Euskara industrian
Albisteak 24 urtarrila, 2025

IndeusBerri: industria eta euskara uztartzen dituen informazioaren topagunea

Gaur albiste dira Emakumeak Zientzian 2025, Ziur, Puntueus eta Baliozkotze-datu.
-

Ilbaltza aurrera doa eta IndeusBerrik jasotzen dituen albisteak gero eta koloretsuago. Emakumeekin eta Zientziarekin hasiko dugu gaurko agerraldia: Emakumeak Zientzian 2025 otsailaren 7tik 14ra egingo da, Ekintza txikiak aldaketa handiak lelopean. Emakumeekin jarraituko dugu, izan ere Puntueus Fundazioari begiratuz, Olaitz Arbelaitz aukeratu baitute erakundeko presidente berri. Zibersegurtasunari erreparatuz, Ziurren azken txostena ekarri dugu gurera. Eta amaitzeko, hiztegiko kontzeptu berri bat: Baliozkotze-datu.

Puntueus Fundazioak presidente berria du: Olatz Arbelaitzek hartuko du Iñaki Goirizelaiak utzitako erantzunkizuna. Puntueus Fundazioaren patronatuak Olatz Arbelaitz Gallego izendatu du Fundazioaren lehendakari. Horrela, Arbelaitzek Iñaki Goirizelaiaren lekukoa hartu du UPV/EHUren ordezkari gisa. Goirizelaiak abenduan jakinarazi zuen bere etapa amaitutzat jotzen zuela eta lekukoa pasatzeko garaia iritsi zela. Gorizelaia zortzi urtez izan da Puntues Fundazioaren lehendakaria. Arbelaitzek azpimarratu duenez, "beti jarraitu izan dut PUNTUEUS proiektuaren ibilbidea. Amets izan zenetik gaur egun den proiektu sendo eta finkaturaino, uste izan dut herri bezala esparru digitalean presentzia izateko ezinbesteko proiektua zela".
Giza akatsek eragiten dute zibersegurtasun intrusio gehien, ZIURen txostenaren arabera. ZIUR zentroaren azken Ziberinteligentzia Txostenak, negoziazio publikoetatik abiatuta ransomware taldeek erabilitako sarrera-bektoreak aztertu ondoren, 2024ko azken hiruhilekoan gertatutako intrusio gehienak giza akatsek eragindakoak direla ondorioztatu du. Gipuzkoako Zibersegurtasun Industrialeko Zentroaren txostenak industria-ehunaren kontzientziaziorako zibersegurtasunaren esparruko joerak aztertu ditu. Eta ildo horretan, 2024ean, urritik abendura, Espainian % 23,23 igo direla ransomware-erasoarekin lotutako gertakariak nabarmendu du. Era berean, Strela Stealer malwarea herrialdean hedatzeko phishing-kanpaina berri bat antzeman dela jakinarazi du. Kanpaina honek posta elektronikoko egiaztagiriak lapurtzea du helburu.
Emakumeak Zientzian 2025, otsailaren 7tik 14ra: ekintza txikiak, aldaketa handiak. Hogeita hamabost euskal erakundek bat egin dute Emakumeak Zientzian proiektuarekin, eta, hala, ekimenaren helburuekiko konpromisoa berretsiko dute: zientzian diharduten emakumeen lana ikusaraztea, jarduera zientifiko-teknikoak gizonezkoen kontua direlako ustea apurtzea eta neskek eta nerabeek zientziako ikasketak hauta ditzaten sustatzea. Helburu horiek kontuan hartuta, erakundeek indarrak batu dituzte jarduera-programa bat elkarrekin antolatzeko Emakume eta Neska Zientzialarien Nazioarteko Eguna dela eta (otsailaren 11n izaten da urtero). Emakumeak Zientzian urtetik urtera hazten eta indartzen joan den proiektu bat da, eta, ekimenaren helburu nagusiak betetzeaz gain, hausnarketa sakona egiten du egoera zientifiko-teknologikoa behar bezala aldatzen laguntzeko.
“Baliozkotze-datu” Industria Berriaren Spri Hiztegian. Entrenatutako adimen artifizialeko sistemaren ebaluazioa egiteko eta entrenatu ezin diren parametroak eta ikaste-prozesua egokitzeko erabiltzen diren datuak. Besteak beste, xedea da prozesua behar baino gehiago ez doitzea. Baliozkotze-datuen multzoa bi eratakoa izan daiteke: datu-multzo independentea edo entrenamendu-datuen multzoaren parte (multzo finkoa edo aldakorra).

Lotutako albisteak

IndeusBerri: Industria eta Euskararen plaza
13/03/2026 Euskara industrian

IndeusBerri: Industria eta Euskararen plaza

Albiste dira gaur ALIA FOROA, Enpresa Digitala, ETEKIN Topaketak, EnpresaBIDEA - ORONA eta Datu sentikor.

IndeusBerri: Industria eta Euskararen plaza
06/03/2026 Euskara industrian

IndeusBerri: Industria eta Euskararen plaza

Gaur albiste dira ENPATIKONOMIA eta NORTASUNA SAREAN jardunaldiak, biak ala biak datorren astean egingo direnak; ENPRESA DIGITALA eta Adimen Artifiziala; eta Datu irekiak.

IndeusBerri: Industria eta Euskararen plaza
27/02/2026 Euskara industrian

IndeusBerri: Industria eta Euskararen plaza

Indeus, Industriaren Euskal Plataformaren urteko lehen bilera; Mikroenpresa Digitalaren ChatGPTri buruzko ikastaroa; Etekin Ekonomia Topaketak; eta Datu-bilketa dira gaurko albisteak.

Jon Ansoleaga: “INDEUSera enpresa gehiago erakarri behar ditugu eta zerbitzuak euskaraz bermatzeko ahalegina egiten jarraitu”
25/02/2026 Euskara industrian

Jon Ansoleaga: “INDEUSera enpresa gehiago erakarri behar ditugu eta zerbitzuak euskaraz bermatzeko ahalegina egiten jarraitu”

Industriaren Euskal Plataformaren urteko lehen bileran hartu du parte Spriko Zuzendari Nagusiak, Parke Teknologikoaren Arabako kanpusean, INDEUSek 8 urte bete dituenean

IndeusBerri: Industria eta Euskararen plaza
20/02/2026 Euskara industrian

IndeusBerri: Industria eta Euskararen plaza

Gaurko albisteak: Etekin Topaketen aurtengo edizioa, Arabako Enpresen Foroa, Enpatikonomia jardunaldia eta Testu-meatzaritza.

IndeusBerri: Industria eta Euskararen plaza
13/02/2026 Euskara industrian

IndeusBerri: Industria eta Euskararen plaza

Gaurko albiste-bilduma: ENPATIKONOMIA jardunaldia, Mikroenpresa Digitalaren ikastaro bat, PuntuEus eta Zibererasoak, eta Abatar.

IndeusBerri: Industria eta Euskararen plaza
06/02/2026 Euskara industrian

IndeusBerri: Industria eta Euskararen plaza

Gaurko albiste bilduma: Microenpresa Digitala eta ChatGPT II, Emakumeak Zientzian 2026, Bizkaiko Foru Aldundiaren diru-laguntzak, EnpresaBIDEA eta Kaudatu, eta Trazabilitate.

IndeusBerri: Industria eta Euskararen plaza
30/01/2026 Euskara industrian

IndeusBerri: Industria eta Euskararen plaza

Albiste dira gaur Enpresa Digitalaren Adimen Artifizialari buruzko ikastaroa, Nortasuna Sarean, UEUko udako ikastaroak eta Diseinu kontzeptual.

IndeusBerri: Industria eta Euskararen plaza
23/01/2026 Euskara industrian

IndeusBerri: Industria eta Euskararen plaza

Albiste dira gaur Enpresa Digitalaren jardunaldi bat, Leiho Morea web gunea, Bizkaiko Foru Aldundiaren diru-laguntzak eta Adimen artifizial sendo.

IndeusBerri: Industria eta Euskararen plaza
16/01/2026 Euskara industrian

IndeusBerri: Industria eta Euskararen plaza

2026ko lehen IndeusBerri honetan albiste dira: Enpresa Digitalaren ikastaroak, Emakumeak Zientzian, Berba-lapiko proiektua eta Industria seguruaren laborategi 4.0.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.