Albisteak 16 maiatza, 2025

IndeusBerri: Industria eta Euskararen plaza

Gaur albiste dira Adimen Artifizialaren inguruko ikastaro bat, Euskaraldia, Ekintzaile eta Barnekintzaile laguntza-programak, Udaltop eta Blockchain laborategi.

Adimen Artifizialak lagundutako kontroldun irudiak sortzeko ikastaroa maiatzaren 27an eta 28an Donostian. Ikastaro hau adimen artifizialeko irudiak modu erraz eta kontrolatuan sortzeko interesa duen edonorentzat diseinatuta dago, tresna irisgarriak erabiliz. Freepik AI Suiteren funtzio nagusiak ezagutu eta beren proiektuetan aplikatu nahi dituzten sortzaile, ekintzaile eta profesionalen beharrak aseko dituen prestakuntza praktiko gisa aurkezten da. Asmoa da AAk lagundutako irudien sorkuntzara oinarrizko hurbilketa bat eskaintzea, aurretik esperientziarik ez dutenek ere oinarriak ikasi eta beren konposizioak sortzen has daitezen.

Euskaraldia iritsi da SPRI Taldera. Euskaraldiaren laugarren edizioari hasiera paregabea emateko, Spri Taldeko erakundeak eta Bizkaia Plaza eraikinean kokatutako gainerako erakunde publikoak (Energiaren Euskal Erakundea, Basquetour, Osatek, Ihobe eta Ura) alkartu egin dira taldeko argazkiak egin eta “Andereño Rosita” antzeslana ikusteko. Bideo baten jaso dute ospakizuna. Euskaraldia 2025 programak pertsona, erakunde eta entitateei gonbidapena egin die gogoeta egin dezaten nola komunikatzen diren eta urrats sendoak egin ditzaten euskararen presentzia handiagoa lortzeko bizitzaren eremu guztietan, besteak beste lan-esparruan.

Gaur hasiko da Spriren Ekintzaile eta Barnekintzaile programen laguntzak eskatzeko epea. Spri Taldeak 2,5 milioi euro bideratuko ditu ekintzailetza sustatzeko Ekintzaile eta Barnekintzaile programen bidez. Ekintzailek Enpresa Planak prestatzeko eta proiektuen ideiak lantzeko laguntza emango du, laguntza integrala, aholkularitzatik hasi eta finantzaketaraino. Barne ekintzaile programak bere aldetik, negozio berriak garatzera eta produktu zein zerbitzuen dibertsifikazioan laguntzera bideratuko ditu bere diru-laguntzak.

“Blockchain laborategi” Industria Berriaren Spri Hiztegian. Datu digitalen kopuru handiak azkar prozesatzeko gaitasuna duen ingurunea. Gaur egungo prozedura industrialen ondorioz, baita bloke-kateen teknologia darabilten enpresen jardunaren ondorioz ere, datu-kopuru handiak sortzen dira. SPRI erakundeak enpresei eskaintzen dien aktibo edo baliabideetako bat da, eta hiru osagai ditu: Deep Learning zerbitzariak, txartel grafikoekin; flash biltegiratzea; eta HSM moduluak.

INDEUS ekimenak bat egin du EUSKARALDIArekin. Aurreko edizioetan bezala oraingoan ere Industriaren Euskal Plataformako kideek bat egin dute EUSKARALDIArekin kantuz, dantzaz eta erritmo biziz. INDEUSen aurtengo Batzar Orokorra baliatuz grabatu ziren irudiak Euskadiko Parke Teknologikoaren Abantoko kanpusean eta Euskaraldiaren hasierarekin batera argitaratu da bideoa. Indeuseko enpresen ordezkariez gain Hizkuntza Politikarako Sailburuordeak, Hizkuntza Ikerketa eta Koordinaziorako Zuzendariak eta Energiaren Euskal Erakundeko Zuzendariak hartu dute parte bideoklipean.

Datorren ostegun eta ostiralean egingo da UDALTOP Ahalduntze linguistikoa hizpide hartuta. Ahalduntze linguistikoak hizkuntza komunitatea trinkotzeko tresna gisa nola eragin dezakeen aztertuko dugu aurten. Zenbait esparrutan hasiak dira norabide horretan urratsak ematen, eta, Udaltopen, inguruan zer gertatzen den ezagutzeko eta hausnartzeko parada izango da. Hiztunaren eta hizkuntza komunitatearen autoestimuaren auziak garrantzi sozial handia du, eta, zenbait azterketek azpimarratzen dutenez, autoestimu kolektibo handiagoak lotura omen du gizarte kohesio eta ongizate psikologiko handiagoekin.

Lotutako albisteak

13/02/2026 Euskara industrian

IndeusBerri: Industria eta Euskararen plaza

Gaurko albiste-bilduma: ENPATIKONOMIA jardunaldia, Mikroenpresa Digitalaren ikastaro bat, PuntuEus eta Zibererasoak, eta Abatar.

06/02/2026 Euskara industrian

IndeusBerri: Industria eta Euskararen plaza

Gaurko albiste bilduma: Microenpresa Digitala eta ChatGPT II, Emakumeak Zientzian 2026, Bizkaiko Foru Aldundiaren diru-laguntzak, EnpresaBIDEA eta Kaudatu, eta Trazabilitate.

30/01/2026 Euskara industrian

IndeusBerri: Industria eta Euskararen plaza

Albiste dira gaur Enpresa Digitalaren Adimen Artifizialari buruzko ikastaroa, Nortasuna Sarean, UEUko udako ikastaroak eta Diseinu kontzeptual.

23/01/2026 Euskara industrian

IndeusBerri: Industria eta Euskararen plaza

Albiste dira gaur Enpresa Digitalaren jardunaldi bat, Leiho Morea web gunea, Bizkaiko Foru Aldundiaren diru-laguntzak eta Adimen artifizial sendo.

16/01/2026 Euskara industrian

IndeusBerri: Industria eta Euskararen plaza

2026ko lehen IndeusBerri honetan albiste dira: Enpresa Digitalaren ikastaroak, Emakumeak Zientzian, Berba-lapiko proiektua eta Industria seguruaren laborategi 4.0.

19/12/2025 Euskara industrian

IndeusBerri: Industria eta Euskararen plaza

Eguberri zoriontsuak eta urte berri ona opatzeko baliatu dugu gaurko IndeusBerri, 2026a izan dadila Euskara Industrian eta Industria Euskaran aldarrikatzen dugun urtea. Bide batez, Enpresa digitalak otsailerako antolatu duen tailer bat ere aipatu nahi izan dugu eta hiztegiko kontzeptu bat: Aingeru Inbertitzaile.

12/12/2025 Euskara industrian

IndeusBerri: Industria eta Euskararen plaza

Euskarazko Wikipediaren 24.urteurrena, Euskrowd ekimena, Adimen Artifizialari buruzko jardunaldi interesgarri bat eta Proba-datu dira gaur bildutako albisteak.