Albisteak 27 abendua, 2024

IndeusBerri: industria eta euskara uztartzen dituen informazioaren topagunea

Gaur albiste dira EUSKARALDIA, PUNTUEUS eta Datu-multzo.

2024ko azken IndeusBerriren agerraldia laburra izango da baina interesgarria, nola ez! Hasi, datorren urteko maiatzean egingo den EUSKARALDIA nabarmenduz hasi nahi dugu, SPRIk dagoeneko eman duelako izena entitateen erregistroan. Jarraitu, Puntueus fundazioak abenduaren 17an egindako 10.urteurreneko ospakizunarekin jarraitzen dugu. Eta amaitu, beti bezala, Industria Berriaren Hiztegiko kontzeptu bat aukeratuz amaitu; gaurko honetan Datu-multzo.

“Datu multzo” Industria Berriaren Spri Hiztegian. Formatu bera duten eta xede jakin baterako esanguratsuak diren erregistroen bilketa. Datu-multzoak adimen artifizialeko eredu bat baliozkotzeko edo probatzeko erabil daitezke, baita ikaste automatikoko algoritmo bat entrenatzeko ere. Industria berriaren hiztegian aurki dezakezu kontzeptu hau. Eta honekin batera beste ehundaka kontzeptu Industria berriaren jardunari lotutakoak. Guztiak daude euskaraz, gaztelaniaz eta ingelesez.

.eus domeinuak 10.urteurreneko festa ospatu du. Joan den abenduaren 17an egin zuen Puntueus fundazioak bere 10. urteurreneko ospakizuna. Gure Zirkuan, Tolosan, egin zen ospakizuna, Euskal komunitatearen amets kolektiboak eta ingurune digitaleko arrakasta ospatzeko. Erakundeetako ordezkariak, industria digitaleko profesionalak, euskalgintzako eragileak eta domeinuaren erabiltzaileak elkartu ziren. Arratsaldeko unerik hunkigarriena, Iñaki Goirizelaia, PUNTUEUS Fundazioaren lehendakariak, egindako hitzartzea izan zen.

2025eko maiatzaren 15etik 25era egingo den EUSKARALDIrako motorrak berotzen. SPRIk dagoeneko eman du izena EUSKARALDIAn, euskararen erabilera aktibatzeko mugimendu sozialean. Euskaraldiaren helburua nagusia hizkuntza-ohituren inertziak astindu eta herritarrek euskara gehiago erabiltzeko urratsak ematea da, eta, horrez gain, entitateek ere euskaraz bizitzeko aukerak eta neurriak hartzea sustatu nahi da. Euskaraldiak, modu kolektibo eta sozial batean, tokian tokiko euskalgintza aktibatzea eta elkarlanean aritzea ahalbidetzen du, euskaraz bizitzea posible egingo duten neurriak eta espazioak sortuz. Aurreko edizioetan bezala, honako honetan ere SPRIk parte hartuko du.

Lotutako albisteak

13/02/2026 Euskara industrian

IndeusBerri: Industria eta Euskararen plaza

Gaurko albiste-bilduma: ENPATIKONOMIA jardunaldia, Mikroenpresa Digitalaren ikastaro bat, PuntuEus eta Zibererasoak, eta Abatar.

06/02/2026 Euskara industrian

IndeusBerri: Industria eta Euskararen plaza

Gaurko albiste bilduma: Microenpresa Digitala eta ChatGPT II, Emakumeak Zientzian 2026, Bizkaiko Foru Aldundiaren diru-laguntzak, EnpresaBIDEA eta Kaudatu, eta Trazabilitate.

30/01/2026 Euskara industrian

IndeusBerri: Industria eta Euskararen plaza

Albiste dira gaur Enpresa Digitalaren Adimen Artifizialari buruzko ikastaroa, Nortasuna Sarean, UEUko udako ikastaroak eta Diseinu kontzeptual.

23/01/2026 Euskara industrian

IndeusBerri: Industria eta Euskararen plaza

Albiste dira gaur Enpresa Digitalaren jardunaldi bat, Leiho Morea web gunea, Bizkaiko Foru Aldundiaren diru-laguntzak eta Adimen artifizial sendo.

16/01/2026 Euskara industrian

IndeusBerri: Industria eta Euskararen plaza

2026ko lehen IndeusBerri honetan albiste dira: Enpresa Digitalaren ikastaroak, Emakumeak Zientzian, Berba-lapiko proiektua eta Industria seguruaren laborategi 4.0.

19/12/2025 Euskara industrian

IndeusBerri: Industria eta Euskararen plaza

Eguberri zoriontsuak eta urte berri ona opatzeko baliatu dugu gaurko IndeusBerri, 2026a izan dadila Euskara Industrian eta Industria Euskaran aldarrikatzen dugun urtea. Bide batez, Enpresa digitalak otsailerako antolatu duen tailer bat ere aipatu nahi izan dugu eta hiztegiko kontzeptu bat: Aingeru Inbertitzaile.

12/12/2025 Euskara industrian

IndeusBerri: Industria eta Euskararen plaza

Euskarazko Wikipediaren 24.urteurrena, Euskrowd ekimena, Adimen Artifizialari buruzko jardunaldi interesgarri bat eta Proba-datu dira gaur bildutako albisteak.