez aritzeak gure ongizatea eta lurraldearen garapena handitzen ditu.

“Txartel adimendun” Industria Berriaren Spri Hiztegian. Identifikatzeko eta transakzio ekonomikoak egiteko erabiltzen den plastikozko txartela, kreditu-txartelaren antzekoa, mikroprozesadorea, memoria edo biak dituena. Oraintsu arte, txartel adimendunek zerrenda magnetikoa izan ohi zuten, baina, horren ordez, txartelik berrienek txartelean sartutako kontaktu-multzo bat izan dezakete. Pertsonen nortasuna egiaztatzeko edo, diru digitala kargatuz gero, erosketak egiteko, telefonoz deitzeko eta abarretarako erabiltzen da.

Lotutako albisteak

13/02/2026 Euskara industrian

IndeusBerri: Industria eta Euskararen plaza

Gaurko albiste-bilduma: ENPATIKONOMIA jardunaldia, Mikroenpresa Digitalaren ikastaro bat, PuntuEus eta Zibererasoak, eta Abatar.

06/02/2026 Euskara industrian

IndeusBerri: Industria eta Euskararen plaza

Gaurko albiste bilduma: Microenpresa Digitala eta ChatGPT II, Emakumeak Zientzian 2026, Bizkaiko Foru Aldundiaren diru-laguntzak, EnpresaBIDEA eta Kaudatu, eta Trazabilitate.

30/01/2026 Euskara industrian

IndeusBerri: Industria eta Euskararen plaza

Albiste dira gaur Enpresa Digitalaren Adimen Artifizialari buruzko ikastaroa, Nortasuna Sarean, UEUko udako ikastaroak eta Diseinu kontzeptual.

23/01/2026 Euskara industrian

IndeusBerri: Industria eta Euskararen plaza

Albiste dira gaur Enpresa Digitalaren jardunaldi bat, Leiho Morea web gunea, Bizkaiko Foru Aldundiaren diru-laguntzak eta Adimen artifizial sendo.

16/01/2026 Euskara industrian

IndeusBerri: Industria eta Euskararen plaza

2026ko lehen IndeusBerri honetan albiste dira: Enpresa Digitalaren ikastaroak, Emakumeak Zientzian, Berba-lapiko proiektua eta Industria seguruaren laborategi 4.0.

19/12/2025 Euskara industrian

IndeusBerri: Industria eta Euskararen plaza

Eguberri zoriontsuak eta urte berri ona opatzeko baliatu dugu gaurko IndeusBerri, 2026a izan dadila Euskara Industrian eta Industria Euskaran aldarrikatzen dugun urtea. Bide batez, Enpresa digitalak otsailerako antolatu duen tailer bat ere aipatu nahi izan dugu eta hiztegiko kontzeptu bat: Aingeru Inbertitzaile.

12/12/2025 Euskara industrian

IndeusBerri: Industria eta Euskararen plaza

Euskarazko Wikipediaren 24.urteurrena, Euskrowd ekimena, Adimen Artifizialari buruzko jardunaldi interesgarri bat eta Proba-datu dira gaur bildutako albisteak.