IndeusBerri: industria eta euskara uztartzen dituen informazioaren topagunea
Datorren irailean egingo den Euskararen diskurtsoak enpresetan jardunaldia ekarri dugu aste honetako IndeusBerri gunera. Honekin batera, Euskal Herriko zeruaren lehen planisferioa Aranzadi Zientzia Elkarteak, Elkano Fundazioak eta Kutxa Fundazioak lankidetzan garatutakoa, eta Mimukai, tokiko garapenerako proiektu komunitarioa, oztopo indibidualei irtenbide kolektiboak emateko sortutako egitasmoa.
“Euskararen diskurtsoak enpresetan” jardunaldia egingo da iraileanLan-munduan euskararen gainean dauden diskurtso nagusiak aztertzeko jardunaldia da “Euskararen diskurtsoak enpresetan”, Hizkuntza Politikarako Sailburuordetzak antolatutakoa. Eremu sozioekonomikoan euskara nola edo zenbateraino aldatu den aztertuko da bertan, kontuan izanik pertsonak, enpresen egoera eta ingurua ere aldatu egin direla.
Euskal Herriko zerua miniaturanMunduari egindako lehen itzuliaren 500. urteurrenarekin bat eginez, Aranzadi Zientzia Elkarteak, Elkano Fundazioa eta Kutxa Fundazioarekin lankidetzan, Euskal Herriko zeruaren lehen planisferioa aurkeztudu, 43º-ko ipar latitudean kokatua eta oso-osorik euskaraz idatzia.
MIMUKAI tokiko garapenerako proiektu komunitarioaMIMUKAI Larraun-Leitzaldean elkarlana bultzatzeko eta tokiko garapena bultzatzeko proiektu komunitarioa da, oztopo indibidualei irtenbide kolektiboak emateko sortua. Eskualdea osatzen duten 11 Udaletako ordezkariek, herri guztietako herritarrek eta sektore guztietako eragileek parte hartu dute prozesuan.
