IndeusBerri: industria eta euskara uztartzen dituen informazioaren topagunea
INDEUS ekimeneko lantaldeek egin berri duten bilera ekarri dugu IndeusBerri guneko azalera. Honekin batera MZT Kongresuari buruzko azken albisteak eta Enpresa Digitalaren eskutik euskaraz egingo den Linkedin sare sozialaren kudeaketari buruzko ikastaroak osatzen dute aste honetako buletin hau.
INDEUSeko lantaldeek urteko azken topaketa egin duteEkimena abiarazi zenetik hiru urte baino gehiago pasatu direnean, Aitor Urzelai, SPRIren zuzendari nagusiak gogoeta egiteko une aproposa dela esan du eta ekimeneko partaide diren enpresa eta erakundeei ekarpenak egiteko eskatu die, datorren urterako erronkak ezartzerakoan baliogarri izango direlako.
80tik gora lan aurkeztuko dira Materialen Zientzia eta Teknologia KongresuanPolimeroak, metalak, ingurumena, biozientziak eta fabrikazio gehigarria izango dituzte aztergai besteak beste, azaroaren 29an eta 30ean, EHUren Bizkaia Aretoan egingo den MZT Kongresuaren V.edizioan. Halaber MZT Kongresuko glosario terminologikoaren aurkezpena ere egingo da.
Linkedinen kudeaketa profesionalaren ikastaroaIkastaro honetan Linkedin sareak mundu profesionalean duen garrantzia landuko da. Ikuspuntu korporatibo batetik, marka pertsonalaren eta enpresa markaren lanketa nola egiten den irakatsiko dute eta kronogramak nola landu, edukia nola banatu, marka enbaxadoreak nola kudeatu… Etorkizuneko erabiltzaileak trebatuz, irudi digitala mimoz zaintzeko beharrezkoak diren baliabideak eskainiko ditu euskaraz egingo den ikastaroak.
